Երիտասարդական աշխատանքի վերաբերյալ հանձնարարական
Երիտասարդական աշխատանքի վերաբերյալ հանձնարարական (անգլ.՝ Recommendation on youth work), հանձնարարական, որը խրախուսում է Եվրոպական խորհրդի անդամ պետություններին զարգացնել և ուժեղացնել երիտասարդական աշխատանքի քաղաքականությունը և պրակտիկան[1]։ Ընդունվել է 2017 թվականի մայիսի 31-ին Նախարարների խորհուրդի 1287-րդ ժողովի ժամանակ։ Հանձնարակականը մեծ ուշադրություն է դարձնում այն փաստին, որ երիտասարդական աշխատանքը քաղաքական և օրինական աջակցության, մշտական ֆինանսավորման կարիք ունի[2]։ Հանձնարարականը բաղկացած է յոթ կետից, միջոցներից և սկզբունքներից։
Բովանդակություն[խմբագրել | խմբագրել կոդը]
Յոթ կետեր[խմբագրել | խմբագրել կոդը]
Հանձնարարվում է, որ անդամ պետությունների կառավարությունները իրենց իրավասության շրջանակում, կրկին վերանայեն իրենց աջակցությունը երիտասարդական աշխատանքի վերաբերյալ հետևյալ կերպ[3].
- Համոզվել, որ որակյալ երիտասարդական աշխատանքի ստեղծումը կամ հետագա զարգացումը ապահովված է և ակտիվորեն աջակցություն է ստանում տեղական, տարածաշրջանային կամ ազգային երիտասարդական քաղաքականությունների շրջանակներում։ Հաշվի առնելով երիտասարդական աշխատանքի բազմազանությունը անդամ պետություններում՝ հատուկ ուշադրություն պետք է դարձնել ռազմավարության, կառուցվածքների, օրենսդրության, կայուն կառույցների և ռեսուրսների կարիքներին, արդյունավետ համագործակցությանն այլ ոլորտների, ինչպես նաև առնչություն ունեցող այլ քաղաքականությունների հետ, որոնք առաջխաղացնում են բոլոր երիտասարդների հավասար հասանելիությունը երիտասարդական աշխատանքին։ Երիտասարդական աշխատողները և երիտասարդները պետք է ակտիվորեն ներգրաված լինեն ցանկացած պլանավորված միջոցառումներին՝ Հանձնարարականի իրականացման համար[3]։
- Ստեղծել համաձայնեցված և ճկուն՝ ունակությունների վրա հիմնված շրջանակ վճարվող և կամավոր երիտասարդական աշխատողների կրթության ու վերապատրաստման համար, որը հաշվի կառնի առկա փորձը, նոր միտումները և հարթակները, ինչպես նաև երիտասարդական աշխատանքի բազմազանությունը։ Շահառուները, ներառյալ երիտասարդության աշխատողները և երիտասարդները պետք է ներգրավվեն այս շրջանակի զարգացման մեջ[3]։
- Հաշվի առնել այս Հանձնարարականի հավելվածում առաջարկվող միջոցները և սկզբունքները, և խրախուսել երիտասարդական աշխատանքի մատակարարներին վարվել նույն կերպ[3]։
- Աջակցել Եվրոպայի խորհրդի երիտասարդական հատվածի նախաձեռնությանը Եվրոպայում երիտասարդական աշխատանքի ոլորտում ներառված շահագրգիռ կողմերի հատուկ այս դեպքի համար բարձր մակարդակի աշխատանքային խմբի ստեղծմանը, որը կարող է մշակել եվրոպական երիտասարդական աշխատանքի գիտելիքների վրա հիմնված միջնաժամկետ ռազմավարություն, որպեսզի[3]՝
- բարելավվի եվրոպական, ազգային, տարածաշրջանային և տեղական մակարդակներում երիտասարդական աշխատանքի գիտելիքների և ռեսուրսների համակարգումը և նրանց հասանելիությունը,
- լրացուցիչ աջակցել երիտասարդական աշխատանքի փորձի փոխանակումը, փոխուսուցումը և կայուն ցանցերի ու գործընկերությունների ստեղծմանը,
- խթանել համագործակցությունը երիտասարդական դաշտում և բոլոր այն ոլորտներում, որտեղ երիտասարդական աշխատանք է տեղի ունենում ամրապնդելու կապերը, մասնավորապես ֆորմալ կրթության և երիտասարդական աշխատանքի և հանրային մարմինների, մասնավոր հատվածի և քաղաքացիական հասարակության միջև,
