Jump to content

Դոնալդ Ֆեյսոն

Վիքիպեդիայից՝ ազատ հանրագիտարանից
Դոնալդ Ֆեյսոն
անգլ.՝ Donald Faison
Ծնվել էհունիսի 22, 1974(1974-06-22) (50 տարեկան)
ԾննդավայրՆյու Յորք, Նյու Յորք, ԱՄՆ
ԿրթությունՊրոֆեսիոնալ երեխաների դպրոց
Քաղաքացիություն ԱՄՆ
Մասնագիտությունդերասան, հեռուստատեսային դերասան, կինոդերասան և հնչյունավորող
Համատեղ ապրող(ներ)Մինկա Քելլի

Դոնալդ Էյդիսոն Ֆեյսոն (անգլ.՝ Donald Adeosun Faison, հունիսի 22, 1974(1974-06-22), Նյու Յորք, Նյու Յորք, ԱՄՆ), ամերիկացի դերասան, որն առավել հայտնի է NBC-ի «Կլինիկա» սերիալի Քրիսթոֆեր Թյորքի դերով։

Վաղ տարիներ

[խմբագրել | խմբագրել կոդը]

Ծնվել է Նյու Յորք նահանգի Հարլեմ քաղաում՝ քասթինգի տնօրեն Շիրլիի և դռնապան Դոնալդի ընտանիքում[1]։ Դերասանի երկրորդ անունը՝ «Էյդիոսան»-ը, յորուբա լեզվից թարգմանաբար նշանակում է «Ես կրում եմ Աշանի թագը»։ Այն հորինվել է ծնողների կողմից Նիգերիա այցելելուց հետո։ Դոնալդ Ֆեյսոնն ունի չորս եղբայր, որոնցից կրտսերը՝ Օլամանդ Ֆեյսոնը, հանդիսանում է Imajin ամերիկյան Ռիթմ ընդ բլյուզ խմբի հանդամ։ Դոնալդը սովորել է Մանհեթենի մանկական պրոֆեսիոնալ դպրոցում, որտեղ պատրաստում են ապագա դերասաններ և պարողներ։ Նրա լավագույն ընկերն է Դեշ Մայհոկը[2]։

Կարիերա

[խմբագրել | խմբագրել կոդը]

Ֆեյսոնը ճանաչում է ձեռք բերել «Անհասկացողները» ֆիլմում (թողարկվել է 1995 թվականին) խաղացած Մյուրեյա Լոուրենս Դյուվալյայի դերից հետո[3]։ Նույն թվականին խաղացել է «Արտաշնչմանը սպասելով» ֆիլմի Թարիքի դերը։ Հետագայում Դոնալդը «Ֆելիսիթի» հեռուստասերիալի 23 էպիզոդներում կատարել է Թարիքի դերը, ինչպես նաև հայտնվել է «Հիշելով Տիտաններին» ֆիլմում՝ կատարելով պատվասեր ֆուտբոլիստ Փիթի դերը, և հնչյունավորել MTV-ի «Ծաղրածուների դպրոց» անիմացիոն սերիալի մի քանի կերպարներին։

2005 թվականին Ֆեյսոնը նկարահանվել է MTV-ի «Փոխձիեր» ամերիկյան հեռուստաշոուի էպիզոդում, որի խաղարկության զոհը դարձել է «Կլինիկա» հեռուստաշոուի իր խաղընկեր Զաք Բրաֆը[4]։ Նա նաև հայտնվել է Fall Out Boy խմբի Մայքլ Ջեքսոնի «Beat It» երգի քավեր տարբերակի տեսահոլովակում։

2010 թվականին Ֆեյսոնը «Սքայլայն» ֆիլմում կատարել է Թերիի դերը։ 2011-2012 թվականին «Նախկին» սիթքոմում կատարել է գլխավոր դերերից մեկը[5]։

2011 թվականին հայտնվել է The Sims Medieval խաղի համար գովազդային հոլովակներում։ 2012 թվականին նկարահանվել է «Կատարյալ ձայն» ֆիլմի էպիզոդիկ դերում[6][7]։ 2013 թվականին եղել է «Ո՞վ է ծիծաղում վերջինը» սքեթչ շոուի հաղորդավարը[8]։ 2016-2018 թվականներին վարել է GSN Winsanity խաղարկային շոուն[9]։

