Ելենա Շիրման

Ելենա Շիրման
Ծնվել է	հունվարի 21 (փետրվարի 3), 1908
Ծննդավայր	Դոնի Ռոստով, Դոնի զորքի մարզ, Ռուսական կայսրություն
Վախճանվել է	օգոստոսի 10, 1942 (34 տարեկան)
Վախճանի վայր	Ռեմոնտնոյե, Ռոստովի մարզ, ՌԽՖՍՀ, ԽՍՀՄ
Մասնագիտություն	գրող և բանաստեղծուհի
Լեզու	ռուսերեն
Քաղաքացիություն	ԽՍՀՄ
Կրթություն	Ռոստովի պետական մանկավարժական համալսարան
Ժանրեր	քնարապատմողական

Ելենա Միխայլովնա Շիրման (ռուս.՝ Елена Михайловна Ширман, հունվարի 21 (փետրվարի 3), 1908^[1], Դոնի Ռոստով, Դոնի զորքի մարզ, Ռուսական կայսրություն^[1] - օգոստոսի 10, 1942(1942-08-10)^[1], Ռեմոնտնոյե, Ռոստովի մարզ, ՌԽՖՍՀ, ԽՍՀՄ), խորհրդային բանաստեղծուհի։

Կենսագրություն[խմբագրել | խմբագրել կոդը]

Ելենա Միխայլովնա Շիրմանը ծնվել է Դոնի Ռոստովում՝ ղեկապետի և ուսուցչուհու ընտանիքում։ Մանկուց տարվել է բանաստեղծություններ հորինելով, որոնք տպագրվում էին Ռոստովի պարբերականներում։ Ավելի ուշ նրա բանաստեղծությունները սկսեցին լույս տեսնել մոսկովյան «Օկտյաբր» և «Սմենա» ամսագրերում։

1933 թվականին, Ռոստովի մանկավարժական ինստիտուտի գրական ֆակուլտետն ավարտելուց հետո, Շիրմանը սկսել է աշխատել գրադարանում, զբաղվել բանահավաքությամբ և շարունակել է իր գրական գործունեությունը։ 1937 թվականին ընդունվել է Մաքսիմ Գորկու անվան գրականության ինստիտուտ՝ Իլյա Սելվինսկու սեմինար։ Միաժամանակ նա համագործակցել է Ռոստովի մի շարք հրատարակությունների հետ, ղեկավարել է մանկական գրական խմբակ և եղել է «Պիոներսկայա պրավդա» թերթի գրական խորհրդատու։

Հայրենական մեծ պատերազմը սկսվելուն պես Շիրմանը ղեկավարել է Դոնի Ռոստովում լույս տեսնող «Պրյամոյ նավոդկոյ» քարոզչական թերթը, որում տպագրվում էին նրա երգիծական բանաստեղծությունները։

1942 թվականի հուլիսին Շիրմանը գործուղման է գնացել Ռեմոնտնոյե գյուղի շրջան։ Այնտեղ նրան բռնել են գերմանացիները։ Նրա աչքերի առաջ գնդակահարել են ծնողներին, իսկ հաջորդ օրը, պատռելով նրա հագուստը՝ ստիպել են փորել սեփական գերեզմանը։ Շիրմանի զոհվելու պատմության մասին հայտնի է դարձել միայն 20 տարի հետո։

Մատենագրություն[խմբագրել | խմբագրել կոդը]

Бойцу Н-ской части (сборник). — 1942.
Жить! (сборник). — Советский писатель, 1969. — 10000 экз.
Васильченко М. Е., Ширман Е. М. Изумрудное кольцо (сказки). — Ростов-н/Д, 1937.
Советские поэты, павшие на Великой Отечественной войне. — 2005. — (серия «Новая библиотека поэта»)

Գրականություն[խմբագրել | խմբագրել կոդը]

Писатели Советского Дона: Био-библиогр. справочник. Вып. 1 и 2 / [Сост.: Д. И. Руманова, Д. К. Жак и др.]. — Ростов н/Д: Тип. изд-ва «Молот», 1948. — С. 102—103. — 112 с. — (Рост. гос. науч. б-ка им. К. Маркса). — 2500 экз.
Бакулина Н. В. Записки из прифронтового города: воспоминания о Елене Ширман в годы Великой Отечественной войны // Донской временник. Год 2008-й: краеведческий альманах / Донская гос. публичная библиотека. — Ростов-н/Д, 1993—2014.

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 Краткая литературная энциклопедия (ռուս.) — М.: Советская энциклопедия, 1962. — Т. 8.

Արտաքին հղումներ[խմբագրել | խմբագրել կոդը]

[_bef6ae23e5463446-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 Краткая литературная энциклопедия (ռուս.) — М.: Советская энциклопедия, 1962. — Т. 8.

[1]