Ելենա Բելովա
| Ելենա Բելովա | |
|---|---|
 | |
| Ծնվել է | հուլիսի 28, 1947[1] (74 տարեկան) |
| Ծննդավայր | Սովետսկայա Գավան, Պրիմորիեի երկրամաս, ՌԽՖՍՀ, ԽՍՀՄ |
| Քաղաքացիություն |  ԽՍՀՄ |
| Կրթություն | Մաքսիմ Տանկի անվան Բելառուսի պետական մանկավարժական համալսարան (1971) |
| Մասնագիտություն | սուսերամարտիկ |
| Ամուսին | Vyacheslav Belov? |
| Կուսակցություն | ԽՄԿԿ |
| Պարգևներ և մրցանակներ | |
 Elena Belova Վիքիպահեստում | |
Ելենա Բելովա (ռուս.՝ Елена Дмитриевна Белова, օրիորդական ազգանունը՝ Նովիկովա. հուլիսի 28, 1947[1], Սովետսկայա Գավան, Պրիմորիեի երկրամաս, ՌԽՖՍՀ, ԽՍՀՄ), ռուս մարզուհի, սուսերամարտիկ։ Օլիմպիական խաղերի քառակի (1968, 1972, 1976), աշխարհի և ԽՍՀՄ-ի բազմակի չեմպիոնուհի (խոցասուսեր)։ Խորհրդային սուսերամարտի պատմության մեջ միակ մարզուհին է, ով կարողացել է օլիմպիադայի չեմպիոն դառնալ անհատական հաշվարկով։ Մինչև 2008 թվականը համարվում էր այդ մարզաձևի պատմության մեջ ամենաշատ օլիմպիական ոսկե մեդալներ նվաճած մարզուհին, որոնց հավելել է նաև մեկական արծաթե և բրոնզե մեդալ։ Արժանացել է ԽՍՀՄ սպորտի վաստակավոր վարպետի (1968), Բելառուսական ԽՍՀ ֆիզիկական կուլտուրայի վաստակավոր գործչի (1979), Բելառուսի Հանրապետության վաստակավոր մարզչի (1994), Մինսկի պատվավոր քաղաքացու կոչումների[2][3]։ Հանդես է եկել Մինսկի «Դինամո» մարզական ընկերության թիմի և ԽՍՀՄ հավաքականի կազմում։
Զբաղվում է գիտամանկավարժական աշխատանքով[4]. ֆիզիկական կուլտուրայի բելառուսական պետական համալսարանի պրոֆեսոր է, մանկավարժական գիտությունների դոկտոր։
Պարգևատրվել է Միջազգային օլիմպիական կոմիտեի 100-ամյակի կապակցությամբ «Օլիմպիական իդեալների համար» հաղթապարգևով (1994), ՄՕԿ-ի արծաթե շքանշանով (1997), Պիեռ դը Կուբերտենի մեդալով (2007)[5][6], Ժողովուրդների բարեկամության՝ մեկ, Պատվո նշան՝ երկու խորհրդային շքանշանով, Բելառուսի Հանրապետության Հայրենիքի 3-րդ աստիճանի (1997)[7] և Պատվո շքանշաններով (2017)[8], ներառվել է սուսերամարտի միջազգային ֆեդերացիայի փառքի սրահում։ Նրա պատվին է կոչվել 24426 Belova աստերոիդը[9][9], Ելենայի երկրորդ ամուսինը՝ կոմպոզիտոր Վալերի Իվանովը, նրան է ձոնել իր գրած վալսերից մեկը[5] (առաջին ամուսինը անվանի հնգամարտիկ Վյաչեսլավ Բելովն էր)։
Ծանոթագրություններ[խմբագրել | խմբագրել կոդը]
- ↑ 1,0 1,1 filmportal.de — 2005.
- ↑ Почётные граждане Минска на информационно-справочном портале TamBy.info.
- ↑ Почетные граждане Минска
- ↑ Ալբերտ Միքայելյան, Մարզաշխարհի հարյուր գերաստղեր, Երևան, «ՎՄՊ-Պրինտ», 2008, էջ 12։
- ↑ 5,0 5,1 «Elena Novikova-Belova»։ sports-reference.com։ Արխիվացված է օրիգինալից 2020-04-17-ին
- ↑ Elena Belova Awarded Pierre de Coubertin Medal. National Olympic Committee of Belarus.
- ↑ Указ Президента Республики Беларусь от 21 октября 1997 года № 537 «О награждении Е.Д.Беловой орденом Отечества III степени»
- ↑ Указ Президента Республики Беларусь от 18 декабря 2017 г. № 451 «Аб узнагароджанні»
- ↑ 9,0 9,1 «WGSBN Bulletin Archive»։ Working Group Small Body Nomenclature։ 14 May 2021։ Վերցված է 16 May 2021 (Bulletin #1)
Գրականություն[խմբագրել | խմբագրել կոդը]
- Белова (Новикова) Елена Дмитриевна // Олимпийская энциклопедия / Павлов С. П.. — М.: Советская энциклопедия, 1980. — 415 с
Արտաքին հղումներ[խմբագրել | խմբագրել կոդը]
- Спортивная биография Елены Беловой
- Награждение Елены Беловой медалью Пьера де Кубертена
- Почётные граждане Минска
- Елена Новикова-Белова – օլիմպիական վիճակագրությունը Sports-Reference.com կայքում (անգլ.)
| ||||||||||
