Երկնագույն Մաքսը (ֆիլմ, 1966)

Երկնագույն Մաքսը անգլ.՝ The Blue Max
«Երկնագույն Մաքսը» ֆիլմի շապիկը
Երկիր	Միացյալ Թագավորություն ԱՄՆ
Ժանր	ռազմական ֆիլմ և արկածային ֆիլմ
Թեմա	օդագնացություն
Թվական	1966
Լեզու	անգլերեն
Ռեժիսոր	John Guillermin?
Սցենարի հեղինակ	Ben Barzman?
Դերակատարներ	Ջորջ Պեպարդ, Ջեյմս Մեյսոն, Ուրսուլա Անդրես, Ջերեմի Քեմփ, Կարլ Միխայիլ Ֆոգլեր, Կարլ Շել, Անտոն Դիֆրինգ, Փիթեր Վուդթորփ, Լոնի ֆոն Ֆրիդլ, Ֆրիդրիխ ֆոն Լեդեբուր և Harry Towb?
Օպերատոր	Դուգլաս Սլոկոմբ
Երաժշտություն	Ջերի Գոլդսմիթ
Մոնտաժ	Մաքս Բենեդիկտ
Պատմվածքի վայր	Ֆրանսիա
Կինոընկերություն	20th Century Studios
Տևողություն	156 րոպե
Բյուջե	$ 5.000.000
Շահույթ	$16,151,612
MPAA վարկանիշ	12+
ԿինոՊոիսկ	ID 28733
The Blue Max Վիքիպահեստում

«Երկնագույն Մաքսը» (անգլ.՝ The Blue Max), Մեծ Բրիտանիա և ԱՄՆ համատեղ նկարահանված մարտաֆիլմ, որի ռեժիսորն է Ջոն Գիլերմինը։ Կինոնկարը նկարահանվել է 1966 թվականին։ Այն պատմում է Առաջին համաշխարհային պատերազմի ժամանակ գերմանացի օդաչուների մասին։ Ֆիլմը նկարահանվել է ըստ Ջեք Հանտերի համանուն վեպի։ «Երկնագույն Մաքսը» ժապավենն աչքի է ընկնում ինչպես օդային մարտերի վառ տեսարաններով, այնպես էլ պատերազմական բովում ուժեղ բնավորությունների նկարագրությամբ։

Սյուժե

«Երկնագույն Մաքսը» կինոնկարի գործողությունները տեղի են ունենում Առաջին համաշխարհային պատերազմի վերջին փուլի ժամանակ։ Գերմանական օդային էսկադրիլիա է տեղափոխվում նոր օդաչու, որը նախկինում եղել է հետևակային։ Նա երիտասարդ փառամոլ լեյտենանտ Բրունո Շտախելն է՝ աղքատ ընտանիքի զավակ, ով երազում է դառնալ ազգային հերոս և անպայման ստանա «Ծառայությունների համար մեդալ» (Pour le Mérite), որի ոչ պաշտոնական անվանումն է «Երկնագույն Մաքս»։ Այդ մեդալով պարգևատրվելու համար անհրաժեշտ է, որ անձը ոչնչացնի թշնամու 20 ինքնաթիռներ. Բրունոն այդ ամենին հասնելու համար պատրաստ է ամեն ինչի։ Լեյտենանտի հարաբերությունները մյուս օդաչուների հետ կրում են դաժան մրցակցային բնույթ։ Ֆիլմում կա նաև սիրո պատմություն, որը ձևավորվել է գլխավոր հերոսի և պարծենկոտ Քեթիի միջև։ Քեթին գեներալ ֆոն Քլյուգերմանի կինն է, ով ամեն ինչ անում է, որ ղեկավարությանը ցույց տա Շտախելին որպես անկրկնելի հերոս։

Երկնագույն Մաքս շքանշանը

Պատերազմի ամենավերջում լեյտենանտը հասնում է իր նպատակին, սակայն իր փառքի գագաթնակետին թույլ է տալիս ճակատագրական սխալ, որի համար հատուցում է իր սեփական կյանքով։ Բրունո Շտախելի կարիերայի դրամատիկ ավարտից հետո գեներալը՝ Քեթիի ամուսինը, կնոջն ասում է. «Հավաքվի՛ր, դու դեռ պետք է քեզ կարգի բերես, մեզ այսօր ճաշի են հրավիրել»։

Դերերում

Դերասան	Դեր
Ջորջ Փեփարդ	Բրունո Շտախել
Ուրսուլա Անդրես	Քեթի
Ջեյմս Մեյսոն	Գեներալ ֆոն Քլյուգերման

Տե՛ս նաև

• Ասերը երկնքում

Ծանոթագրություններ

Գրականություն

• Farmer, James A. "Hollywood's World War One Aviation Films." Air Classics, Volume 24, no. 12, December 1988.
• Harwick, Jack and Ed Schnepf. "A Viewer's Guide to Aviation Movies". The Making of the Great Aviation Films, General Aviation Series, Volume 2, 1989.
• Mayo, Mike. VideoHound's War Movies: Classic Conflict on Film. Detroit: Visible Ink Press, 1999. ISBN 1-57859-089-2.
• Mizrahi, Joe. "The Blue Max." Air Classics Volume 2, Issue 6, May 1966.
• Solomon, Aubrey. Twentieth Century Fox: A Corporate and Financial History (The Scarecrow Filmmakers Series). Lanham, Maryland: Scarecrow Press, 1989. ISBN 978-0-8108-4244-1.

Արտաքին հղումներ

• «Երկնագույն Մաքսը (ֆիլմ, 1966)»(անգլ.) ֆիլմը Internet Movie Database կայքում
• «Երկնագույն Մաքսը (ֆիլմ, 1966)»(անգլ.) ֆիլմը allmovie կայքում:
• The Blue Max(անգլ.) ֆիլմը Rotten Tomatoes կայքում
• The Blue Max at Shot at Trinity (films shot at Trinity College Dublin)
• Making the Blue Max from the July 2015 issue of Aviation History magazine
• Տեղեկություն ֆիլմի մասին(չաշխատող հղում)
• Տեղեկություն ֆիլմի մասին
• Տեղեկություն ֆիլմի մասին(չաշխատող հղում)