Jump to content

Եվրոպական քաղաքական համայնքի 8-րդ գագաթնաժողով

Վիքիպեդիայից՝ ազատ հանրագիտարանից
Եվրոպական քաղաքական համայնքի 8-րդ գագաթնաժողով
Թվական2026
Ժամանակմայիսի 4
ՎայրԿարեն Դեմիրճյանի անվան մարզահամերգային համալիր
Վեբկայքepcyerevan2026.am

Եվրոպական քաղաքական համայնքի ութերորդ գագաթնաժողով, Եվրոպական քաղաքական համայնքի հանդիպում, որը տեղի է ունեցել 2026 թվականի մայիսի 4-ին Երևանում։

Նախապատմություն

[խմբագրել | խմբագրել կոդը]

2025 թվականի մայիսի 23-ին հայտարարվել է, որ Հայաստանը հյուրընկալելու է Եվրոպական քաղաքական համայնքի (ԵՔՀ) 8-րդ գագաթնաժողովը։ Հայաստանի Հանրապետության վարչապետ Նիկոլ Փաշինյանը հայտարարել է, որ ԵՔՀ 8-րդ գագաթնաժողովը տեղի կունենա 2026 թվականի մայիսի 4-ին, երկուշաբթի օրը, Երևանում[1][2]։

ԵՔՀ 8-րդ գագաթնաժողովը կլինի անկախությունից ի վեր Հայաստանի հյուրընկալած ամենամեծ միջազգային քաղաքական իրադարձությունը, որին մասնակցեցին անդամ և գործընկեր պետությունների 48 երկրների ու կառավարությունների ղեկավարների, ինչպես նաև հրավիրյալ պատվիրակների մասնակցությունը։ ԵՔՀ 8-րդ գագաթնաժողովին զուգահեռ, 2026 թվականի մայիսի 4-ից 5-ը Երևանում տեղի ունեցան երեք բարձր մակարդակի միջոցառումներ՝ առաջին Հայաստան-ԵՄ երկկողմ գագաթնաժողովը, Ֆրանսիայի նախագահ Էմանուել Մակրոնի պետական այցը և «Երևանյան երկխոսություն» միջազգային համաժողովը[3][4][5][6]։

Եվրոպական խորհրդարանի 2026 թվականի ապրիլի 30-ի բանաձևը՝ Հայաստանում ժողովրդավարական դիմակայունությանն աջակցելու մասին (2026/2701(RSP)), ողջունում է ԵՔՀ ութերորդ գագաթնաժողովի և պատմության մեջ առաջին Հայաստան-ԵՄ գագաթնաժողովի անցկացումը Երևանում որպես բացառիկ և պատմական իրադարձություն։ Բանաձևը համարում է, որ այս երկու գագաթնաժողովների հաջորդական հյուրընկալումը Երևանում հստակ քաղաքական ազդակ է հաղորդում Հայաստանի հետ համաեվրոպական համերաշխության և Հայաստանի խաղաղության, բարեփոխումների ու դիմակայունության օրակարգին աջակցելու ԵՄ հանձնառության մասին[7]։

Առաջին Հայաստան-ԵՄ գագաթնաժողովում ԵՄ-ն ներկայացրին Եվրոպական խորհրդի նախագահ Անտոնիու Կոշտան և Եվրոպական հանձնաժողովի նախագահ Ուրսուլա ֆոն դեր Լայենը, իսկ Հայաստանը՝ վարչապետ Նիկոլ Փաշինյանը[8]։ Հայաստանում ԵՄ դեսպան Վասիլիս Մարագոսն ընդգծել է, որ ԵՔՀ 8-րդ գագաթնաժողովի հաջորդ օրը Երևանում պատմության մեջ առաջին Հայաստան-ԵՄ երկկողմ գագաթնաժողովի անցկացումը Հայաստանին դնում է եվրոպական քաղաքական քննարկումների կենտրոնում[9]։

Ժամանակացույց և օրակարգ

[խմբագրել | խմբագրել կոդը]

Գագաթնաժողովը անցկացվել է 2026 թվականի մայիսի 4-ին՝ երկուշաբթի օրը, Երևանի Կարեն Դեմիրճյանի անվան մարզահամերգային համալիրում: ՀՀ Ներքին գործերի նախարարության ենթակայությամբ գործող ՀՀ Ոստիկանության կողմից 2026 թվականի մայիսի 1-ին տարածված պաշտոնական հայտարարության համաձայն՝ մայիսի 4-ից 5-ը անվտանգության և երթևեկության վերահսկման հատուկ միջոցառումներ կիրականացվեն ԵՔՀ 8-րդ գագաթնաժողովի, Հայաստան-ԵՄ 1-ին գագաթնաժողովի, Ֆրանսիայի նախագահ Էմանուել Մակրոնի պետական այցի և «Երևանյան երկխոսություն» միջազգային համաժողովի շրջանակներում։ Այս միջոցառումներն իրենց մասշտաբով և բարձրաստիճան հյուրերի քանակով համարվում են աննախադեպ Հայաստանի անկախության պատմության մեջ[10][11]։