- ամրապնդել երկխոսությունը երիտասարդական աշխատանքի, երիտասարդական քաղաքականության և երիտասարդական հետազոտությունների միջև,
- ամրապնդել երիտասարդական աշխատանքի կարողությունը՝ արձագանքելու մեր հասարակության փոփոխություններին և միտումներին, երիտասարդների առջև կանգնած մարտահրավերներին,
- վճարովի և կամավոր երիտասարդական աշխատողների համար իրականացնել քարտեզագրման աշխատանքներ գործող կրթական և վերապատրաստման ոլորտների (օրինակ՝ մասնագիտական վերապատրաստում ու բարձրագույն կրթություն) և գոյություն ունեցող ունակությունների վավերացման համակարգերի վերաբերյալ,
- Մշակել մի շարք օժանդակ միջոցներ՝ աջակցելու անդամ պետություններին նախաձեռնել և իրականացնել այս հանձնարարականները։
5. Խթանել երիտասարդական աշխատանքի տարբեր տեսակների և դրանց արժեքների, ազդեցության և արժանիքների վերաբերյալ ազգային ու եվրոպական հետազոտությունների իրականացմանը[3]։
6. Աջակցել երիտասարդական աշխատանքի ազդեցության և արդյունքների վերանայման ու գնահատման համապատասխան ձևերի զարգացմանը, և ուժեղացնելով անդամ պետություններում Եվրոպայի խորհրդի Երիտասարդական Աշխատանքի Պորտֆոլիոյի տարածումը, ճանաչումը և ազդեցությունը[3]։
7. Առաջխաղացնել Եվրոպայի խորհրդի Quality Label for Youth Centres-ը (Երիտասարդական Կենտրոնների Որակական Պիտակ)՝ որպես լավագույն փորձի օրինակ[3]։
Բացի այդ առաջարկվում է, որ անդամ պետությունների կառավարությունները[3]՝
- ապահովեն, որ այս հանձնարարականը, ներառյալ դրա հավելվածը, թարգմանվի և տարածվի (հասանելի ձևաչափերով) համապատասխան մարմինների և շահագրգիռ կողմերի շրջանում՝ նպատակ ունենալով բարձրացնել որակյալ երիտասարդական աշխատանքի վերաբերյալ տեղեկացվածության աստիճանը։
- հետևել Նախարարների խորհուրդի միջոցով, որ ապահովվի Հանձնարարականի իրականացումը փաստաթղթի ընդունվելուց հինգ տարի անց։
Սկզբունքներ[խմբագրել | խմբագրել կոդը]
Հանձնարարականը հիմնվում է առկա արժեքների, երիտասարդական աշխատանքի սկզբունքների ու օգուտների վրա, որոնք ամրագրված են յոթ կետերում հիշատակված գործիքներում։ Երիտասարդական աշխատանքի նախագծումն ու իրականացումը կառուցված են կամավոր և ակտիվ մասնակցության, հավասար հասանելիության, պատրաստակամության ու հարմարունակության սկզբունքների վրա։ Այն պետք է հիմնված լինի իրավունքների վրա, լինի ներառական և կենտրոնացված լինի երիտասարդների կարիքների և ունակությունների վրա։
Քանի որ [երիտասարդկան] մասնակցությունը երիտասարդկան աշխատանքի կարևորագույն սկզբունքներից մեկն է՝ երիտասարդները, երիտասարդական աշխատողները, երիտասարդական և այլ կազմակերպությունները, որոնք կատարում են երիտասարդական աշխատանք, ճանաչվել են երիտասարդական աշխատանքի քաղաքականության և պրատկտիայի զարգացման, գործադրման և գնահատման ակտիվ մասնակից։ Անդամ պետությունները խրախուսվում են ապահովել բոլոր շահագրգիռ կողմերի ակտիվ մասնակցությունը[3]։
Ծանոթագրություններ[խմբագրել | խմբագրել կոդը]
- ↑ Recommendation on youth work, ADOPTED ON: 31 MAY 2017
- ↑ Compendium of Council of Europe documents related to youth NGOs and youth participation, The recommendation draws special attention to the fact that youth work needs legal and political support
- ↑ 3,00 3,01 3,02 3,03 3,04 3,05 3,06 3,07 3,08 3,09 Recommendation CM/Rec(2017)4 of the Committee of Ministers to member States on youth work (Adopted by the Committee of Ministers on 31 May 2017 at the 1287th meeting of the Ministers' Deputies)