Եվգենի Դուբրովին

Եվգենի Դուբրովին
Ծնվել է	օգոստոսի 20, 1936
Ծննդավայր	Տալովայա, Վորոնեժի մարզ, ՌԽՖՍՀ, ԽՍՀՄ
Վախճանվել է	հուլիսի 15, 1986 (49 տարեկան)
Վախճանի վայր	Մոսկվա, ԽՍՀՄ
Գերեզման	Կունցևսկոե գերեզմանատուն
Մասնագիտություն	գրող և խմբագիր
Լեզու	ռուսերեն
Քաղաքացիություն	ԽՍՀՄ
Կրթություն	Վորոնեժի պետական ագրարային համալսարան
Ժանրեր	պատմվածք և վիպակ
Պարգևներ	և

Եվգենի Պանտելեևիչ Դուբրովին (ռուս.՝ Евгений Пантелеевич Дубровин, օգոստոսի 20, 1936(1936-08-20), Տալովայա, Վորոնեժի մարզ, ՌԽՖՍՀ, ԽՍՀՄ - հուլիսի 15, 1986(1986-07-15), Մոսկվա, ԽՍՀՄ^[1]^[2]), խորհրդային արձակագիր, երգիծաբան, հետպատերազմյան մանկության մասին «Սպասելով այծին» (ռուս.՝ «В ожидании козы», 1968) վիպակի հեղինակ։ 1967 թվականին դարձել է ԽՍՀՄ Գրողների միության անդամ է։ Տասը տարի ղեկավարել է «Կրոկոդիլ» հանդեսը։

Կենսագրություն[խմբագրել | խմբագրել կոդը]

Եվգենի Պանտելեևիչ Դուբրովինը ծնվել է Վորոնեժի մարզի Տալովսկի շրջանի Վերխնեոզերսկի գյուղում։ Ավարտել է ութերորդ դասարանը Նիժնայա Կամենկայում, իսկ 9-10 դասարանները սովորել է Տալովի թիվ 39 երկաթուղային դպրոցում։ Վորոնեժի գյուղատնտեսական ինստիտուտն ավարտելուց հետո աշխատել է Օստրոգոժսկի ավտոնորոգման գործարանում որպես մեխանիկ։

Ապագա գրողի գրական առաջին փորձը տեղի է ունեցել գյուղատնտեսական ինստիտուտում, որտեղ ուսանողները հրատարակել են «Կոկորդիլոսը տրակտորի վրա» (ռուս.՝ «Крокодил на тракторе») թերթը։ Թերթի գլխավոր խմբագիրն է եղել Եվգենի Դուբրովինը։ Այստեղ լույս են տեսել նրա առաջին պատմվածքները՝ «Ծուխը խոհանոցի վրա» (ռուս.՝ «Дымок над кухней») և «Ոզնին» (ռուս.՝ «Ёжик»)։ Այնուհետև դարձել է մանկավարժական ինստիտուտի «Учитель» բազմաժանր թերթի պատասխանատու քարտուղար։

1965 թվականին դարձել է «Մոլոդոյ կոմունար» թերթի խմբագրի տեղակալ, որտեղ խմբագրել է «Սև կատու» (ռուս.՝ «Чёрный кот») հումորային էջը։ 1963-1966 թվականներին հեռակա սովորել է Մ. Գորկու անվան գրականության ինստիտուտում՝ ամենածեր գրողներից մեկի՝ Կուզմա Յակովլևիչ Գորբունովի սեմինարում։ Եվգենի Դուբրովինի առաջին պատմվածքը՝ «Սնկեր ասֆալտի վրա» (ռուս.՝ «Грибы на асфальте»), լույս է տեսել 1966 թվականին, որից հետո Դուբրովինի պատմվածքները տպագրվել են «Подъём» ամսագրում, այնուհետև լույս են տեսել Վորոնեժի երիտասարդ արձակագիրների «Ծննդյան օր» (ռուս.՝ «День рождения») կոլեկտիվ ժողովածուում։ 1968 թվականին Վորոնեժում առանձին հրատարակությամբ տպագրվել է «Սպասելով այծին» պատմվածքը, որը դարձել է գրողի ամենահայտնի ստեղծագործությունը, թարգմանվել է օտար լեզուներով։ Դրա հիման վրա բեմադրվել են ներկայացումներ, նկարահանվել է ֆիլմ։

1967-1971 թվականներին Եվգենի Դուբրովինը եղել է «Մոլոդոյ կոմունար» տարածաշրջանային երիտասարդական թերթի խմբագիրը, որից հետո մեկնել է Մոսկվա, որտեղ սկսել է աշխատել «Կոկորդիլոս» (ռուս.՝ «Крокодил») հանդեսի խմբագրության տնտեսական կյանքի բաժնում։ 1975 թվականին գլխավորել է հանդեսը։

