Դորոթեա Հոխլայթներ
| Դորոթեա Հոխլայթներ | |
|---|---|
| Անձնական տեղեկություն | |
| Սեռ՝ | իգական |
| Մասնագիտացում | լեռնադահուկորդ |
| Երկիր |  Ավստրիա |
| Ծննդյան ամսաթիվ | հուլիսի 10, 1925[1] |
| Ծննդավայր | Բադ Գաշտայն, St. Johann im Pongau District, Զալցբուրգ, Ավստրիա |
| Մահվան ամսաթիվ | մայիսի 11, 2012[2][1] (86 տարեկան) |
| Մահվան վայր | Կուֆշտայն, Տիրոլ, Ավստրիա |
Պարգևներ  | |
Դորոթեա Հոխլայթներ (գերմաներեն՝ Dorothea Hochleitner, առավել հայտնի է Թեա Հոխլայթներ անունով. հուլիսի 10, 1925[1], Բադ Գաշտայն, St. Johann im Pongau District, Զալցբուրգ, Ավստրիա - մայիսի 11, 2012[2][1], Կուֆշտայն, Տիրոլ, Ավստրիա), ավստրիացի լեռնադահուկորդուհի: Մասնակցել է 1956 թվականի ձմեռային օլիմպիական խաղերին, բրոնզե մեդալ նվաճել հսկա սլալոմ մրցաձևում[3]: Այդ նույն մրցաձևում բրոնզե պարգևի է արժանացել լեռնադահուկային սպորտի 1956 թվականի աշխարհի առաջնությունում[4][5]: Թե՛ օլիմպիդայում և թե՛ աշխարհի առաջնությունում արագընթաց վայրէջքի մրցումներում գրավել է յոթերորդ, սլալոմի մրցումներում՝ տասներկուերորդ տեղը:
Հայրենի երկրի կառավարությունը 1996 թվականին Դորոթեա Հոխլայթներին պարգևատրել է Ավստրիայի Հանրապետությանը մատուցած ծառայությունների համար պատվո ոսկե նշանով:
Մարզական կարիերա
[խմբագրել | խմբագրել կոդը]Դորոթեան մարզական հաջողություններ է ձեռք բերել դեռ պատանեկան տարիքում։ 1950-ականների սկզբին նա դարձել էր Ավստրիայի լավագույն լեռնադահուկորդուհիներից մեկը։ 1951 թվականին հաղթել է Բադ Գաշտայնում կայացած ձմեռային սպորտի միջազգային շաբաթվա շրջանակում անցկացված արագընթաց վայրէջքի մրցումներում, իսկ 1952 թվականին՝ Ցել ամ Զեում և Հոխքյոնիգում բոլոր մրցակցուհիներին գերազանցել է հսկա սլալոմում և ընդգրկվել ազգային հավաքականում։ 1954 թվականին իր հայրենի Բադ Գաշտայնում կայացած ազգային առաջնությունում չեմպիոնական տիտղոսներ է նվաճել սլալոմում, հսկա սլալոմում և համակցված մրցաձևում։ 1955/1956 մրցաշրջաններում ևս երեք ոսկե մեդալ նվաճելով՝ դարձել է Ավստրիայի վեցակի չեմպիոնուհի տարբեր մրցաձևերում։
1956 թվականի Կորտինա դ'Ամպեցոյում կայացած ձմեռային օլիմպիական խաղերում, որոնք լեռնադահուկորդների համար միաժամանակ հանդիսացել են աշխարհի առաջնության մրցումներ, Դորոթեան բրոնզե մեդալ է նվաճել հսկա սլալոմում, յոթերորդ տեղը զբաղեցրել արագընթաց վայրէջում և տասներկուերորդը՝ սլալոմում։ Հաջորդ երկու մրցաշրջանների ընթացքում նա հաջողությամբ մասնակցել է մի շարք միջազգային մրցումների (Կրանս-Իոնտանայում, Էտնայում, Կիցբյուելում), սակայն 1958 թվականի աշխարհի առաջնությունում, որն անցկացվեց հայրենի քաղաքում, անհաջողության է մատնվել և որոշել է հրաժեշտ տալ մրցակցային սպորտին։
Հետագայում նա աշխատել է Kneissl ընկերությունում, որը մասնագիտացած էր լեռնադահուկային պարագաների արտադրության մեջ։
Միջազգային նվաճումներ
[խմբագրել | խմբագրել կոդը]| Օլիմպիական խաղեր | |||
|---|---|---|---|
| Տարին | Մրցավայրը | Մեդալը | Մրցաձևը |
| 1956 | Կորտինա դ’Ամպեցո  Իտալիա |
 |
Հսկա սլալոմ |
| Աշխարհի առաջնություն | |||
| Տարին | Մրցավայրը | Մեդալը | Մրցաձևը |
| 1956 | Կորտինա դ’Ամպեցո Իտալիա |
|
Հսկա սլալոմ |
Ծանոթագրություններ
[խմբագրել | խմբագրել կոդը]- 1 2 3 4 Salzburgwiki(ավստր․)
- 1 2 Verstorbene(r) Frau Dorothea Hochleitner Trauerhilfe Bestattungs GesmbH (գերմ.)
- ↑ «Dorothea Hochleitner». olympedia.org (en inglés). Consultado el 16 de septiembre de 2025.
- ↑ «Dorothea Hochleitner». Federación Internacional de Esquí (en inglés). Consultado el 16 de septiembre de 2025
- ↑ «Dorothea Hochleitner». ski-db.com (en inglés). Consultado el 16 de septiembre de 2025.
Արտաքին հղումներ
[խմբագրել | խմբագրել կոդը]- Досьє на sport.references.com Արխիվացված 2010-01-30 Wayback Machine
- Österreichischer Skiverband (Hrsg.): Österreichische Skistars von A–Z. Ablinger & Garber, Hall in Tirol 2008, ISBN 978-3-9502285-7-1, S. 154–155.
| ||||||