ԵՔՀ 8-րդ գագաթնաժողովի ժամանակացույցն ու օրակարգը[12]․

  • 09:00: Ժամանումներ
  • 10:45: Բացման արարողություն և ընտանեկան լուսանկար
  • 11:30: Բացման լիագումար նիստ
  • 12:45: Ոչ պաշտոնական աշխատանքային ճաշ, երկկողմ և բազմակողմ հանդիպումներ
  • 14:15: Կլոր սեղան քննարկումներ
  • 15:15: Երկկողմ և բազմակողմ հանդիպումներ
  • 16:00: Եզրափակիչ լիագումար նիստ
  • 16:30: Մամուլի հայտարարություններ

Մասնակիցներ

[խմբագրել | խմբագրել կոդը]

Մասնակից պետություններ և կազմակերպություններ

[խմբագրել | խմբագրել կոդը]
Եվրոպական քաղաքական համայնքին մասնակցող երկրներ

Գագաթնաժողովին մասնակցել են Եվրոպական քաղաքական համայնքին մասնակցող պետությունների կամ կառավարությունների ղեկավարները, ինչպես նաև Միության արտաքին գործերի և անվտանգության քաղաքականության հարցերով գերագույն ներկայացուցիչը, Եվրոպական խորհրդի նախագահը, Եվրոպական հանձնաժողովի նախագահը և Եվրոպական խորհրդարանի նախագահը։

Մասնակից պետություններ

Գագաթնաժողովին չմասնակցելու մասին հայտարարել են Ադրբեջանը[13] և Գերմանիան[14][15]:

Պետություն Ներկայացուցիչ
{{{2}}} Ալբանիա Էդի Ռամա
{{{2}}} Անդորրա Քսավիեր Էսպոտ Սամորա
{{{2}}} Հայաստան Նիկոլ Փաշինյան
{{{2}}} Ավստրիա Քրիստիան Սթոքեր
{{{2}}} Բելգիա Բարտ Դե Վևեր
{{{2}}} Բոսնիա և Հերցեգովինա Դենիս Բեչիրովիչ
{{{2}}} Բուլղարիա Իլիանա Յոտովա
{{{2}}} Խորվաթիա Անդրեյ Պլենկովիչ
{{{2}}} Կիպրոս Նիկոս Քրիստոդուլիդիս
{{{2}}} Չեխիա Անդրեյ Բաբիշ
{{{2}}} Դանիա Մետե Ֆրեդերիկսեն
{{{2}}} Էստոնիա Քրիստեն Միխալ
{{{2}}} Եվրոպական միություն Անտոնիու Կոշտա
Ուրսուլա ֆոն դեր Լեյեն
Ռոբերտա Մեցոլա
Կայա Կալաս
{{{2}}} Ֆինլանդիա Պետերի Օրբո
{{{2}}} Ֆրանսիա Էմանուել Մակրոն
{{{2}}} Վրաստան Իրակլի Կոբախիձե
{{{2}}} Հունաստան Կոնստանտինոս Տասուլաս
{{{2}}} Հունգարիա Պետեր Մադյար
{{{2}}} Իսլանդիա Քրիստրուն Ֆրոստադոտիր
{{{2}}} Իռլանդիա Միխոլ Մարտին
{{{2}}} Իտալիա Ջորջա Մելոնի
{{{2}}} Կոսովո Ալբին Կուրտի
{{{2}}} Լատվիա Էվիկա Սիլինյա
{{{2}}} Լիխտենշտայն Բրիջիթ Հաաս
{{{2}}} Լիտվա Գիտանաս Նաուսեդա
{{{2}}} Լյուքսեմբուրգ Լյուկ Ֆրիդեն
{{{2}}} Մալթա Ռոբերտ Աբելա
{{{2}}} Մոլդովա Մայա Սանդու
{{{2}}} Մոնակո Ալբերտ II
{{{2}}} Չեռնոգորիա Յակով Միլատովիչ
{{{2}}} Նիդերլանդներ Ռոբ Ջեթեն
{{{2}}} Հյուսիսային Մակեդոնիա Գորդանա Սիլյանովսկա-Դավկովա
{{{2}}} Նորվեգիա Յոնաս Գահր Ստյորե
{{{2}}} Լեհաստան Դոնալդ Տուսկ
{{{2}}} Պորտուգալիա Լուիս Մոնտենեգրո
{{{2}}} Ռումինիա[16] Նիկուսոր Դան
{{{2}}} Սան Մարինո Լուկա Բեկարի
{{{2}}} Սերբիա Ջուրո Մակուտ
{{{2}}} Սլովակիա Ռոբերտ Ֆիցո
{{{2}}} Սլովենիա Ռոբերտ Գոլոբ
{{{2}}} Իսպանիա Պեդրո Սանչես
{{{2}}} Շվեդիա Ուլֆ Քրիստերսոն
{{{2}}} Շվեյցարիա Գի Պարմելեն
{{{2}}} Թուրքիա Ջևդեթ Յըլմազ
{{{2}}} Ուկրաինա Վոլոդիմիր Զելենսկի
{{{2}}} Միացյալ Թագավորություն Քիր Սթարմեր

