Եփրեմ Հովհաննիսյան

Եփրեմ Հովհաննիսյան;
Ծնվել է	1919
Ծննդավայր	Արտավան, Հայաստան
Մահացել է	անհայտ
Քաղաքացիություն	ԽՍՀՄ
Մասնագիտություն	մանկավարժ
Կուսակցություն	ԽՄԿԿ
Պարգևներ և ; մրցանակներ	և

Եփրեմ Արսենի Հովհաննիսյան (1919, Արտավան, Հայաստան - անհայտ), հայ մանկավարժ։ ԽՄԿԿ անդամ (1946): Հայրենական մեծ պատերազմի մասնակից։

Կենսագրություն[խմբագրել | խմբագրել կոդը]

Եփրեմ Հովհաննիսյանը ծնվել է 1919 թվականին, Վայքի Արտավան գյուղում։ 1938 թվականին ավարտել է շրջկենտրոնի միջնակարգ դպրոցը և անցել ուսուցչական աշխատանքի։ Սովորել է գյուղատնտեսական ինստիտուտում և 4-րդ կուրսից 1941 թվականի հուլիսին զորակոչվել զինվորական պարտադիր ծառայության։ Սովորել է Թբիլիսիի հետևակային ուսումնարանում և այն ավարտել է 1942 թվականի մայիսին, լեյտենանտի կոչումով մեկել է ռազմաճակատ։ 1942 թվականի սեպտեմբերին որպես վաշտի հրամանատար, մասնակցել Նովոռոսիյսկի, Մոզդոկի, Մալգոբեկի ուղղություններում ծավալված մարտերին, որտեղ վիրավորվել է։ Ապաքինվելուց հետո վերադարձել է ռազմաճակատ և կռվել Հյուսիսային Կովկասի ազատագրման համար։ Նովոռոսիյսկի ուղղությունում 1943 թվականի նոյեմբերին ծանր վիրավորվել է և որպես Հայրենական պատերազմի երկրորդ կարգի հաշմանդամ զորացրվել բանակից^[1]։

Հովհաննիսյանը պարգևատրվել է «Խիզախության համար», «Կովկասի պաշտպանության համար», «1941-1945 թթ. Հայրենական պատերազմում Գերմանիայի դեմ տարած հաղթանակի համար» և այլ մեդալներով։ 1946 թվականին ընդունվել է կուսակցության շարքերը^[1]։

Զորացրվելուց հետո Հովհաննիսյանը շարունակել է ուսումը Երևանի գյուղատնտեսական ինստիտուտում, որն ավարտելուց հետո անցել է մանկավարժական աշխատանքի, որին զուգընթաց սովորել ու ավարտել է Երևանի հեռակա մանկավարժական ինստիտուտը, նշանակվել դպրոցի տնօրեն, ուսմասվար։ 1974 թվականին աշխատել է ժողկրթության բաժնի տեսուչ, մեթոդիստ, կուսշրջկոմում բաժնի վարիչ։ Հետագա տարիներին աշխատել է անտառտնտեսության տնօրեն^[1]։

Պարգևներ[խմբագրել | խմբագրել կոդը]

«1941-1945 թթ. Հայրենական պատերազմում Գերմանիայի դեմ տարած հաղթանակի համար» մեդալ
«Խիզախության համար» մեդալ
«Կովկասի պաշտպանության համար» մեդալ

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:

[haygirk-1] 1,0 ^1,1 ^1,2 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:

[1]