Ելենա Նեստերովա

Վիքիպեդիայից՝ ազատ հանրագիտարանից
Jump to navigation Jump to search
Ելենա Նեստերովա
Ծնվել է հունիսի 13, 1938(1938-06-13)
Ծննդավայր Դոնի Ռոստով, ՌԽՖՍՀ, ԽՍՀՄ
Վախճանվել է օգոստոսի 14, 1986(1986-08-14) (48 տարեկանում)
Վախճանի վայր Դոնի Ռոստով, ՌԽՖՍՀ, ԽՍՀՄ
Մասնագիտություն բանաստեղծ և գրող
Լեզու ռուսերեն
Քաղաքացիություն Flag of the Soviet Union.svg ԽՍՀՄ
Կրթություն Սանկտ Պետերբուրգի մշակույթի պետական ինստիտուտ
Անդամակցություն ԽՍՀՄ Գրողների միություն
Կուսակցություն ԽՄԿԿ
Պարգևներ «Պատվո նշան» շքանշան

Ելենա Վասիլևնա Նեստերովա (ռուս.՝ Еле́на Васи́льевна Не́стерова, հունիսի 13, 1938(1938-06-13), Դոնի Ռոստով, ՌԽՖՍՀ, ԽՍՀՄ - օգոստոսի 14, 1986(1986-08-14), Դոնի Ռոստով, ՌԽՖՍՀ, ԽՍՀՄ), ռուս խորհրդային բանաստեղծուհի:

Կենսագրություն[խմբագրել | խմբագրել կոդը]

Ելենա Նեստերովան ծնվել է 1938 թվականին Դոնի Ռոստովում: 1955 թվականին դպրոցն ավարտելուց հետո ընդունվել է Լենինգրադի մշակույթի ինստիտուտ, որն ավարտել է 1959 թվականին: Այնուհետև Ռոստովի տարածաշրջանային գիտական գրադարանում աշխատել է որպես մեթոդիստ: 1960 թվականին Նեստերովայի բանաստեղծությունները հրատարակվել են «Դոն» ամսագրում: Այս և այլ բանաստեղծություններ ընդգրկվել են Ռոստիզդատում լույս տեսած նրա «Вёсла» առաջին ժողովածուում: 1964 թվականին դարձել է ԽՄԿԿ անդամ[1]:

Կյանքի փորձ ձեռք բերելու համար Նեստերովան միանում է «Իվան Ֆրանկո» նավի անձնակազմին և մասնակցում հեռավոր երկրների ափերի ուղևորություններին: Ինչպես գրում է ռոստովցի բանաստեղծ Նիկոլայ Սկրյոբովը, այդ ուղևորություններն ավելի շատ լի էին «ծանր աշխատանքով, քան ռոմանտիկայով»[2]:

Վերադառնալով հայրենի քաղաք` կրկին տարածաշրջանային գրադարանում աշխատում է որպես մեթոդիստ, այնուհետև գրադարանում զբաղեցնում տարբեր պաշտոններ, որոշ ժամանակ նաև դասավանդում է Ռոստովի մշակութային լուսավորության ուսումնարանում: Այդ ամբողջ ընթացքում Ելենա Նեստերովան գրում է բանաստեղծություններ, դրանք հրատարակում կոլեկտիվ ժողովածուներում և ամսագրերում, այդ թվում`«Օգոնյոկ», «Երիտասարդություն», «Մոսկվա», «Սմենա», «Խորհրդային կինը», «Դոն»: «Երկրորդ խոսք» բանաստեղծությունների երկրորդ լիամետրաժ հավաքածուն Նեստերովային հաջողվում է հրատարակել միայն 1975 թվականին, որի համար 1976 թվականին Նեստերովան ընդունվում է ԽՍՀՄ գրողների միության շարքերը:

