Դումաներ

Վիքիպեդիայից՝ ազատ հանրագիտարանից
Jump to navigation Jump to search

ԴՈՒՄԱՆԵՐ, ուկրաինական երաժշտաբանահյուսական էպիկական-քնարական ժանր։ Բովանդակությամբ՝ պատմական։ Ստեղծվել ու զարգացել են կազակական ռազմական դեմոկրատիայի ուրույն պայմաններում XV-XVII դդ․։ Կոբզարների (կույր երգիչների) սիրած երգատեսակ։ Կոբզարը, փանդիռի նվագակցությամբ, երգ-եղանակով պատմում էր պատմական նշանակալից իրադարձությունների և հերոսների մասին։ Հայտնի են Մարուս Բոգուսլավկային, թուրք-թաթարական լծի տակ տառապող ուկրաինացի գերիներին, ազգային հերոս Գոլոտային, Ֆեոդոր Բեզրոդնուն, Իվաս Ուդովիչենկոյին և հատկապես Բոգդան Խմելնիցկուն նվիրված Դումաները։ XIX դ․ նոր Դումաներ գրեթե չեն հորինվել։ Դումաներ ստեղծվեցին նաև սովետական շրջանում՝ Հոկտեմբերյան մեծ հեղափոխության, քաղաքացիական կռիվների, Հայրենական մեծ պատերազմի հերոսների մասին։