Դևիդ Գարեթ
| Դևիդ Գարեթ | |
|---|---|
 | |
| Հիմնական տվյալներ | |
| Բնօրինակ անուն | David Garrett |
| Ի ծնե անուն | Դավիթ Բոնգարթս |
| Ծնվել է |
սեպտեմբերի 4, 1980 Աախեն, Գերմանիա |
| Երկիր |
Գերմանիա |
| Ժանրեր | ռոք, ջազ, ռոքնռոլ |
| Մասնագիտություն | ջութակահար |
| Գործիքներ | ջութակ |
| Լեյբլ | Decca |
| Շրջանավարտ | Ջուլիարդ դպրոց |
| Կայք | david-garrett.com |
Դևիդ Գարեթ (անգլ.՝ David Garret, իսկական անունը՝ Դավիթ Բոնգարթս, գերմ.՝ David Bongartz, սեպտեմբերի 4, 1980, Աախեն, Գերմանիա), գերմանա-ամերիկյան ջութակահար, աշխատում է երաժշտական ուղղությամբ, սինթեզում դասական երաժշտությունը ջազի և ռոքի հետ։
Բովանդակություն
Կենսագրություն[խմբագրել | խմբագրել կոդը]
Ծնվել է սեպտեմբերի 4-ին 1980 թվականին Գերմանիայի Աախեն քաղաքում, ամերիկացի պրիմա-պարուհի Դով Գարրեթի և գերմանացի փաստաբան Գեորգ Բոնգարցի ընտանիքում։ Նա ընտրեց մայրական ազգանունը, քանի որ «այն ավելի հնչուն է և հեշտ արտասանվող»: Երբ Դևիդը 4 տարեկան էր, նրա հայրը ջութակ է գնում մեծ եղբոր համար։ Երիտասարդ Դևիդը հետաքրքրություն է ցուցաբերում երաժշտական գործիքի նկատմամբ և 1 տարի անց մասնակցում է մրցույթի և գրավում առաջին տեղը։ 7 տարեկան հասակում սովորում է նվագել ջութակ Լյուբեր քաղաքի կոնսերվատորիայում պրոֆեսոր Զախար Բրոնի մոտ, իսկ 12 տարեկանում սկսել է աշխատել բրիտանացի ջութակահարուհի Իդո Գենդելի հետ՝ հաճախ ճամփորդելով Լոնդոն և ուրիշ եվրոպական քաղաքներ, որպեսզի հանդիպի նրա հետ։ Տնից մեկնելուց հետո 17 տարեկանում ընդունվում է Լոնդոնի երաժշտության արքայական քոլեջ, որից մեկնել է առաջին կիսամյակից։
1999 թվականին Դևիդը տեղափոխվեց Նյու Յորք, որ սովորի Ջյուլյարդական դպրոցում, իսկ 2003 թվականին հաղթում է այդ դպրոցի կոմպոզիտորների մրցույթում, ներկայացնելով ֆուգուն, գրված Յոհան Սեբաստիան Բախի ոճում։ Ջյուլյարդական դպրոցում նա եղել է Իցխակա Պերլմանի աշակերտներից։
Երաժշտական կարիերա[խմբագրել | խմբագրել կոդը]
11 տարեկանում Գարրեթը ստանում է առաջին Ստրադիվարիուս ջութակը, որպես հարգանքի նշան Գերմանիայի նախագահ Ռիխարդ ֆոն Վայցզեկկերից, նրա մոտ ելույթ ունենալուց հետո։ 13 տարեկանում նա ձայնագրում է 2 CD ձայնասկավառակ։
13 տարեկան հասակում, որպես պատմության ամենաերիտասարդ սոլիստ, Գարրեթը ստորագրում է բացառիկ պայմանագիր Deutsche Grammophon Gesellschaft-ի հետ։ 1999 թվականին Բեռլինում ելույթ է ունենում Բեռլինի ռադիոյի Սիմֆոնիկ նվագախմբի հետ, որին ղեկավարում էր Ռաֆայել Ֆրյուբեկ դե Բուրգոսը։ 21 տարեկանում Դևիդին հրավիրում են Բի-բի-սի կողմից կազմակերպված համերգ շոուին։
2008 թվականին ձայնագրելով Encore ալբոմը, Գարրեթին հետապնդում է նպատակ՝ երիտասարդների մոտ հետաքրքրություն առաջացնել դասական երաժշտության հանդեպ։
2007 թվականի աշնանը Montegrappa ընկերությունը, որն արտադրում է փետրավոր էլիտար գրիչներ, ընտրում է Գարրեթին գրիչների նոր շարքի «դեմքը» Tributo ad Antonio Stradivari-ից։ Այդ առիթով Գարրեթը պետք է ջութակ նվագեր տարբեր քաղաքներում։ Նա մասնակցել է Royal Variety Performance-ին 2011 թվականի դեկտեմբերի 5-ին, ներկայացնելով Նիրվանա խմբի Smells Like Teen Spirit երգը իր տարբերակով։
2012 թվականի մայիսի 19-ին Չեմպիոնների լիգային հանդես է գալիս գերմանացի օպերային երգիչ Յոհանսեն Կաուֆմանի հետ՝ ներկայացնելով Չեմպիոնների լիգայի հիմնի իրենց տարբերակը։
Նա ձայնագրել է Music ալբոմը 2013 թվականի մայիսի 30-ին, այն իր մեջ ընդգրկում էր ռոքնռոլ ստեղծագործություններ, իսկ նրա վերջին Caprise ալբոմը թողարկվել է 2014 թվականի ապրիլին 14-ին, այդ ձայնագրություններում մասնակցություն են ունեցել Անդրեա Բոչելին, Սթիվ Մորսը և Նիկոլ Շերզինգերը:
Իր տարբերակով նա ներկայացրել է «Viva La Vida», «Smooth Criminal», «Whole Lotta Bond» և շատ այլ երգեր։
Ֆիլմագրություն[խմբագրել | խմբագրել կոդը]
Նկարահանվել է «Պագանինի: Սատանայի Ջութակահար» ֆիլմի գլխավոր դերում։
Ալբոմներ և ձայնագրություններ[խմբագրել | խմբագրել կոդը]
- Free(2007)
- Virtuoso(2007)
- Encore(2008)
- David Garret(2009)
- Classic Romance(2009)
- Rock Symphonies(2010)
- Legacy(2011)
- Music(2012)
- 14(2013)
- Garret vs. Paginini(2013)
- Caprice(2014)
Արտաքին հղումներ[խմբագրել | խմբագրել կոդը]
|
Դևիդ Գարեթ Վիքիպահեստում |
|---|
