Ելենա Միխայլիկ
Ելենա Միխայլիկ | |
|---|---|
| Ծնվել է | ապրիլի 22, 1970 (53 տարեկան) |
| Ծննդավայր | Օդեսա, Ուկրաինական ԽՍՀ, ԽՍՀՄ |
| Մասնագիտություն | բանաստեղծուհի, թարգմանչուհի, գրականագետ և գիտակ |
| Լեզու | ռուսերեն |
Ելենա Յուրևնա Միխայլիկ (ռուս.՝ Елена Юрьевна Михайлик, ապրիլի 22, 1970, Օդեսա, Ուկրաինական ԽՍՀ, ԽՍՀՄ), ռուս և ավստրալիացի բանաստեղծ, գրականագետ, թարգմանիչ։
Կենսագրություն և ստեղծագործություն[խմբագրել | խմբագրել կոդը]
Ելենա Միխայլիկը ծնվել է 1970 թվականին, Օդեսայում, բանաստեղծ Յուրի Միխայլիկի ընտանիքում։ Ավարտել է Օդեսայի համալսարանի բանասիրական ֆակուլտետը։ Նա աշխատել է «Երեկոյան Օդեսա» թերթում։ 1993 թվականից նա ընտանիքի հետ բնակվում է Սիդնեյում։ «Վառլամ Շալամով` նոր արձակի պոետիկա» թեմայով դիսերտացիայի պաշտպանությունից հետո (1998) Նոր Հարավային Ուելսի համալսարանից ստացել է փիլիսոփայության դոկտորի աստիճան։ Դասավանդում է նույն համալսարանում։
Ռուսական գրականության վերաբերյալ նրա գիտական հոդվածները, մասնավորապես Դոստոևսկու, Բուլգակովի, Ախմատովայի, Սոլժենիցինի մասին աշխատությունները, տպագրվել են ռուսերեն և անգլերեն լեզուներով «Новое литературное обозрение», «Новый мир», «Шаги / Steps», «The Dostoevsky Journal», «The Soviet and Post-Soviet Review» ամսագրերում։
Գրականագետ Պավել Սպիվակովսկու կարծիքով՝ Միխայլիկը «ամենախոշոր ժամանակակից շալամովագետն է»[1]։ 2019 թվականին «Անօրինական գիսաստղ, Վարլամ Շալամով` դանդաղ ընթերցանության փորձ» (2018) գրքի համար, որը գրողի ստեղծագործության մանրամասն ուսումնասիրությունն է, արժանացել է Անդրեյ Բելիի մրցանակի հումանիտար հետազոտություններ անվանակարգում։ Նրա հեղինակությամբ լույս են ընծայվել «Ոչ քնով, ոչ ամպով» (2008), «Արշավ» (2019) բանաստեղծությունների ժողովածուները։ Նրա բանաստեղծությունները տպագրվել են «Арион», «Воздух», «Волга», «Дети Ра», «Кодры», «TextOnly» ամսագրերում, «Ազատագրված Ուլիսը» անթոլոգիայում, «Ազատ քաղաք-2» ժողովածուում։ Ավանդական և փորձարարական գրականության «Անտիպոդներ» ավստրալիական առաջին փառատոնի դափնեկիր է (2006)։
Միխայլիկի բանաստեղծությունները լի են պատմական համատեքստին վերաբերող տարբեր ակնարկներով ու հղումներով։ Նա հայտնի է նաև որպես անգլիական գիտաֆանտաստիկ գրականության թարգմանիչ, թարգմանել է Ջեք Վենսի, Ալֆրեդ Վան Վոգտի և Օրսոն Սքոթ Քարդի վեպերը, Ռոբերտ Հայնլայնի, Այզեկ Ազիմովի, Հարի Հարիսոնի պատմվածքները։
Արձագանքներ[խմբագրել | խմբագրել կոդը]
|
Ելենա Միխայլիկը ավստրալիացի է, ծնվել է Օդեսայում, բանասեր։ Եվ նրա բանաստեղծությունները բանասիրական են ՝ ցույց տալով տարատեսակ գրական և մշակութային հերոսների տարօրինակ համադրություններ ուղղակի և անուղղակի մեջբերումներից։ (...) Ելենա Միխայլիկի տեքստերը տարբերվում են այս տեսակի «մշակութային» համարներից (դրանց մեծ մասը, ես պետք է ասեմ, որ բավականին ձանձրալի են) հենց խտությամբ, այս ակնարկային շարքերի խտությամբ, ճնշմամբ և համընկնումով ՝ առաջացնելով նոր իմաստներ և անսպասելի ընթերցումներ[2]։ | 
