Եվա Ակե

Վիքիպեդիայից՝ ազատ հանրագիտարանից
Jump to navigation Jump to search
Եվա Ակե
Eva Acke.JPG
Ծնվել էսեպտեմբերի 4, 1855(1855-09-04)[1][2]
ԾննդավայրKuddnäs, Ֆինլանդիա[2]
Վախճանվել էմարտի 23, 1929(1929-03-23)[1] (73 տարեկանում)
Մահվան վայրQ18334582?, Vaxholm Municipality, Ստոկհոլմի լեն, Շվեդիա[1]
ՔաղաքացիությունՖինլանդիա
Flag of Sweden.svg Շվեդիա[3]
Մասնագիտություննկարչուհի
ՀայրՍակարիաս Տոպելիուս
ԱմուսինJ.A.G. Acke?
Eva Acke Վիքիպահեստում

Եվա Ակե (շվեդ.՝ Eva Acke, ծննդյամբ՝ շվեդ.՝ Eva Maria Topelius, սեպտեմբերի 4, 1855(1855-09-04)[1][2], Kuddnäs, Ֆինլանդիա[2] - մարտի 23, 1929(1929-03-23)[1], Q18334582?, Vaxholm Municipality, Ստոկհոլմի լեն, Շվեդիա[1]), ֆիննական ծագումով շվեդ նկարչուհի, մասնագիտացել է ջրաներկ աշխատանքներով:

Կենսագրություն[խմբագրել | խմբագրել կոդը]

Եվա Ակեն ծնվել է 1855 թվականի սեպտեմբերի 4-ին ֆիննական Ուուսիկաարլեպյու (Նյուկարլեբյու) շվեդախոս համայնքում: Նրա հայրը՝ Սակարիաս Տոպելիուսը, եղել է գրող, լրագրող և պատմաբան, ազատական բնավորության տեր մարդ:

Դեռևս մանկական տարիներից Եվան ծանոթացել է բազմաթիվ առաջատար մշակութային գործիչների հետ: Նա սկզբում սովորել է տանը, այնուհետև հաճախել է Հելսինկիի աղջիկների դպրոց: Արվեստի առաջին դասերը ստացել է 1871 թվականին Ստոկհոլմում: Ուսումը շարունակել է Finnish Art Association (այժմ՝ Հելսինկիի գեղարվեստի ակադեմիա) նկարչության դպրոցում: Հետագայում նա մասնավոր հիմունքներով սովորեց Կոպենհագենում Կարլ Մյոլլերի և Սանկտ Պետերբուրգում Լուիջի Պրեմացիի մոտ: 1884 թվականին նա ուղեկցում էր հորը Իտալիայում շրջագայությունների ժամանակ, որտեղ էլ նկարում էր ջրաներկ բնանկարներ:

Մի քանի տարի ամառը Եվա Ակեն անցկացրեց Ալանդյան կղզիներում՝ մասնակցելով ֆինն-շվեդական Önningebykolonin գեղարվեստական գաղութի կյանքին: Նա ուներ բազմաթիվ ընկերներ, այդ թվում՝ նկարիչներ Յոհան Ակեն և Աննա Վենբերգը: Յոհանի հետ միասին Եվա Ակեն եկավ հոր տուն և խնդրեց նրան հավանություն տալ իրենց ամուսնությանը: Նրանք ամուսնացան 1891 թվականին և տեղափոխվեցին Ուպսալա, որտեղ Յոհանը Ուպսալայի տաճարում կատարում էր արվեստի ստեղծագործությունների վերականգնման աշխատանքներ: Որոշ ժամանակ նրանք շարունակում էին այցելել Önningebykolonin գեղարվեստական գաղութ, բայց նրանց այցելությունները աստիճանաբար նվազեցին: Հետագա տարիները ամուսիններն անցկացրին Ֆինլանդիայում և Շվեդիայում: Երբ նրա հայրը մահացավ, նրանք մնացին ապրելու և աշխատելու Շվեդիայում:

Եվա և Յոհան Ակեներ, 1890-ական թթ.
«Յասաման», Եվա Ակե

1901 թվականին Յոհանը և Եվան բնակություն հաստատեցին շվեդական Վակսհոլմ քաղաքում Akleja վարձակալած վիլայում: Ընտանիքը սեփական երեխաներ չուներ և Իտալիա ուղևորության ժամանակ նրանք հանդիպեցին իտալացի տղային՝ Ֆաուստո Պադովինիին, որին որդեգրեցին 1903 թվականին: Ֆաուստոն վերցրեց Ակե ազգանունը, զբաղվում էր մարմնամարզությամբ և 1920 թվականին Անտվերպենում կայացած Ամառային Օլիմպիական խաղերում դարձավ օլիմպիական չեմպիոն: 1914 թվականին Յոհանը և Եվան կառուցեցին սեփական Torsvi ամառային վիլլան, Ստոկհոլմի Nynäshamn արվարձանում:

Նկարիչներն աշխատում էին միասին՝ նախապատվությունը տալով Յոհանին: 1924 թվականին սրտի հիվանդությունից նրա մահանալուց հետո Եվան շարունակեց նկարել և ցուցադրվել ինչպես Շվեդիայում, այնպես էլ Ֆինլանդիայում:

Եվան մահացել է 1929 թվականի մարտի 23-ին Nynäshamn-ի սեփական տանը: Թաղված է Ստոկհոլմում, Նորրա բեգրավնինգսպլատսեն (Հյուսիսային գերեզմանոց) գերեզմանատանը[4]:

Գրականություն[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 1,6 1,7 Swedish death index
  2. 2,0 2,1 2,2 2,3 2,4 Register of the Artists' Association of Finland
  3. LIBRIS — 2015.
  4. Acke, EVA MARIA

Արտաքին հղումներ[խմբագրել | խմբագրել կոդը]