Ելաբուգայի պետական արգելոց-թանգարան

Ելաբուգայի պետական արգելոց-թանգարան
Տեսակ	թանգարան և Ռուսաստանի հատուկ պաշտպանվող տարածք
Երկիր	Ռուսաստան
Տեղագրություն	Թաթարստանի Հանրապետություն
Վայր	Ելաբուգա
Հիմնադրվել է	1989
Կայք	elabuga.com

Ելաբուգայի պետական պատմաճարտարապետական և գեղարվեստական արգելոց-թանգարան (ռուս.՝ Елабужский государственный историко–архитектурный и художественный музей-заповедник), թանգարանային համալիր Թաթարստանի Ելաբուգա քաղաքում, որը միավորում է մի քանի հուշահամալիրներ (Իվան Շիշկինի տուն-թանգարան, Նադեժդա Դուրովայի թանգարան-դաստակերտ, Վլադիմիր Բեխտերևի բժշկության շրջանային թանգարան, Մարինա Ցվետաևայի հուշահամալիր), ինչպես նաև գավառագիտական համալիրը (քաղաքի պատմության թանգարան, ինտերակտիվ արվեստանոցներ, «Տրակտիր» թանգարան-թատրոն) և Իվան Շիշկինի գեղարվեստի պատկերասրահը։

Ստեղծման պատմություն

Ելաբուգայի պետական արգելոց-թանգարանը ստեղծվել է ՌԽՖՍՀ նախարարների խորհրդի 1989 թվականի օգոստոսի 30-ի №269 որոշմամբ^[2]։ Ռուսաստանի Դաշնության նախագահի 1995 թվականի փետրվարի 25-ի № 176 որոշմամբ արգելոց-թանգարանը ներառվել է դաշնային նշանակության (համառուսական) պատմամշակութային ժառանգության օբյեկտների ցանկում^[2]։

Արգելոց-թանգարանի հիմնադիրը Թաթարստանի Հանրապետության մշակույթի նախարարությունն է։

Գործունեություն

Ըստ կանոնադրության թանգարան-արգելոցի հիմնական գործունեությունն է`

Թանգարանային իրերի և թանգարանային հավաքածուների հայտնաբերում, հավաքագրում, պահպանում, ուսումնասիրում, օգտագործում և հրատարակում։
Պատմաճարտարապետական համալիրի, պատմական միջավայրի և հարակից լանդշաֆտների ամբողջականության ապահովում
Մոնիտորինգի իրականացում պատմության և մշակույթի հուշարձանների վերաբերյալ
Թաթարստանի Հանրապետության, Ռուսաստանի Դաշնության և նրա սահմաններից դուրս զբոսաշրջային շուկայում Ելաբուգայի պատմա-մշակութային ժառանգության և բնական ժառանգության խթանում և տարածում
Գեղարվեստական, դեկորատիվ-կիրառական արվեստի, ժողովրդական արհեստների զարգացման և քարոզչություն

Արգելոց-թանգարանի կառուցվածք

Ելաբուգայի պետական արգելոց-թանգարանը գտնվում է 491,5 հեկտար տարածք զբաղեցնող անվտանգության գոտում, միավորում է 195 մշակութային ժառանգության օբյեկտներ, որոնցից 6-ը դաշնային օբյեկտներ են, 106-ը` հանրապետական, 83-ը՝ տեղական նշանակության։ ԵՊԱԹ կառուցվածքը ներառում է 25 բաժանմունք, որոնցից 15-ը թանգարանային համալիրներ են՝