Jump to content

Ենս Պետեր Հյոուգե

Վիքիպեդիայից՝ ազատ հանրագիտարանից
Ենս Պետեր Հյոուգե
նորվ.՝ Jens Petter Hauge
Քաղաքացիությունը  Նորվեգիա
Ծննդյան ամսաթիվ հոկտեմբերի 12, 1999(1999-10-12)[1][2] (27 տարեկան)
Ծննդավայր Bodø, Նորվեգիա[1][2]
Հասակ 185 սանտիմետր
Դիրք պաշտպան և կիսապաշտպան

Ենս Պետեր Հյոուգե (նորվ.՝ Jens Petter Hauge, հոկտեմբերի 12, 1999(1999-10-12)[1][2], Bodø, Նորվեգիա[1][2]), նորվեգացի պրոֆեսիոնալ ֆուտբոլիստ, «Բուդյո/Գլիմտ» լիգայի «Էլիտսերիեն» ակումբի և Նորվեգիայի ազգային հավաքականի ձախ եզրային հարձակվող։

Ակումբային կարիերա

[խմբագրել | խմբագրել կոդը]

Բուդյո/Գլիմտի

[խմբագրել | խմբագրել կոդը]

Ծնվել է Նուրլանի կոմսության Բուդյո քաղաքում[3]։ Մանկության տարիներն անցկացրել է «Վինկելեն» ակումբում։ Անցնելով «Բուդյո/Գլիմտի» պատանեկան ակադեմիայի բոլոր փուլերը՝ Հյոուգեն 2016 թվականի ապրիլի 12-ին կնքել առաջին պրոֆեսիոնալ պայմանագիրը ակումբի հետ[4]։ Հաջորդ օրն իսկ նշել է նորամուտը մեծահասակների թիմի կազմում՝ «Ֆլյոյայի» դեմ գավաթային խաղում (որն ավարտվել է հաղթական 6:0 հաշվով)՝ 64-րդ րոպեին փոխարինելով Ֆիտիմ Ազեմիին։ Հյոուգենը դարձել է հեթ-տրիկի հեղինակ[5]։ Նորամուտը առաջնությունում նշել է ապրիլի 23-ին՝ «Ստրյոմսգոդսետի» դեմ խաղում, որտեղ խաղադաշտ է դուրս եկել հանդիպման վերջնամասում, երբ «Բուդյո/Գլիմտը» պարտվում էր 2:0 հաշվով[6]։ Հաջորդ լիգայի խաղերում հանդես է եկել պարբերաբար, և հուլիսի 8-ին խփել է բարձրագույն խմբում իր առաջին գոլը՝ «Ստարտի» նկատմամբ արտագնա խաղում տարած 4:1 հաշվով հաղթանակի ժամանակ՝ դառնալով «Բուդյո/Գլիմտի» բոլոր ժամանակների գոլերի ամենաերիտասարդ հեղինակը «Էլիտսերիենում»[7]։ 2016 թվականի մրցաշրջանում անցկացրել է 20 հանդիպում առաջնությունում, որոնցում դարձել է մեկ գոլի հեղինակ[8], արդյունքում՝ «Բուդյո/Գլիմտը» դուրս է մնացել բարձրագույն խմբից և տեղափոխվել Նորվեգիայի առաջին դիվիզիոն, որը երկրորդ մակարդակի լիգան է[9]։

Հաջորդ մրցաշրջանում Հյոուգեն հաստատվել է որպես թիմի անփոխարինելի մեկնարկային խաղացող, երբ «Բուդյո/Գլիմտը» նվաճել է երկրորդ մակարդակի լիգայի չեմպիոնական տիտղոսը և անմիջապես վերադարձել բարձրագույն խմբի «Էլիտսերիեն»[10]։ Այդ մրցաշրջանում նա զգալի ավանդ է ներդրել՝ դառնալով երկու գոլի և 13 գոլային փոխանցման հեղինակ[11]։ 2018 թվականի մրցաշրջանի սկզբում Հյոուգեն կրկին կորցրել է իր տեղը մեկնարկային կազմում, ինչի հետևանքով 2018 թվականի օգոստոսի 15-ին՝ մրցաշրջանի միջնամասում, վարձավճարով տեղափոխվել է երկրորդ մակարդակի լիգայում հանդես եկող «Օլեսուն» ակումբ՝ առաջնությունում անցկացրած 11 խաղերից հետո, որոնցում գոլի հեղինակ չի դարձել[8]։ «Օլեսունում» մինչև մրցաշրջանի ավարտը նա կատարել է ընդամենը վեց մրցելույթ առաջնությունում[8]։