Այլ հրավիրվածներ

[խմբագրել | խմբագրել կոդը]
Անվանում Ներկայացուցիչ
Կանադա Կանադա Մարկ Քարնի
 Եվրոպայի խորհուրդ Ալեն Բերսե
ՆԱՏՕ ՆԱՏՕ Մարկ Ռյուտե

Արտաքին հղումներ

[խմբագրել | խմբագրել կոդը]

Ծանոթագրություններ

[խմբագրել | խմբագրել կոդը]
  1. ↑ «Armenia to host 8th European Political Community Summit in May, 2026». Armenpress. 2025 թ․ հոկտեմբերի 2.
  2. ↑ «Address by Prime Minister of Armenia Nikol Pashinyan at the closing session of the European Political Community Summit». Prime Minister of Armenia. 2025 թ․ հոկտեմբերի 2.
  3. ↑ «Events in Yerevan on 4–5 May 2026». Ministry of Foreign Affairs of Armenia. 2026 թ․ ապրիլի 29.
  4. ↑ «The inaugural Armenia–European Union Summit will take place on 4 and 5 May 2026». Ministry of Foreign Affairs of Armenia. 2026 թ․ մարտի 26.
  5. ↑ «First Armenia–EU summit to be held in Yerevan in 2026». Armenpress. 2025 թ․ դեկտեմբերի 2.
  6. ↑ «Official Website of Yerevan Dialogue forum». Yerevan Dialogue forum. Վերցված է 2026 թ․ մայիսի 2-ին.
  7. ↑ «European Parliament resolution of 30 April 2026 on supporting democratic resilience in Armenia (2026/2701(RSP))» (PDF). European Parliament. 2026 թ․ ապրիլի 30.
  8. ↑ «First ever EU-Armenia summit to take place on 4 and 5 May 2026». Council of the European Union. 2026 թ․ մարտի 26.
  9. ↑ «Unprecedented deepening of partnership, Armenia–EU Summit, and Yerevan's European prospects: Interview with Ambassador Vassilis Maragos». Armenpress. 2026 թ․ մայիսի 2.
  10. ↑ «Street closures planned in Yerevan for European Political Community Summit, 1 May 2026». Armenpress. 2026 թ․ մայիսի 1.
  11. ↑ «Traffic restrictions planning as part of the organisation of the 8th EPC summit, 1 May 2026». Police of the Republic of Armenia. 2026 թ․ մայիսի 1.
  12. ↑ «Meeting of the European Political Community, 4 May 2026». Council of the European Union. 2026 թ․ ապրիլի 28.
  13. ↑ «Ադրբեջանը չի մասնակցի Հայաստանում կայանալիք Եվրոպական քաղաքական համայնքի գագաթնաժողովին. Բայրամով». Armenpress. 2026-02-26. Վերցված է 2026-04-17-ին.
  14. ↑ «Գերմանիայի կանցլերը չի մասնակցի Երևանում կայանալիք ԵՔՀ գագաթնաժողովին». Հայաստանի Հանրային Ռադիո. Վերցված է 2026-05-05-ին.
  15. ↑ «Europagipfel erstmals ohne deutschen Kanzler - boerse.de». www.boerse.de. Վերցված է 2026-05-05-ին.
  16. ↑ «Declarațiile de presă susținute de Președintele României, Nicușor Dan, după participarea la reuniunea Comunității Politice Europene». presidency.ro. 2025 թ․ հոկտեմբերի 2.
Ստացված է «https://hy.wikipedia.org/w/index.php?title=Եվրոպական_քաղաքական_համայնքի_8-րդ_գագաթնաժողով&oldid=10743267» էջից