Եղիշե Մադաթյան

Վիքիպեդիայից՝ ազատ հանրագիտարանից
Jump to navigation Jump to search
Եղիշե Մադաթյան
Ծնվել է1865
ԾննդավայրՇուշի, Բաքվի նահանգ, Ռուսական կայսրություն
Մահացել է1918
Մահվան վայրԽարկով, Ուկրաինայի Ժողովրդական Հանրապետություն
Ազգությունհայ
Մասնագիտությունգրականագետ և թարգմանիչ

Եղիշե Միքայելի Մադաթյան (1865, Շուշի, Բաքվի նահանգ, Ռուսական կայսրություն - 1918, Խարկով, Ուկրաինայի Ժողովրդական Հանրապետություն), հայ գրականագետ, թարգմանիչ։

Սովորել է Մոսկվայում՝ Լազարյան ճեմարանում, ապա՝ համալսարանում (1884-1888 թթ.), որն ավարտել է «Փավստոս Բուզանդ» (առանձին գրքով լույս է տեսել 1890 թվականին, Վիեննայում) ուսումնասիրության պաշտպանությամբ։ 1888-1889 թվականներին շրջագայել է Եվրոպայում։ 1890-1892 թվականներին եղել է տեսուչ Շուշիի հոգևոր դպրոցում։ Այնուհետև դասավանդել է Էջմիածնի Գևորգյան ճեմարանում և Թիֆլիսի Ներսիսյան դպրոցում։ Հ. Տենի, Գամառ-Քաթիպայի, Ս. Շահազիզի մասին գրականագիտական հոդվածներով հանդես է եկել «Նովոյե օբոզրենիե» («Новое обозрение»), «Արարատ» և «Մուրճ» պարբերականներում։ Թարգմանել է Բայրոնի, Բերանժեի, Լերմոնտովի ստեղծագործություններից։ Հաճախ ստորագրել է «Վանգ»։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 126 CC-BY-SA-icon-80x15.png