Հաջորդ մրցաշրջանի ընթացքում Հյոուգեն վերադարձել է «Բուդյո/Գլիմտի» մեկնարկային կազմ։ 2019 թվականի նոյեմբերի 10-ին նա դարձել է իր ակումբի երկու գոլերի հեղինակը «Ռուսենբորգից» կրած արտագնա 2:3 հաշվով պարտության ժամանակ[12]։ Այդ մրցաշրջանում նա անցկացրել է 28 հանդիպում առաջնությունում, որոնցում դարձել է յոթ գոլի և երկու գոլային փոխանցման հեղինակ[8]։

Նախատեսված լինելով մեկնարկել մարտին՝ 2020 թվականի մրցաշրջանը COVID-19 համավարակի պատճառով հետաձգվել է մինչև 2020 թվականի հունիսը։ Հյոուգեն և «Բուդյո/Գլիմտը» հիանալի մեկնարկ են գրանցել[13][14]։ Տասը տուրից հետո ակումբն անսպասելիորեն ստանձնել է առաջատարի դերը մրցաշարային աղյուսակում[15]։ Այդ պահի դրությամբ Հյոուգեն արդեն դարձել էր վեց գոլի և վեց գոլային փոխանցման հեղինակ[8]։ Նրան հաջողվել է տպավորիչ ելույթներ ունենալ նաև ՈւԵՖԱ-ի Եվրոպայի լիգայի որակավորման փուլում։ Իտալական «Միլան» ակումբից կրած արտագնա նվազագույն՝ 2:3 հաշվով պարտության ժամանակ Հյոուգեն ուղղակիորեն ներգրավված է եղել իր թիմի երկու գոլերում էլ[16]։ Դրա արդյունքում լրատվամիջոցները հայտնել են, որ «ռոսոներիները» հետաքրքրված են նրա տեղափոխությամբ[17][18]։

AC Milan

[խմբագրել | խմբագրել կոդը]

2020 թվականի հոկտեմբերի 1-ին Հյոուգեն հնգամյա պայմանագիր է կնքել Սերիա A-ի «Միլան» ակումբի հետ[19]։ Երեք օր անց նշել է նորամուտը «Սպեցիայի» նկատմամբ տարած 3:0 հաշվով հաղթական խաղում[20]։ Հոկտեմբերի 22-ին խփել է իր առաջին գոլը «Միլանի» կազմում՝ Եվրոպայի լիգայի խմբային փուլի «Սելթիկի» դեմ արտագնա խաղում (3:1)[21]։ Նոյեմբերի 22-ին խփել է առաջին գոլը Սերիա A-ում՝ «Նապոլիի» նկատմամբ արտագնա խաղում տարած 3:1 հաշվով հաղթանակի ժամանակ[22]։

Այնտրախտ Ֆրանկֆուրտ

[խմբագրել | խմբագրել կոդը]
Հյուգը Այնտրախտ Ֆրանկֆուրտում 2022 թվականին

2021 թվականի օգոստոսի 10-ին «Այնտրախտ Ֆրանկֆուրտը» հայտարարել է, որ Հյոուգեն կմիանա Բունդեսլիգայի ակումբին մեկ մրցաշրջան տևողությամբ վարձակալությամբ՝ տրանսֆերը մշտական հիմունքներով գնելու տարբերակով[23]։ Օգոստոսի 14-ին նա գոլի հեղինակ է դարձել «Ֆրանկֆուրտի» կազմում իր դեբյուտային խաղում, թեև թիմը 5:2 հաշվով պարտություն է կրել «Բորուսիա Դորտմունդից»[24]։

