Եղիշե (նկարիչ)

Անվան այլ կիրառումների համար տե՛ս՝ Եղիշե (այլ կիրառումներ)

Եղիշե
Ծնվել է	անհայտ
Վախճանվել է	անհայտ
Ազգություն	հայ
Մասնագիտություն	նկարիչ

Եղիշե Նկարիչ (ծննդյան և մահվան թվականները անհայտ են), X դարի հայ նկարիչ։ Անունը հիշատակված է Ստեփանոս Օրբելյանի «Պատմութիուն նահանգին Սիսական» աշխատության մեջ, Գնդեվանքի շինարարության կապակցությամբ և վանքի տաճարի հարավային պատի արևմտյան անկյունի արձանագրությունում։ Կառույցի հովանավոր իշխանուհի Սոփիան 936 թվականին հրավիրել է Եղիշե Նկարիչին շինարարությունը ղեկավարելու։ Ենթադրվում է, որ Գնդեվանքի բարձրաքանդակների և որմնանկարների հեղինակը Եղիշե Նկարիչն է։ Որմնանկարները գրեթե չեն պահպանվել։ Արևելյան աբսիդում աղոտ նշմարելի են Քրիստոսի լուսապսակի հետքերը։ Ուշ շրջանում են ստեղծվել Գնդեվանքի ավանդատների մուտքերի վերնում պատկերված ֆիգուրները, որոնցից լավ է պահպանվել Աստվածամոր պատկերը։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 507)։