Դուքս Անտոն Ուլրիխի թանգարան

Դուքս Անտոն Ուլրիխի թանգարան
Տեսակ	պատկերասրահ
Երկիր	Գերմանիա
Տեղագրություն	Բրաունշվայգ
Վայր	Բրաունշվայգ
Կազմված է	Library of Herzog Anton Ulrich-Museum? և Dankwarderode?
Մասն է	3Landesmuseen?
Հասցե	Museumstraße 1
Հիմնադրվել է	1754
Հիմնադիր	Անտոն Ուլրիխ
	52°15′48.6″N 10°31′58.8″E / 52.263500°N 10.533000°E
Կայք	3landesmuseen-braunschweig.de/herzog-anton-ulrich-museum(գերմ.)

Դուքս Անտոն Ուլրիխի թանգարան (Herzog Anton Ulrich-Museum), հին վարպետների պատկերասրահ, գտնվում է գերմանական Բրաունշվայգ քաղաքում՝ Ստորին Սաքսոնիայի հարավ–արևելքում^[3]։ Եվրոպայի հնագույն թանգարաններից է։ 2004 թվականին նշվել է թանգարանի հիմնադրման 250-ամյակը։

Թանգարանի հավաքածուի զգալի մասը հավաքագրել է Անտոն Ուլրիխ Բրաունշվեյգ Վոլֆենբյուտացին (1633—1714)՝ առաջին «լուսավորյալ բռնապետներից» մեկը, Պետրոս II կայսեր նախապապը։ Նա գումար չի խնայել քաղաքամերձ Զալցադալում գտնվող կալվածքը նկարներով և արձաններով զարդարելու համար (այն ավերվել է XIX դարում՝ վեստֆալյան արքա Ժերոմ Բոնապարտի հրամանով)։

Էրլանգենի համալսարանի հիմնադիր ֆիզիկոս Դանիել դե Սուպերվիլի առաջարկով թանգարանը դարձել է հանրային։ Հասարակական այցելությունների համար այն բացվել է 1754 թվականին՝ Բրիտանական թանգարանի հիմնադրումից մեկ տարի անց։ Հավաքածուն ներառում է Հյուսիսային Եվրոպայի հանրահայտ վարպետների՝ Կրանախի, Հոլբայնի, Անտոնիս վան Դեյքի, Ռուբենսի, Ռեմբրանդի, Վերմեերի, Յոախիմ Լունի գործերը։ Վելֆերի դինաստիայի մայոլիկայի հավաքածուն համարվում էր ամենահարուստը տվյալ ժամանակի համար։ Թանգարանի յուրօրինակ ցուցանմուշներից է Մաթեուս Շվարցի ձեռագիր «Նորաձևության գիրքը»^[4]։

Նապոլեոնյան պատերազմների ժամանակ ֆրանսիացիները նրբանկատ չեն գտնվել Գերմանիայի իշխանների հավաքածուների նկատմամբ և իրենց հավանած գլուխգործոցները տեղափոխել են Լուվր։ Ռազմական գործողությունների ավարտից հետո Վելֆերի դինաստիային հաջողվել է հասնել կորսված արժեքների ռեստիտուցիայի։ XIX դարում համաեվրոպական հռչակ էր ձեռք բերել փորագրությունների հարուստ հավաքածուն, իսկ դուքս Ուլրիխի հավաքածուի մի մասը դարձել է Բրաունշվեյգի բնագիտական թանգարանի հիմքը։

1887 թվականից թանգարանի գեղարվեստի հավաքածուն ցուցադրվում է նեոռենեսանսի ոճով կառուցված շենքում, որը հատուկ նախագծել է ճարտարապետ Օսկար Զոմերը։ Միջնադարյան ցուցանմուշները ցուցադրվում են Դանկվարդերոդե ամրոցում^[5]։