2018-2020 թվականներին Ֆեյսոնը հնչյունավորել է «Ատսղային պատերազմներ։ Դիմադրություն» մուլտսերիալի Հայպ Ֆազոնի պիլոտը, որը կոչվել է նրա պատվին[10]։

«Կեղծ բժիշկներ, իսկական ընկերներ» փոդքասթում, որը թողարկվել է 2020 թվականի մարտին, Ֆեյսոնը և նրա խաղընկեր Զաք Բրաֆը կիսվել են իրենց պատմություններով և սերիալի նկարահանման փորձով։ Փոդքասթը տարածվում է iHeartRadio ընկերության կողմից[11]։

Անձնական կյանք

[խմբագրել | խմբագրել կոդը]
Ֆեյսոնն իր երկրորդ կնոջ՝ Քեյսի Քոբիի հետ 2010 թվականին

Դոնալդն ունի վեց երեխա։ Ավագ որդին՝ Շոն Ֆեյսոն-Ինսը, Դոնալդի մանկության ընկերուհի Օդրի Ինսից է, իսկ երրոդը Լիզա Ասկիից է, որի հետ ամուսնացել է 2001 թվականին։ Ունի երկվորյակ որդի և դուստր՝ Դեյդը և Քայան, ու ևս մեկ որդի՝ Քոբին։ Զույգը բաժանվել է 2005 թվականին[12]։

2012 թվականի դեկտեմբերին Դոնալդն ամուսնացել է Քեյսի Քոբի հետ[13]։ 2013 թվականի օգոստոսի 15-ին նրանք ունեցել են որդի՝ Ռոկո Ֆեյսոնը[14], իսկ 2015 թվականի ապրիլի 4-ին՝ դուստր՝ Ուայլդեր Ֆրենսիս Ֆեյսոնը[15]։

Դոնալդը Զաք Բրաֆի մտերիմ ընկերն է, որի հետ միասին նկարահանվել է «Կլինիկա» սերիալում։

Ընտրված Ֆիլմագրություն

[խմբագրել | խմբագրել կոդը]
Տարի Անվանում Բնօրինակ անվանում Դեր
1992 ֆ Հեղինակություն Juice ուսանող
1994 ֆ Շուգար Հիլ Sugar Hill Քայմի Դեմիելս
1995 ֆ Գործեր Նյու Ջերսիում New Jersey Drive Թայնի Դայմ
1995 ֆ Անհասկացողները Clueless Մյուրեյ
1995 ֆ Արտաշնչմանը սպասելով Waiting to Exhale Թարիք Մեթյուս
1996-1998 ս Սաբրինա՝ փոքրիկ կախարդուհի Sabrina the Teenage Witch Դեշիել / Ջասթին
1996-1999 ս Անհասկացողները Clueless Մյուրեյ
1998 ֆ Չեմ կարող սպասել Can’t Hardly Wait թմբկահար Դեն
2000 ֆ Հիշելով Տիտաններին Remember the Titans Փիթի Ջոնս
2000-2002 ս Ֆելիսիթի Felicity Թրեյսի
2001 ֆ Ջոզի և կատվիկներ Josie and the Pussycats Դի Ջեյ
2001-2010 ս Կլինիկա Scrubs բժիշկ Քրիսթոֆեր Թյորք
2002 ֆ Մեծ, գեր խաբեբան Big Fat Liar Ֆրենք Ջեքսոն
2003 ֆ Քաղաքային աղջիկներ Uptown Girls Հյուի
2016 ֆ Ինչ-որ նոր բան Something New Նելսոն Մակքուին
2006 ֆ Տղաները Լաս Վեգասում Bachelor Party Vegas Էշ
2010 ֆ Սքայլայն Skyline Թերի
2011-2015 ս Նախկին The Exes Ֆիլ Չեյզ
2012 ֆ Կատարյալ ձայն Pitch Perfect չորրոդ ձայն
2013 ֆ Հարված հետույքին 2 Kick-Ass 2 բժիշկ Գրավիտոն
2014 ֆ Ցանկանում եմ լինել այստեղ Wish I Was Here Էնթոնի
2017-2018 ս Ռեյ Դոնովան Ray Donovan Էնթոնի Ա’Շոն Անդերսոն
2019-2020 ս Երևույթ Emergence Ալեքս Էվանս

