Եվրոպական միության Մաքսային միություն

Եվրոպական միության Մաքսային միություն;
Տեսակ	customs union?

Եվրոպական միության Մաքսային միություն (անգլ.՝ European Union Customs Union), Եվրոպական միության և մի շարք այլ երկրների Մաքսային միություն, ընդհանուր շուկայի կարևոր բաղադրիչ։

Մաքսային միության ստեղծումն առաջնային խնդիր է դարձել Հռոմեական պայմանագրի ստորագրումից հետո և ավարտվել է 1958 թվականին։ Գլխավորն էին հետևյալ միջոցառումները`

անդամ երկրների միջև բոլոր մաքսատուրքերի և սահմանափակումների վերացումը
երրորդ երկրների ապրանքների նկատմամբ միասնական արտաքին սակագնի սահմանումը, որը նույնն է ամբողջ եվրոպական համայնքի համար (դրա բռնագանձումից ստացված շահույթը դարձել Է հանրակցության սեփական ռեսուրսների ձևավորման աղբյուրներից մեկը)
ընդհանուր առևտրային քաղաքականությունը որպես Մաքսային միության արտաքին կողմ (միջազգային մակարդակով հանրությունն արտահայտում է բոլոր անդամ պետությունների ընդհանուր դիրքորոշումը)։

Համատեղ ընթացակարգերն ու կանոնները հավաքվել են միասնական վարչական փաստաթղթում (Single Administrative Document), որը փոխարինել է նախորդ բոլոր նորմատիվ ակտերին։ 1993 թվականից պաշտոնապես սկսել է գործել ընդհանուր շուկան, բոլոր ավանդական ստուգումները ներքին սահմաններում չեղարկվել են մաքսային ձևականությունների հետ միասին։ Անդամ երկրների մաքսային ծառայությունները կորցրել են ակցիզային գանձման, ԱԱՀ գանձման և վիճակագրական տեղեկատվության կուտակման գործառույթները։

Միության մեջ մտնում են ԵՄ անդամ բոլոր երկրները, ինչպես նաև ԵՄ անդամության թեկնածու Թուրքիան և ԵՄ-ին սահմանակից գաճաճ պետությունները՝ Անդորրան, Մոնակոն և Սան Մարինոն^[1]։ ԵՄ-ից Բրիտանիայի դուրս գալու (2019 թվականին) ընթացակարգի ավարտից հետո նա, այնուամենայնիվ, կպահպանի ԵՄ-ի Մաքսային միությանը անդամակցությունը ժամանակավոր մասնակցության պայմաններում^[2]^[3]։