Երկնագույն նռնաքարը (անգլ.՝ The Adventure of the Blue Carbuncle), պատմվածք Արթուր Կոնան Դոյլի «Շերլոկ Հոլմսի արկածները» սերիայից։ Առաջին անգամ հրատարակվել է «Strand Magazine» ամսագրի կողմից 1892 թվականի հունվար ամսին։ Էկրանավորվել է մի քանի անգամ՝ 1923, 1968, 1979 և 1984 թվականներին։
Դեկտեմբերի 27-ի վաղ առավոտյան Վաթսոնը այցելում է Հոլմսին, որպեսզի շնորհավորի նրա Սուրբ Ծնունդը։ Հոլմսը պատմում է նրան մի պատմություն, թե ինչպես է նրա մոտ հայտնվել հին գլխարկը և սուրբծննդյան սագը՝ միևնույն ժամանակ դրսևորելով իր դեդուկտիվ մեթոդը։ Թվում է, թե պարզ, նույնիսկ զավեշտալի գործ է, բայց, ինչպես պարզվեց հետո, հանցագործություն է կատարվել, «Կոսմոպոլիտեն» հյուրանոցից գողացել են գրաֆինիի զարդատուփից թանկարժեք երկնագույն կարբունկուլը։ Եվ ամենահետաքրքիրն այն է, որ հանցագործն այդ քարը թաքցրել է սագերից մեկի ներսում, որոնց պահում էր նրա քույրը՝ թույլ տալով կուլ տալ քարը։ Բայց հետո, վերցնելով սագը իրեն, պարզապես շփոթեց երկու նույնական թռչուններին։ Սագը վաճառվել էր քաղաքում՝ մինչև Սուրբ Ծնունդ, և հիմա հանցագործը փնտրում է նրան, թե ում է բաժին հասել այդ սագը։ Պատահական նա դուրս է գալիս Հոլմսի դիմաց, որը Վաթսոնի հետ պարզել էր, որ սագը նախ եղել է Բրիտանական թանգարանի մոտ գտնվող տրակտիրում, իսկ հետո Կովենթ-Գարդենի շուկայում՝ գողության մեջ մեղադրվող Հորների մեղավորությունը ստուգելու նպատակով։ Հոլմսի մոտ կար և սագ (պատահականորեն առաքված, ինչպես և գլխարկը), և դրանից հանված կարբունկուլը։ Արդյունքում Հոլմսը տեղեկացել է այդ գործի մասին և բացահայտել իրական հանցագործին։ Սակայն վստահ է, որ նա այլևս չի մեղադրի անմեղ Հորներին, նա հանցագործին բաց է թողնում՝ ընդամենը ամոթանք տալով նրան։
.svg){kind=small}
Միացյալ Թագավորություն
The Adventure of the Blue Carbuncle
