Երևանի գեղասահքի և հոկեյի մարզադպրոց

Վիքիպեդիայից՝ ազատ հանրագիտարանից
Jump to navigation Jump to search
Երևանի գեղասահքի և հոկեյի մարզադպրոց
Տեսակդպրոց
Հիմնադրված է1971
Անվանված էԻրինա Ռոդնինա
ՏնօրենՄելինե Ավագյան
Աշակերտներ180
ԵրկիրFlag of Armenia.svg Հայաստան
ՏեղագրությունԵրևան
ՀասցեԵրևան, Ծովակալ Իսակովի պողոտաի 27/8
Երևանի գեղասահքի և հոկեյի մարզադպրոցը գտնվում է Հայաստանում
Երևանի գեղասահքի և հոկեյի մարզադպրոց

Երևանի գեղասահքի և հոկեյի մարզադպրոց, գեղասահքի դպրոց Երևանում:

2015-2019 թվականներին կոչվել է գեղասահքի ռուս չեմպիոնուհի Իրինա Ռոդնինայի անունով[1]։

Պատմություն[խմբագրել | խմբագրել կոդը]

Երևանի գեղասահքի և տափօղակով հոկեյի մանկապատանեկան դպրոցը հիմնադրվել է 1971 թվականին, որն իր գործունեությունը ծավալել է հիմնականում Բագրատունյաց փողոցում տեղակայված դպրոցում, շենքային ոչ բարենպաստ պայմանների պատճառով սպորտաձևերը զարգացում չեն ապրել, գեղասահքի դպրոցում երկար տարիներ չի գործել սահադաշտը։

Երևան քաղաքի ավագանու 2015 թվականի նոյեմբերի 25-ի որոշմամբ մարզադպրոցն անվանափոխվել է «Իրինա Ռոդնինայի գեղասահքի մարզադպրոց» ՊՈԱԿ-ի և գործելու է Ծովակալ Իսակովի պողոտա 27/10 հասցեում գտնվող նորակառույց գեղասահքի դպրոցի շենքում՝ անվանի գեղասահորդ, ՌԴ հասարակական գործիչ, Պետդումայի պատգամավոր Իրինա Ռոդնինայի ղեկավարությամբ։

2019 թվականին Երևանի ավագանու որոշմամբ գեղասահքի դպրոցը վերանվանվել է «Երևանի գեղասահքի և հոկեյի մարզադպրոց»:

Գեղասահքի դպրոցը կառուցվել է Մոսկվայի «Մոնարխ» ընկերությունների խմբի տնօրեն, «Բարեկեցություն» բարեգործական հիմնադրամի նախագահ Սերգեյ Համբարձումյանի սեփական միջոցներով և նվիրաբերվել է Երևանի քաղաքապետարանին: Երևանի սահադաշտի շինարարությունն սկսվել է 2014 թվականի հոկտեմբերին[2]։ Եռահարկ շինության ընդհանուր մակերեսը կազմում է 4360 քմ, որից 1800 քմ զբաղեցնում է սահադաշտը[3], ունի խորեոգրաֆիայի դահլիճ, մեթոդական լսարան, ֆիզիկական մարզումների համար նախատեսված մարզասարքեր, ինժեներական և սառեցման համակարգերի ժամանակակից արտադրության սարքավորումներ, հոկեիստների և գեղասահորդների համար անհրաժեշտ գույք, միջազգային չափանիշներին համապատասխան հանդերձարաններ[4]:

Կառույցի անվան փոփոխություն[խմբագրել | խմբագրել կոդը]

2019 թվականին Երևանի ավագանու որոշմամբ «Իրինա Ռոդնինայի գեղասահքի դպրոց»-ը վերանվանվել է «Երևանի գեղասահքի և հոկեյի մարզադպրոց»-ի։ Անվանափոխության նախագիծը ներկայացրել էր Երևանի ավագանու «Լույս» խմբակցությունը՝ նշելով, որ խորհրդային գեղասահորդուհի, եռակի օլիմպիական չեմպիոն, աշխարհի տասնակի չեմպիոն Իրինա Ռոդնինան 2019 թվականին փետրվարի 26-ին Բաքվում մասնակցել է Խոջալուի իրադարձությունների հետ կապված երթին[1]:

Aquote1.png Ռուս ժողովրդի 99 տոկոսը տեղյակ չէ Խոջալուի ողբերգության մասին։ Անհրաժեշտ է ֆիլմեր նկարահանել, գրքեր հրատարակել Խոջալուի մասին, որպեսզի արդարությունը հաղթանակի, հարկավոր է որքան հնարավոր է տեղեկացնել փետրվարի 25-26-ի գիշերը Խաջալուում ազգայնամոլների կողմից կատարված հանցագործությունների մասին[5]:
- Իրինա Ռոդնինա
Aquote2.png


Դպրոցի անվանափոխության մասին նախագիծը շրջանառության մեջ դնելուց հետո այդ մտադրությանն Իրինա Ռոդնինան արձագանքել է.

Aquote1.png Դա իրենց իրավունքն է, ես արել եմ՝ ինչ արել եմ։ Անվանակոչեք դպրոցը ինչպես կցանկանաք։ Ինչպես նավը անվանես, այնպես էլ նա կնավարկի: Aquote2.png


Ընդհանուր տեղեկություններ[խմբագրել | խմբագրել կոդը]

  • Գեղասահքի կենտրոնական մարզադահլիճը կարող է տեղավորել 538 հանդիսական։
  • Եռահարկ շինության ընդհանուր մակերեսը կազմում է 4360 քմ, որից 1800 քմ զբաղեցնում է սահադաշտը։
  • Մարզահամալիրի կառուցման արժեքը կազմել է 7.55 միլիոն ԱՄՆ դոլար։
  • Կառուցման ֆինանսավորումը կատարվել է Մոսկվայի «Մոնարխ» ընկերությունների խմբի տնօրեն, «Բարեկեցություն» բարեգործական հիմնադրամի նախագահ Սերգեյ Համբարձումյանի սեփական միջոցներով։
  • Կառույցի սեփականատերն է Երևանի քաղաքապետարանը:
  • Մարզադպրոցը 2015 թվականին կոչվել է ռուս գեղասահորդուհի Իրինա Ռոդնինայի անունով։
  • 2019 թվականին դպրոցն անվանվել է Երևանի գեղասահքի և հոկեյի մարզադպրոց:
  • Կառուցման սկիզբը տրվել է 2014 թվականի հունիսին։
  • Պաշտոնական բացումը կատարվել է 2015 թվականի դեկտեմբերի 5-ին։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Իրինա Ռոդնինայի անվան գեղասահքի դպրոցի պաշտոնական բացումը