Ծանոթագրություններ

[խմբագրել | խմբագրել կոդը]
  1. ↑ «What's Up, Doc?». People. 2002 թ․ հունիսի 17. Արխիվացված օրիգինալից 2016 թ․ մայիսի 14-ին. Վերցված է 2010 թ․ նոյեմբերի 25-ին.
  2. ↑ Tanber, George J. (2007 թ․ փետրվարի 22). «Q&A: 'Scrubs' star as pro team owner?». ESPN. Վերցված է 2010 թ․ նոյեմբերի 25-ին.
  3. ↑ «Folgers ad (1989)». Վերցված է 2021 թ․ ապրիլի 23-ին – via YouTube.
  4. ↑ «Zach Braff Busted Beating Up Teen on 'Punk'd'». Hollywood.com. 2006 թ․ սեպտեմբերի 14. Վերցված է 2021 թ․ ապրիլի 23-ին.
  5. ↑ Kay, Jeremy (2010 թ․ փետրվարի 11). «IM Global want buyers to see the light on Skyline». Screen Daily.
  6. ↑ Klassen, Anna (2015 թ․ ապրիլի 16). «13 Things 'Pitch Perfect' Has Ruined Forever». Bustle (անգլերեն). Վերցված է 2018 թ․ փետրվարի 27-ին.
  7. ↑ Bell, Amanda June (2017 թ․ մարտի 15). «What Donald Faison has been doing since Scrubs». Looper.com (ամերիկյան անգլերեն). Վերցված է 2018 թ․ փետրվարի 27-ին.
  8. ↑ Berenz, Ryan (2013 թ․ ապրիլի 4). «Who Gets the Last Laugh?: Donald Faison hosts TBS hidden-camera comedy». Channel Guide Magazine. Վերցված է 2021 թ․ ապրիլի 23-ին.
  9. ↑ Pedersen, Erik (2015 թ․ նոյեմբերի 18). «GSN Will Play 'Winsanity' With Host Donald Faison». Deadline Hollywood. Վերցված է 2021 թ․ ապրիլի 23-ին.
  10. ↑ Asarch, Steven (2018 թ․ հոկտեմբերի 4). «'STAR WARS' RESISTANCE' ISN'T THE MYTHICAL SPACE OPERA YOU'RE USED TO». Newsweek (կանադական անգլերեն). Վերցված է 2018 թ․ նոյեմբերի 16-ին.
  11. ↑ Lee, Emily (2020 թ․ մարտի 31). «Zach Braff & Donald Faison Launch 'Fake Doctors, Real Friends' Podcast». iHeartRadio. Վերցված է 2020 թ․ ապրիլի 25-ին.
  12. ↑ Stone, Natalie (2017 թ․ մարտի 2). Donald Faison and Ex-Wife Lisa Askey: A Look Back at Their Relationship Before Her Passing. Վերցված է 2017 թ․ հոկտեմբերի 8-ին. {{cite book}}: |work= ignored (օգնություն)
  13. ↑ Messer, Lesley (2012 թ․ դեկտեմբերի 15). «Donald Faison Marries Cacee Cobb». People. Արխիվացված է օրիգինալից 2016 թ․ մարտի 4-ին. Վերցված է 2013 թ․ հունվարի 31-ին.
  14. ↑ «Donald Faison and CaCee Cobb Welcome Son Rocco» (անգլերեն). Արխիվացված է օրիգինալից 2015 թ․ մայիսի 26-ին. Վերցված է 2021 թ․ օգոստոսի 6-ին.
  15. ↑ «Donald Faison and CaCee Cobb Welcome Daughter Wilder Frances» (անգլերեն). Արխիվացված է օրիգինալից 2015 թ․ մայիսի 26-ին. Վերցված է 2021 թ․ օգոստոսի 6-ին.
Վիքիպահեստն ունի նյութեր, որոնք վերաբերում են «Դոնալդ Ֆեյսոն» հոդվածին։
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Դոնալդ_Ֆեյսոն&oldid=10049262» էջից