2022 թվականի մայիսի 28-ին «Այնտրախտ Ֆրանկֆուրտը» հայտարարել է, որ մեկամյա վարձակալությունից հետո ակտիվացրել է Սերիա A-ի «Միլան» ակումբից Հյոուգեի տրանսֆերը լիարժեք գնելու իրավունքը։ Հյոուգեն պայմանագիր է կնքել մինչև 2026 թվականը[25]։

Միացում «Գենտ»-ին

[խմբագրել | խմբագրել կոդը]

2022 թվականի օգոստոսի 16-ին «Գենտը» հայտարարել է, որ Հյոուգեն մեկ մրցաշրջան տևողությամբ վարձակալությամբ կմիանա Բելգիայի Առաջին դիվիզիոն A-ում հանդես եկող ակումբին[26]։

Վերադարձ Բուդյո/Գլիմտ

[խմբագրել | խմբագրել կոդը]

2024 թվականի հունվարի 31-ին Հյոուգեն վարձավճարով վերադարձել է «Բուդյո/Գլիմտ» մինչև 2024 թվականի վերջը՝ տրանսֆերը գնելու հնարավորությամբ[27]։ 2025 թվականի հունվարի 16-ին նա մշտական հիմունքներով միացել է ակումբին՝ կնքելով պայմանագիր մինչև 2028 թվականը[28]։

Նա խփել է ՈւԵՖԱ-ի Չեմպիոնների լիգայում իր առաջին գոլերը՝ դառնալով դուբլի հեղինակ 2025 թվականի սեպտեմբերի 30-ին «Տոտենհեմ Հոտսպուրի» հետ կայացած խաղում, որն ավարտվել է 2:2 հաշվով[29]։ 2025-26 մրցաշրջանի Չեմպիոնների լիգայի փլեյ-օֆֆ փուլի խաղերում նա գոլի հեղինակ է դարձել երկու հանդիպումներում էլ, ինչպես նաև կատարել է գոլային փոխանցում՝ օգնելով իր թիմին երկու խաղերի արդյունքով 5:2 հաշվով հաղթանակ տանել «Ինտեր Միլանի» նկատմամբ[30]։

Միջազգային կարիերա

[խմբագրել | խմբագրել կոդը]

Հյոուգեն իր նորամուտը Նորվեգիայի մինչև 21 տարեկանների հավաքականում նշել է 2019 թվականի նոյեմբերի 15-ին՝ Կիպրոսի դեմ խաղում։ Խաղադաշտ է դուրս եկել մեկնարկային կազմում, իսկ Նորվեգիան հաղթել է 2:1 հաշվով։ 2020 թվականի սեպտեմբերի 4-ին խփել է իր առաջին գոլը մինչև 21 տարեկանների թիմի կազմում՝ Ջիբրալթարի դեմ խաղում՝ իր նպաստը բերելով 6:0 հաշվով հաղթանակին։

Հյոուգեն Նորվեգիայի ազգային հավաքականի կազմում նորամուտը նշել է 2020 թվականի հոկտեմբերի 11-ին՝ ՈւԵՖԱ-ի Ազգերի լիգայի Ռումինիայի դեմ խաղում։ Նա փոխարինման է դուրս եկել Մոհամեդ Էլյունուսիի փոխարեն, իսկ Նորվեգիան հաղթել է հանդիպումը 4:0 հաշվով[31]։

2026 թվականի մայիսի 21-ին Հյոուգեն ընդգրկվել է Նորվեգիայի ազգային հավաքականի գլխավոր մարզիչ Ստոլե Սոլբակենի հրապարակած 26 ֆուտբոլիստներից բաղկացած հայտացուցակում՝ մասնակցելու 2026 թվականի ՖԻՖԱ-ի Աշխարհի առաջնությանը[32]։

Անձնական կյանք

[խմբագրել | խմբագրել կոդը]