|
|
|
Նա հայտնի է որպես բանաստեղծ և գրականության հետազոտող։ Ավելին, նրա վերջերս հրատարակված բանաստեղծությունների գրքում խառնված են այս երկու ոլորտները` մարդաբանության և բանահյուսության պրակտիկան զգում է բանաստեղծական երևակայության սաստիչ դիցաբանական ազդեցությունը ՝ վերածվելով տարօրինակ հիբրիդի, գիտության մասին քնարական էպոսի, որն ինքնին չափազանց բանաստեղծական է:, Սա կարելի է ընկալել որպես երկակիության մերժում, բաժանում գրականության հաստատված տեսակների[3]։ |
|
|
|
Ինչպե՞ս կարող ենք պատմություն գրել, ժամանակակից բանաստեղծներից շատերը զբաղված են այդ խնդրով, այդ գործում առանձնահատուկ տեղ է զբաղեցնում Ելենա Միխայլիկը, զարմանալի գրական պատմաբան և զարմանալի բանաստեղծ։ Որպես պատմաբան՝ նա միանգամայն սթափ է և ենթարկվում է իրականությանը, որպես պատմության բանաստեղծ, նա անընդհատ զբաղված է հենց այս իրողության առաջ քաշմամբ՝ փորձելով մուտք գործել այնտեղ, որտեղ կարմիր տառերով գրված է «մուտքն արգելված է»[4]։ |
|
Գրքեր[խմբագրել | խմբագրել կոդը]
Բանաստեղծություններ[խմբագրել | խմբագրել կոդը]
- Ни сном, ни облаком. — М.: АРГО-РИСК; Книжное обозрение, 2008. — 56 с. — ISBN 5-86856-164-3. (Книжный проект журнала «Воздух». Вып.36).
- Экспедиция. — Ozolnieki: Literature Without Borders, 2019. — 112 с. ISBN 978-9934-8708-9-7. (Поэзия без границ).
Գիտական հրապարակումներ[խմբագրել | խմբագրել կոդը]
- Незаконная комета. Варлам Шаламов: опыт медленного чтения. — М.: Новое литературное обозрение, 2018. — 376 с. — ISBN 978-5-4448-0929-7
ПԹարգամանություններ[խմբագրել | խմբագրել կոդը]
- Кард О. С. Игра Эндера. / Пер. Е. Михайлик. — М.: Александр Корженевский; Смоленск: Русич. 1995. — 384 с. — ISBN 5-88590-320-4
- Кард О. С. Голос тех, кого нет. / Пер. Е. Михайлик. — М.: Александр Корженевский; Смоленск: Русич. 1995. — 464 с. — ISBN 5-87917-018-7
Ծանոթագրություններ[խմբագրել | խմբագրել կոդը]
- ↑ «Читалка литературоведа Павла Спиваковского: новая теория литературы, метамодернизм и неомарксизм». Новое литературное обозрение (ռուսերեն). Վերցված է 2020 թ․ օգոստոսի 4-ին.
- ↑ Мария Галина (2009). «Прививка романтики. О книге: Елена Михайлик. Ни сном, ни облаком». Знамя. Վերցված է 2020 թ․ օգոստոսի 4-ին.
- ↑ «Премия Андрея Белого | Речь Кирилла Корчагина о Елене Михайлик на церемонии вручения ПАБ-2019». belyprize.ru. Վերցված է 2020 թ․ օգոստոսի 4-ին.
- ↑ «Хроника поэтического книгоиздания в аннотациях и цитатах | Новая карта русской литературы». www.litkarta.ru. Վերցված է 2020 թ․ օգոստոսի 4-ին.
Արտաքին հղումներ[խմբագրել | խմբագրել կոդը]
- Елена Михайлик на сайте «Новая карта русской литературы»
- Михайлик, Елена Юрьевна в «Журнальном зале»
- Елена Михайлик на сайте Премии Андрея Белого
- Елена Михайлик в «Лаборатории фантастики»
- Елена Михайлик на сайте Университета Нового Южного Уэльса