Դոն Ժուան, կամ Քարե հյուրը
Անվան այլ կիրառումների համար տե՛ս՝ Դոն Ժուան (այլ կիրառումներ)
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Դոն Ժուան, կամ Քարե հյուրը ֆր.՝ Dom Juan ou le Festin de Pierre | |
|---|---|
 | |
| Հեղինակ | Մոլիեր |
| Տեսակ | դրամատիկական ստեղծագործություն |
| Ժանր | կատակերգություն |
| Բնօրինակ լեզու | ֆրանսերեն |
| Ստեղծման տարեթիվ | 1665 |
| Երկիր |  Ֆրանսիա |
| Հրատարակման վայր | Ֆրանսիա |
| Հրատարակման տարեթիվ | 1682 |
 Dom Juan ou le Festin de pierre Վիքիպահեստում | |
Դոն Ժուան կամ Քարե Հյուրը, ֆրանսիացի նշանավոր դրամատուրգ Ժան Բատիստ Մոլիերի ստեղծագործությունը։ Այն առաջին անգամ ներկայացվել է 1665 թվականի փետրվարի 15-ին Փարիզում` Պալե Ռուալայի բեմում։ Սգանարելի դերում հանդես է եկել ինքը՝ Մոլիերը։ Հեղինակի կենդանության օրոք կատակերգությունը չի հրատարակվել։ Առաջին անգամ լույս է տեսել 1682 թվականին։ Մինչև 1840 թվականը հրատարակվել է կատակերգության չափածո տարբերակը, որ ստեղծել է Պիեռ Կոռնեյլի եղբայր Թոմ Կոռնեյլը։
Կատակերգությունը բազմիցս ներկայացվել է հայ բեմի վրա։ Նշանակալից էր 1880 թվականին Թիֆլիսում Գ. Չմշկյանի բեմադրությունը, որին մասնակցում էին Ա. Սուքիասյանը` որպես Դոն Ժուան, Սիրանույշը` որպես Շարլոտ, Գ. Տեր-Դավթյանը` որպես Դիմանշ, Աստղիկը՝ որպես Էլվիրա, Վարդուհին՝ որպես Մաթյուրին և Ս. Մանդինյանը՝ որպես Պիեռո։ 1881 թվականի Թիֆլիսի մշտական դերասանախումբը Պալմի ամառանոցային թատրոնում կրկին ներկայացրել է «Դոն Ժուան»-ը՝ Մ. Մնակյանի բեմադրությամբ և մասնակցությամբ որպես Դոն Ժուան։ Ա. Մանդինյանի թարգմանությունը ներկայացվել է նաև 1886 թվականին Թֆլիսի դրամատիկական ակումբի խմբի ուժերով (ռեժիսոր և գլխավոր դերակատար Օ. Կյուրեղյան)։ Այս բեմադրության մեջ երկու դերակատարմամբ (Դոն Ալոնսո, Կոմանդորի արձան) հանդես է եկել Հովհաննես Աբելյանը։ Դոն Ժուանի կերպարը 1890 թվականին մարմնավորել է նաև Գ. Չմշկյանը։ Այդ դերի լավագույն կատարողը հայ բեմում եղավ Վահրամ Փափազյանը, որի բեմադրությամբ կատակերգությունը ներկայացվել է 1922 թվականի դեկտեմբերի 19-ին (թարգմանությունը Ա. Սեր-Հովհանյան)։
Գործող անձինք
[խմբագրել | խմբագրել կոդը]- Դոն Ժուան - Դոն Լուիսի որդին
- Դոն Լուիս
- Սգանարել - Դոն Ժուանի սպասյակը
- Էլվիրա - Դոն Ժուանի կինը
- Գուսման - Էլվիրայի ախոռապանը
- Դոն Կարլոս, Դոն Ալոնսո - Էլվիրայի եղբայրները
- Մուրացկան
- Շարլոտ, Մաթյուրին - գեղջկուհիներ
- Պիեռո - գեղջուկ
- Կոմանդորի Արձանը
- Պարոն Դիմանշ - առևտրական
- Լա Ռամե - վարձու մարդասպան
- Ռագոտեն, Լա Վիոլետ - Դոն Ժուանի սպասավորները
- Դոն Ժուանի շքախումբը
- Դոն Կարլոսի և նրա եղբայր Դոն Ալոնսոյի շքախմբերը
- Ուրվական
 | Վիքիպահեստն ունի նյութեր, որոնք վերաբերում են «Դոն Ժուան, կամ Քարե հյուրը» հոդվածին։ |
| ||||||||||||||||