Հյոուգեն ունի կրտսեր եղբայր՝ Ռունարը, որը նույնպես պրոֆեսիոնալ ֆուտբոլիստ է և հանդես է գալիս «Հոբրո» (Hobro IK) ակումբում։ Եղբայրները միասին խաղացել են «Բուդյո/Գլիմտում»՝ այն ակումբում, որտեղ երկուսն էլ նշել են իրենց ֆուտբոլային նորամուտը[33]։

Կարիերայի վիճակագրություն

[խմբագրել | խմբագրել կոդը]

Ակումբ

[խմբագրել | խմբագրել կոդը]
2026 թվականի մայիսի 24[34]-ի դրությամբ
Ակումբային վիճակագրություն ըստ մրցաշրջանների
Ակումբ Մրցաշրջան Լիգա Ազգային գավաթ[Ն 1] Եվրոպա Ընդհանուր
ԴիվիզիոնԽաղերԳոլերԽաղերԳոլերԽաղերԳոլերԽաղերԳոլեր
Բուդյո/Գլիմտ 2016 Նորվեգիայի ֆուտբոլի առաջնություն 20144–245
2017 Նորվեգիայի առաջին դիվիզիոն 28200–282
2018 Նորվեգիայի ֆուտբոլի առաջնություն 11042–152
2019 Նորվեգիայի ֆուտբոլի առաջնություն 29712–309
2020 Նորվեգիայի ֆուտբոլի առաջնություն 1814003[Ն 2]32117
Ընդհանուր 10624983311835
Օլեսուն (վարձավճարով) 2018 Նորվեգիայի առաջին դիվիզիոն 6000–60
Միլան 2020–21 Սերիա Ա 182105[Ն 2]3245
Այնտրախտ Ֆրանկֆուրտ (վարձավճարով) 2021–22 Բունդեսլիգա 2620011[Ն 2]1373
Գենտ (վարձավճարով) 2022–23 Բելգիայի Պրո Լիգա 190208[Ն 3]0290
Այնտրախտ Ֆրանկֆուրտ 2023–24 Բունդեսլիգա 100205[Ն 3]0170
Բուդյո/Գլիմտ (վարձավճարով) 2023 Նորվեգիայի ֆուտբոլի առաջնություն ––2[Ն 3]020
2024 Նորվեգիայի ֆուտբոլի առաջնություն 2882122[Ն 4]35212
Բուդյո/Գլիմտ 2025 Նորվեգիայի ֆուտբոլի առաջնություն 288318[Ն 5]33912
2026 Նորվեգիայի ֆուտբոլի առաջնություն 101406[Ն 5]3204
Ընդհանուր 66179238911328
Ընդանուր կարիերաի ամփոփում 251452310701634471

Միջազգային

[խմբագրել | խմբագրել կոդը]
2026 թվականի հունիսի 26-ի դրությամբ[35]
Մասնակցությունները և գոլերը՝ ըստ ազգային հավաքականի ու տարիների
Ազգային ակումբՏարիԽաղերԳոլեր
Նորվեգիա 202010
202170
202220
202411
202520
202630
Ընդհանուր161
Հաշիվներում և արդյունքներում առաջինը նշվել է Նորվեգիայի գոլերի քանակը, իսկ հաշվի սյունակը ցույց է տվել արդյունքը Հյոուգեի յուրաքանչյուր գոլից հետո[35]։
Յենս Պետեր Հյոուգեի խփած գոլերի ցանկը ազգային հավաքականում
Ամսաթիվ Հանդիպման վայր Հակառակորդ Հաշիվ Արդյունք Մրցույթ
114 նոյեմբեր 2024Ստոժիցե մարզադաշտ, Լյուբլյանա, Սլովենիա Սլովենիա1-41-4ՈՒԵՖԱ-ի Ազգերի լիգայի 2024-25 թվականների խաղարկության B լիգա

Նվաճումներ

[խմբագրել | խմբագրել կոդը]

