Եբրայական գրքի շաբաթ

Վիքիպեդիայից՝ ազատ հանրագիտարանից
Jump to navigation Jump to search
Եբրայական գրքի շաբաթ
Hebrew Book Week Վիքիպահեստում
Եբրայական գրքի շաբաթ, 2005, Իսրայելի թանգարան, Երուսաղեմ

Եբրայական գրքի շաբաթ (եբրայերեն՝ ‏שבוע הספר העברי‏‎‎), ամենամյա մշակութային միջոցառում Իսրայելում։

Պատմություն[խմբագրել | խմբագրել կոդը]

Եբրայերեն գրականության օրերը պարբերաբար նշելն սկսվել է Պաղեստինում Բրիտանյան մանդատի օրոք, երբ 1926 թվականին ձեռնարկատեր և հասարակական գործիչ Բրախա Պելին մեկօրյա գրքի տոնավաճառ էր կազմակերպում Թել Ավիվի Ռոտշիլդ բուլվարում։

Այժմ եբրայական գրքի շաբաթն Իսրայելում համազգային մասշտաբով անցկացվում է ամեն տարի հունիսին։ Այդ ժամանակ ամբողջ երկրով անց են կացվում գրքերի տոնավաճառներ, հրատարակչական ընկերությունները վաճառում են իրենց գրքերը զեղչերով։ Զեղչերի ժամանակաշրջանն Իսրայելի գրախանութներում կարող է տևել նույնիսկ մինչև մեկ ամիս։ Վերջին տարիներին Եբրայական գրքի շաբաթը տևում է մինչև տասը օր[1]։

Եբրայական գրքի շաբաթ, 2017

Բացի վաճառքից, Շաբաթվա ընթացքում անցկացվում են տարբեր միջոցառումներ, որոնք կապված է լինում եբրայերեն գրականության հետ, օրինակ, հանդիպում հեղինակների հետ և հրապարակային ընթերցումներ։ Շաբաթվա ընթացքում նաև անցկացնում է Իսրայելի ճաաչված Սապիր գրական մրցանակի մրցանակաբաշխության պարգևատրման արարողությունը։ Շաբաթվա միջոցառումները լուսաբանվում են իսրայելական լրատվամիջոցներով։

Երուսաղեմում շաբաթվա հիմնական միջոցառումները կազկակերպվում են Իսրայելի թանգարանում, Ազատության զանգի զբոսայգում, Սաֆրիի հրապարակում և Իսրայելի հին կայարանում[2], Թել-Ավիվում միջոցառումներն անց են կացվում Ռաբինի հրապարակում։

Ծանոթագրություններ[խմբագրել | խմբագրել կոդը]

  1. Hebrew Book Week 2006 Archived 2006-08-21 at the Wayback Machine.
  2. National Book Week