Զախար Պրիլեպին

Զախար Պրիլեպին Захар Прилепин
Ծննդյան անուն	ռուս.՝ Евгений Николаевич Прилепин
Ծնվել է	հուլիսի 7, 1975(1975-07-07) (48 տարեկան)
Ծննդավայր	Ilyinka, Սկոպինսկի շրջան, Ռյազանի մարզ, ՌԽՖՍՀ, ԽՍՀՄ
Գրական անուն	Захар
Մասնագիտություն	լրագրող, վիպասան, քաղաքական գործիչ, հասարակական գործիչ, հեռուստահաղորդավար, գլխավոր խմբագիր, բանասեր, հրապարակախոս, Պետական Դումայի անդամ և գրող
Լեզու	ռուսերեն
Քաղաքացիություն	Ռուսաստան
Կրթություն	Նիժնի Նովգորոդի պետական համալսարան (1999)
Ժանրեր	արձակ
Ուշագրավ աշխատանքներ	Պաթոլոգիաներ
Անդամակցություն	Izborsk Club? և 8th State Duma of the Russian Federation?
Կուսակցություն	Ազգային Բոլշևիկյան կուսակցություն, For Truth? և Արդար Ռուսաստան
Պարգևներ	Ռուսաստանի Դաշնության կառավարական մրցանակ և
Կայք	zaharprilepin.ru
Zakhar Prilepin Վիքիպահեստում

Զախար Պրիլեպին (ռուս.՝ Заха́р Приле́пин, իսկական անունը՝ Եվգենի Նիկոլաևիչ Պրիլեպին, ռուս.՝ Евге́ний Никола́евич Приле́пин, ծնվ. հունիսի 7, 1975, գյուղ Իլինկա, Սկոպինսկի շրջան, Ռյազանի մարզ, ՌՍՖՍՀ), ռուս գրող, հրապարակախոս։

Կենսագրություն

Եվգենի Պրիլեպինը ծնվել է 1975 թվականի հունիսի 7-ին Ռուսաստանի Ռյազանի մարզի Սկոպինսկի շրջանի Իլինկա գյուղում՝ ուսուցչի և բուժքրոջ ընտանիքում։ Ավարտել է Ն. Ի. Լոբաչևսկիի անվան Նիժնի Նովգորոդի պետական համալսարանի բանասիրական ֆակուլտետը և Հանրային քաղաքականության դպրոցը։ Զբաղվել է զանազան աշխատանքներով, եղել է թիկնապահ, ռուսական ԱՄՈՆ-ի ջոկատներից մեկի հրամանատար, մասնակցել է 1996 և 1999 թվականների չեչենական հակամարտություններին։ 1999 թվականին դրամական դժվարությունների պատճառով թողնում է իր ծառայությունը ԱՄՈՆ-ում և աշխատանքի անցնում Նիժնի Նովգորոդում հրատարակվող «Дело» թերթի խմբագրությունում, իսկ 2000 թվականին դառնում է վերոնշյալ թերթի գլխավոր խմբագիր։ Այդ ժամանակից էլ սկսվում է Պրիլեպինի գրական և լրագրական գործունեությունը։ Նա 2004 թվականին հրատարակում է իր առաջին «Պաթոլոգիաներ» վեպը, որը դրական արձագանք է գտնում գրական հասարակության կողմից։ 2007 թվականին Պրելեպինը դառնում է Նիժնի Նովգորոդում լույս տեսնող «Новая газета» պարբերականի գլխավոր տնօրեն և գլխավոր խմբագիր, իսկ 2012 թվականին Սերգեյ Շարգունովի հետ միասին ղեկավարում է «Свободная пресса» համացանցային պարբերականը։

Քաղաքական հայացքներ

Զախար Պրիլեպինը 1996 թվականից հանդիսանում է Ազգային Բոլշևիկյան կուսակցության անդամ, որի գործունեությունն արգելված է Ռուսաստանի Դաշնության տարածքում։ Բազմիցս հանդես է եկել Ռուսաստանի նախագահ Վլադիմիր Պուտինի հանդեպ սուր քննադատություններով։

2020 թ. հուլիսին միացել է Մարգարիտա Սիմոնյանի՝ ՀՀ իշխանություններին ուղղված նամակին։

Մատենագիտություն

Վեպեր

• 2004 - «Պաթոլոգիաներ» («Патологии»)
• 2006 - «Սանկյա» («Санькя»)
• 2007 - «Մեղք» («Грех»)
• 2011 - «Սև կապիկ» («Чёрная обезьяна»)
• 2014 - «Ապաստարան» («Обитель»)

Պատմվածքների ժողովածուներ

• 2008 - «Ճտքավոր կոշիկներ՝ լի տաք ջրով» («Ботинки, полные горячей водкой»)
• 2012 - «Ութնյակ» («Восьмёрка»)
• 2016 - «Յոթ կյանք» («Семь жизней»)

Էսսեների ժողովածուներ

• 2008 - «Ես եկել եմ Ռուսաստանից» («Я пришёл из России»)
• 2009 - «Terra Tartarara. Այդ վերաբերում է անձնապես ինձ» («Terra Tartarara. Это касается лично меня»)
• 2015 - «Թռչող բուռլակներ» («Летучие бурлаки»)
• 2015 - «Ոչ օտար խառնաշփոթ։ Մեկ օր - մեկ տարի» («Не чужая смута. Один день — один год»)

Հրապարակախոսություն

• 2016 - «Ամեն ինչ, որ պետք է լուծվի...» («Всё, что должно разрешиться…»)

Արտաքին հղումներ

• Զախար Պրիլեպին՝ «բարի կամքի դեսպան»-ը՝ Հայաստանում(հայ.)
• Ամի Չիչակյան, Ռուս գրող. ԵՄ-ի հետ փաստաթղթի ստորագրումը համատեղելի է ԵՏՄ-ի հետ(հայ.)

Վիքիպահեստն ունի նյութեր, որոնք վերաբերում են «Զախար Պրիլեպին» հոդվածին։