Բուդյո/Գլիմտ

  • Էլիտսերիա. 2020, 2024 թվականների չեմպիոն։
  • Նորվեգիայի գավաթակիր - 2025-26։

Այնտրախտ Ֆրանկֆուրտ

  • ՈՒԵՖԱ-ի Եվրոպայի լիգա - 2021-22 թվականներ։

Անհատական նվաճումներ

  • Ճանաչվել է Էլիտսերիայի տարվա լավագույն երիտասարդ ֆուտբոլիստ - 2020[36]։

Նշումներ

[խմբագրել | խմբագրել կոդը]
  1. ↑ Այս ցանկը ներառել է Նորվեգիայի գավաթը, Իտալիայի գավաթը, Բելգիայի գավաթը և Գերմանիայի գավաթը:
  2. 1 2 3 Մասնակցել է ՈՒԵՖԱ-ի Եվրոպայի լիգայի հանդիպումներին
  3. 1 2 3 Մասնակցությունը ՈւԵՖԱ-ի Կոնֆերենցիաների լիգային։
  4. ↑ Վեց հանդիպում է անցկացրել և դարձել մեկ գոլի հեղինակ ՈՒԵՖԱ-ի Չեմպիոնների լիգայում, ինչպես նաև տասնվեց հանդիպման է մասնակցել ու երկու գոլ է խփել ՈՒԵՖԱ-ի Եվրոպայի լիգայում:
  5. 1 2 Մասնակցել է ՈՒԵՖԱ-ի Չեմպիոնների լիգայի հանդիպումներին