Եվգենի Դուբրովինը մահացել է 1986 թվականի հուլիսի 15-ին սրտի կաթվածից։ Թաղված է Կունցևսկի գերեզմանատանը^[3]։

Պարգևներ[խմբագրել | խմբագրել կոդը]

Աշխատանքային կարմիր դրոշի շքանշան
Պատվո նշան շքանշան
Հումորային պատմվածքների «Ալեկո» միջազգային մրցույթի դափնեկիր (ԲԺՀ), 1975 թվական

Մատենագիտություն[խմբագրել | խմբագրել կոդը]

«Սպասելով այծին» (ռուս.՝ «В ожидании козы»)
«Աշխարհի վայրի գազանները» (ռուս.՝ «Дикие звери мира»)
«Նարնջագույն գնացք» (ռուս.՝ «Оранжевая электричка»)
«Շոտլանդական նոթատետր» (ռուս.՝ «Шотландский блокнот»)
«Կյանքի տապան» փորձ» (ռուս.՝ «Эксперимент „Ковчег жизни“») («Իդեալական մարդ» (ռուս.՝ «Идеальный человек») փորձ)
«Բյուրեղյա տուն» (ռուս.՝ «Хрустальный дом», պատմվածքներ)
«Սեղան տրամվայի տեսարանով» (ռուս.՝ «Столик с видом на трамвай», պատմվածքներ)
«Խոսակցություններ Պոգրեբեննիկովների ընտանիքում թեյի շուրջ» (ռուս.՝ «Беседы за чаем в семье Погребенниковых»)
«Հիպնոսացնողի զարմիկը» (ռուս.՝ «Племянник гипнотизёра»)
«Պատշգամբի տոմս» (ռուս.՝ «Билет на балкон»)
«Գեորգի Լուկինի ոդիսականը» (ռուս.՝ «Одиссея Георгия Лукина»)
«Երջանիկը» (ռուս.՝ «Счастливка»)
«Հիմար հեքիաթ» (ռուս.՝ «Глупая сказка»)
«Մարսուհի» (ռուս.՝ «Марсианка»)
«Առողջարանային արկած» (ռուս.՝ «Курортное приключение»)
«Հրաշալի քարանձավներ» (ռուս.՝ «Дивные пещеры»)
«Ծիծեռնակ՝ անձրևով թևերի վրա» (ռուս.՝ «Ласточка с дождем на крыльях»)
«Սնկեր ասֆալտի վրա» (ռուս.՝ «Грибы на асфальте»)

Էկրանավորումներ[խմբագրել | խմբագրել կոդը]

«Առևանգում» գեղարվեստական ֆիլմ, ԽՍՀՄ, «Մոսֆիլմ», 1984 – «Հիմար հեքիաթ» (ռուս.՝ «Глупая сказка») վիպակի մոտիվներով^[4]
«Ֆրանսիացին» գեղարվեստական ֆիլմ, ԽՍՀՄ, Մ. Գորկու անվան մանկապատանեկան ֆիլմերի կինոստուդիա, 1988 – «Սպասելով այծին» պատմվածքի հիման վրա։

Ծանոթագրություններ[խմբագրել | խմբագրել կոդը]

↑ «Литературная карта Воронежской области: Дубровин Евгений Пантелеевич, 1936—1986». Արխիվացված օրիգինալից 2021 թ․ հունիսի 16-ին. Վերցված է 2022 թ․ մայիսի 13-ին.
↑ «Как писатель начинался в Воронеже». К 85-летию со дня рождения Е. П. Дубровина — прозаика, драматурга, члена Союза писателей СССР (1967)
↑ «Могила Дубровина Е. П.». Արխիվացված օրիգինալից 2017 թ․ հուլիսի 4-ին. Վերցված է 2017 թ․ մարտի 18-ին.
↑ «художественный фильм Похищение».

[1] «Литературная карта Воронежской области: Дубровин Евгений Пантелеевич, 1936—1986». Արխիվացված օրիգինալից 2021 թ․ հունիսի 16-ին. Վերցված է 2022 թ․ մայիսի 13-ին.

[2] «Как писатель начинался в Воронеже». К 85-летию со дня рождения Е. П. Дубровина — прозаика, драматурга, члена Союза писателей СССР (1967)

[3] «Могила Дубровина Е. П.». Արխիվացված օրիգինալից 2017 թ․ հուլիսի 4-ին. Վերցված է 2017 թ․ մարտի 18-ին.

[4] «художественный фильм Похищение».

[1]

[2]

[3]

[4]