1979 թվականին Նեստերովան դարձել է «Դոն» տարածաշրջանային երիտասարդական գրական ասոցիացիայի ղեկավար: Նա օգնել է դոնյան շատ բանաստեղծների: Ասոցիացիայի գործունեությանը մասնակցել են Գեորգի Բուլատովը, Գենադի Ժուկովը, Իգոր Բոնդարևսկին, Վիտալի Կալաշնիկովը, Ալեքսանդր Բրուկոն: Նեստերովան եղել է «Պուշկինը և հնությունը» տոնակատարության առաջին վարողը, որը կազմակերպվել է «Տանաիս» թանգարան-արգելոցում:

Ռոստիզդատը թողարկել է «Ապրիլյան փոթորիկ» (1979, 1982 թթ.), իսկ մոսկովյան «Սովրեմեննիկ» հրատարակչությունը` «Ալիքների հետք» (1984 թ.) բանաստեղծությունների ժողովածուն:

Նեստերովայի բանաստեղծությունների հիմնական թեման ժամանակակից կնոջ ներքին աշխարհն է: Նա նաև բազմաթիվ բանաստեղծություններ է գրել Ատոմմաշի և վեպ «Ալյոնա Արզամասկայի» մասին:

1986 թվականին «Կանանց մենախոսություն» ժողովածուի տպագրման նախապատրաստման ընթացքում Նեստերովան կոնֆլիկտ է ունեցել խմբագրի հետ: Ըստ ռոստովցի բանաստեղծներ Նիկոլայ Սկրյոբովի[3] և Լյուբով Վոլոշինովայի[4]` դա Նեստերովայի համար ծանր հարված էր: 1986 թվականի օգոստոսի 14-ին Ելենա Վասիլևնա Նեստերովան մահացել է անորոշ հանգամանքներում:

Պարգևներ[խմբագրել | խմբագրել կոդը]

  • «Պատվո նշան» շքանշան (1976 թ.)

Երկեր[խմբագրել | խմբագրել կոդը]

  • Весла. - Ростов н/Д: Кн. изд-во, 1964. - 47 с. - 3000 экз.
  • [Стихи]. - Ростов н/Д: Кн. изд-во, 1968. - 23 с. - (Поэзия Дона). - 3000 экз.
  • Второе слово. - Ростов н/Д: Кн. изд-во, 1975. - 39 с. - 5500 экз.
  • Апрельская буря: Лирика. - Ростов н/Д: Кн. изд-во, 1979. - 109 с. - 5000 экз.
  • Рассветные окна: Стихи и поэма [«Алёна Арзамасская»]. - Ростов н/Д: Кн. изд-во, 1982. - 79 с. - 5000 экз.
  • След волны. - М.: Современник, 1983. - 78 с. - (Новинки «Современника»). - 10 000 экз.
  • Монолог женщины. - Ростов н/Д: Кн. изд-во, 1987. - 190 с. - 5000 экз.
  • До последнего вздоха. - Ростов н/Д: Кн. изд-во, 1992.

Գրականություն[խմբագրել | խմբագրել կոդը]

  • Писатели Дона: Биобиблиогр. указ / [О. И. Кузина и др.]. - изд. 2-е, испр. и доп. - Ростов н/Д: Кн. изд-во, 1986. - С. 226-231. - 416 с. - 20 000 экз.

Ծանոթագրություններ[խմբագրել | խմբագրել կոդը]

  1. Писатели Дона: Биобиблиогр. указ / [О. И. Кузина и др.]. - изд. 2-е, испр. и доп. - Ростов н/Д: Кн. изд-во, 1986. - С. 226. - 416 с. - 20 000 экз.
  2. Скрёбов, Николай Михайлович Молчаливая песня // Венок Елене: Сборник памяти Е. В. Нестеровой / Волошинова Л. Ф.. — Ростов н/Д: «Странник», 2008. — С. 46. — 80 с.
  3. Скрёбов Н. М. Молчаливая песня // Венок Елене. - С. 47-48.
  4. Волошинова Л. Ф. Вспоминаю Елену Васильевну… // Венок Елене. - С. 57-58.

Արտաքին հղումներ[խմբագրել | խմբագրել կոդը]