Ծանոթագրություններ

[խմբագրել | խմբագրել կոդը]
  1. 1 2 3 4 Transfermarkt.com(բազմ․) — 2000.
  2. 1 2 3 4 Store norske leksikon (նորվ.) — 1978. — ISSN 2464-1480
  3. ↑ «Jens Petter Hauge». altomfotball.no. TV2. Արխիվացված է օրիգինալից 2019 թ․ մարտի 27-ին. Վերցված է 2016 թ․ մայիսի 1-ին.
  4. ↑ Høgland, Stian (2016 թ․ ապրիլի 12). «"Det er bedre for meg å få være involvert i et A-lag her, enn med et akademilag i England"». an.no (նորվեգերեն). Avisa Nordland. Արխիվացված է օրիգինալից 2016 թ․ ապրիլի 13-ին. Վերցված է 2020 թ․ հոկտեմբերի 2-ին.
  5. ↑ Høgland, Stian (2016 թ․ ապրիլի 13). «Glimt-debutant med ekte hattrick i cupkampen mot Fløya». an.no (նորվեգերեն). Avisa Nordland. Արխիվացված օրիգինալից 2020 թ․ հոկտեմբերի 2-ին. Վերցված է 2020 թ․ հոկտեմբերի 2-ին.
  6. ↑ «LIVE Strømsgodset IF - FK Bodø/Glimt - Eliteserien - 23 April 2016». eurosport.com. Eurosport. Արխիվացված օրիգինալից 2020 թ․ դեկտեմբերի 5-ին. Վերցված է 2020 թ․ հոկտեմբերի 2-ին.
  7. ↑ «Jens Petter Hauge / Bodø/Glimt». glimt.no (նորվեգերեն). FK Bodø. Արխիվացված է օրիգինալից 2018 թ․ փետրվարի 15-ին. Վերցված է 2020 թ․ հոկտեմբերի 2-ին.
  8. 1 2 3 4 5 «J. Hauge - Profile». us.soccerway.com. Perform Group. Արխիվացված օրիգինալից 2017 թ․ նոյեմբերի 7-ին. Վերցված է 2020 թ․ հոկտեմբերի 2-ին.
  9. ↑ Braastad, Even; Strøm, Ole Kristian (2016 թ․ նոյեմբերի 6). «Drama da Bodø/Glimt rykket ned». vg.no (նորվեգերեն). VG. Արխիվացված օրիգինալից 2020 թ․ հոկտեմբերի 29-ին. Վերցված է 2020 թ․ հոկտեմբերի 2-ին.
  10. ↑ «Bodø/Glimt tilbake i Eliteserien» (նորվեգերեն). Dagsavisen. 2017 թ․ հոկտեմբերի 1. Արխիվացված օրիգինալից 2020 թ․ հոկտեմբերի 29-ին. Վերցված է 2020 թ․ հոկտեմբերի 2-ին.
  11. ↑ Nair, Varun (2020 թ․ հոկտեմբերի 1). «Jens Petter Hauge: Everything You Need to Know About the Reported New AC Milan Winger». LWOS. Արխիվացված օրիգինալից 2020 թ․ հոկտեմբերի 27-ին. Վերցված է 2020 թ․ հոկտեմբերի 2-ին.
  12. ↑ Zerener, Anders (2019 թ․ նոյեմբերի 10). «Rosenborg gikk seirende ut i skjebnekampen mot Bodø/Glimt». nettavisen.no (նորվեգերեն). Nettavisen. Արխիվացված օրիգինալից 2020 թ․ հոկտեմբերի 29-ին. Վերցված է 2020 թ․ հոկտեմբերի 2-ին.
  13. ↑ Tóth, Zoltán (2020 թ․ հուլիսի 16). «Eliteserien 2020: FK Bodo/Glimt, the Scandinavian Atalanta – team analysis». Total Football Analysis. Արխիվացված օրիգինալից 2020 թ․ հոկտեմբերի 1-ին. Վերցված է 2020 թ․ հոկտեմբերի 2-ին.
  14. ↑ Kolberg, Sindre (2020 թ․ հուլիսի 18). «Sår tvil om overgangen til Belgia: – Det blir tatt en avgjørelse de neste dagene». bodonu.no (նորվեգերեն). Bodø Nu. Արխիվացված օրիգինալից 2020 թ․ դեկտեմբերի 5-ին. Վերցված է 2020 թ․ հոկտեմբերի 2-ին.
  15. ↑ Ihle, Marthe; Christiansen, Synne Sofie (2020 թ․ հուլիսի 26). «Blir: - Vil vinne gull med Glimt» (նորվեգերեն). Dagbladet. Արխիվացված օրիգինալից 2020 թ․ հոկտեմբերի 29-ին. Վերցված է 2020 թ․ հոկտեմբերի 2-ին.
  16. ↑ «Milan-Bodo Glimt 3-2: gol e highlights. Rossoneri qualificati ai playoff di Europa League». sport.sky.it (իտալերեն). Sky Sports. 2020 թ․ սեպտեմբերի 24. Արխիվացված օրիգինալից 2020 թ․ հոկտեմբերի 2-ին. Վերցված է 2020 թ․ հոկտեմբերի 2-ին.
