Դրագինյա Վուկսանովիչ-Ստանկովիչ
.jpg) | |
| Ծնվել է | ապրիլի 7, 1978 (46 տարեկան) |
| Ծննդավայր | Bar, Չեռնոգորիա |
| Քաղաքացիություն |  Չեռնոգորիա |
| Կրթություն | Մոնտենեգրոյի համալսարան |
| Մասնագիտություն | քաղաքական գործիչ |
| Աշխատավայր | Մոնտենեգրոյի համալսարան |
| Զբաղեցրած պաշտոններ | Եվրոպայի խորհրդի խորհրդարանական վեհաժողովի փոխարինող, Եվրոպայի խորհրդի խորհրդարանական վեհաժողովի ներկայացուցիչ և Member of the Parliament of Montenegro? |
| Կուսակցություն | Մոնտենեգրոյի սոցիալ-դեմոկրատական կուսակցություն |
Ստորագրություն | |
Դրագինյա Վուկսանովիչ-Ստանկովիչ (ապրիլի 7, 1978, Bar, Չեռնոգորիա), Չեռնոգորիայի փաստաբան, քաղաքական գործիչ և Չեռնոգորիայի համալսարանի իրավագիտության պրոֆեսոր։ Չեռնոգորիայի խորհրդարանի ներկայիս պատգամավոր և Չեռնոգորիայի սոցիալ-դեմոկրատական կուսակցության նախկին նախագահ։ 2018 թվականի Չեռնոգորիայի նախագահական ընտրություններում նա դարձել է երկրի նախագահի պատմության մեջ առաջին կին թեկնածուն՝ զբաղեցնելով երրորդ տեղը։
Կենսագրություն
[խմբագրել | խմբագրել կոդը]Վուկսանովիչը 2000 թվականին ավարտել է Չեռնոգորիայի համալսարանի իրավաբանական ֆակուլտետը, 2005 թվականին ստացել է մագիստրոսի կոչում, և 2011 թվականին՝ նույն համալսարանի գիտությունների թեկնածու։ Աշխատել է Չեռնոգորիայի համալսարանի իրավագիտության և դրամատիկական արվեստի ֆակուլտետի պրոֆեսոր։ Տիրապետում է ֆրանսերեն և անգլերեն լեզուներին, ինչպես նաև խոսում է իտալերեն և իսպաներեն[1]։
Քաղաքական կարիերա
[խմբագրել | խմբագրել կոդը]Դրագինյա Վուկսանովիչը Չեռնոգորիայի սոցիալ-դեմոկրատական կուսակցության անդամ է և Չեռնոգորիայի ասամբլեայի անդամ 2012 թվականից։ Չեռնոգորիայի խորհրդարանի 25-րդ գումարման օրենսդիր կոմիտեի նախագահն է եղել, եղել է քաղաքական համակարգի, դատական համակարգի և վարչարարության, գենդերային հավասարության հանձնաժողովի անդամ, ինչպես նաև կրթության հանձնաժողովի անդամ։ 2013-2017 թվականներին Վուկսանովիչը եղել է Չեռնոգորիայի խորհրդարանի պատվիրակության անդամ Եվրոպայի խորհրդի խորհրդարանական վեհաժողովում (ԵԽԽՎ), որտեղ նշանակվել է իրավական հարցերի և մարդու իրավունքների հանձնաժողովի անդամ, Մարդու իրավունքների ենթահանձնաժողովի, հանցագործության և ահաբեկչության ենթահանձնաժողովի և մշակույթի, գիտության, կրթության և ԶԼՄ-ների և կրթության, երիտասարդության և սպորտի ենթահանձնաժողովի անդամի տեղակալ։ 2016 թվականին Չեռնոգորիայում կայացած խորհրդարանական ընտրությունների արդյունքներով նա ընտրվել է Չեռնոգորիայի 26-րդ գումարման վեհաժողովի պատգամավոր[1]։ 2018 թվականի մարտին Վուկսանովիչը հայտարարեց առաջիկա նախագահական ընտրություններին մասնակցելու մասին։ Նա առաջադրվել է սոցիալ-դեմոկրատական կուսակցության կողմից, իսկ ավելի ուշ աջակցվել է ԴԵՄՈՍ կուսակցության կողմից՝ այդպիսով դառնալով Չեռնոգորիայի պատմության մեջ նախագահի առաջին կին թեկնածուն[2]։ Վուկսանովիչն ընտրություններում զբաղեցրել է երրորդ տեղը՝ հավաքելով ձայների 8,2 տոկոսը[3]։
2019 թվականի հունիսի 29-ին Վուկսանովիչն ընտրվել է Չեռնոգորիայի սոցիալ-դեմոկրատական կուսակցության նախագահ, ինչի արդյունքում նա դարձել է այդ ժամանակ միակ կինը, ով գլխավորել է Չեռնոգորիայի քաղաքական կուսակցությունը[4]։
Ծանոթագրություններ
[խմբագրել | խմբագրել կոդը]- ↑ 1,0 1,1 Draginja Vuksanović — SDP Crna Gora
- ↑ Vuksanović poručila da neće odustati od kandidature Արխիվացված 2018-04-14 Wayback Machine, Vijesti
- ↑ «Джуканович заявив про перемогу на президентських виборах у Чорногорії (аудіо) | Новини | Українське радіо». www.nrcu.gov.ua (ուկրաիներեն). Վերցված է 2020 թ․ ապրիլի 6-ին.
- ↑ Draginja Vuksanović Stanković od danas na čelu SDP-a