  17. ↑ Indsetviken, Emil H.; Frederiksen, Benjamin (2020 թ․ սեպտեմբերի 25). «Italienske medier hevder AC Milan vil kjøpe Jens Petter Hauge fra Bodø/Glimt». nrk.no (նորվեգերեն). NRK. Արխիվացված օրիգինալից 2020 թ․ հոկտեմբերի 2-ին. Վերցված է 2020 թ․ հոկտեմբերի 2-ին.
  18. ↑ Kupitz, Jan (2020 թ․ սեպտեմբերի 29). «Norwegen-Talent Hauge zur AC Milan: "Freue mich, mit Zlatan zu spielen"». 90min.de (գերմաներեն). 90min. Արխիվացված օրիգինալից 2020 թ․ հոկտեմբերի 19-ին. Վերցված է 2020 թ․ հոկտեմբերի 2-ին.
  19. ↑ «Comunicato Ufficiale: Jens Petter Hauge». A.C. Milan (Press release) (իտալերեն). 2020 թ․ հոկտեմբերի 1. Արխիվացված օրիգինալից 2020 թ․ հոկտեմբերի 1-ին. Վերցված է 2020 թ․ հոկտեմբերի 1-ին.
  20. ↑ Manfredi, Jacopo (2020 թ․ հոկտեմբերի 4). «Milan-Spezia 3-0, doppio Leao e Hernandez: i rossoneri restano in vetta» (իտալերեն). la Repubblica. Արխիվացված օրիգինալից 2020 թ․ հոկտեմբերի 9-ին. Վերցված է 2020 թ․ հոկտեմբերի 9-ին.
  21. ↑ «Neil Lennon was "encouraged" despite his Celtic side being overcome by Serie A leaders AC Milan in their Europa League group stage opener in Glasgow». BBC. 2020 թ․ հոկտեմբերի 22. Արխիվացված օրիգինալից 2020 թ․ նոյեմբերի 1-ին. Վերցված է 2020 թ․ նոյեմբերի 5-ին.
  22. ↑ «Player Ratings: Napoli 1-3 AC Milan – Ibrahimovic decisive again; Hauge opens league account». SempreMilan. 2020 թ․ նոյեմբերի 22. Արխիվացված օրիգինալից 2020 թ․ նոյեմբերի 22-ին. Վերցված է 2020 թ․ նոյեմբերի 22-ին.
  23. ↑ «Jens Petter Hauge wechselt zur Eintracht». Eintracht Frankfurt (գերմաներեն). Վերցված է 2021-08-10-ին.
  24. ↑ «Erling Haaland orchestrates big Borussia Dortmund win against Eintracht Frankfurt». 2021 թ․ օգոստոսի 14. Վերցված է 2021 թ․ դեկտեմբերի 25-ին.
  25. ↑ «Hauge signs permanently». Eintracht Frankfurt (անգլերեն). Վերցված է 2022-05-28-ին.
  26. ↑ «Velkommen Jens Petter!» [Welcome Jens Petter!] (հոլանդերեն). Gent. 2022 թ․ օգոստոսի 16.
  27. ↑ «JENS PETTER TILBAKE I GULT: – ALDRI TATT FOTEN AV GASSPEDALEN» [JENS PETTER BACK IN YELLOW: - NEVER TOOK MY FOOT OFF THE GAS PEDAL] (նորվեգերեն). Bodø/Glimt]. 2024 թ․ հունվարի 31. Վերցված է 2024 թ․ հունվարի 31-ին.
  28. ↑ «Jens Petter Hauge tilbake i Glimt: – Her kan jeg utvikle meg videre» (նորվեգերեն). FK Bodø/Glimt. 2025 թ․ հունվարի 16.
  29. ↑ Rose, Gary (2025 թ․ սեպտեմբերի 30). «Bodø / Glimt 2–2 Tottenham Hotspur». BBC Sport.
  30. ↑ «How Bodo/Glimt beat Inter again to secure stunning Champions League upset». The New York Times. 2026 թ․ փետրվարի 25.
  31. ↑ «Norway v Romania game report». ESPN. 2020 թ․ հոկտեմբերի 11. Արխիվացված օրիգինալից 2020 թ․ հոկտեմբերի 15-ին. Վերցված է 2020 թ․ հոկտեմբերի 15-ին.
  32. ↑ «Norway squad announcement». FIFA (անգլերեն). 2026 թ․ մայիսի 21. Վերցված է 2026 թ․ հունիսի 1-ին.
  33. ↑ «Norge-talentets uvanlige problem: - Vi ble tatt litt på senga». 2018 թ․ մայիսի 9.
  34. ↑ «Jens Petter Hauge». altomfotball.no (նորվեգերեն). TV 2. Արխիվացված է օրիգինալից 2019 թ․ մարտի 30-ին. Վերցված է 2019 թ․ մայիսի 5-ին.
  35. 1 2 Ֆուտբոլիստի էջը National Football Teams կայքում(անգլ.)
  36. ↑ «Kniksens hederspris til Erling Braut Haaland» (նորվեգերեն). NFF. 2020 թ․ դեկտեմբերի 23. Վերցված է 2020 թ․ դեկտեմբերի 23-ին.
Ստացված է «https://hy.wikipedia.org/w/index.php?title=Ենս_Պետեր_Հյոուգե&oldid=10831377» էջից