Jump to content

Դոնալդ Լ. Թրամփ

Վիքիպեդիայից՝ ազատ հանրագիտարանից
Դոնալդ Լ. Թրամփ
անգլ.՝ Donald Trump
Ծնվել էհուլիսի 31, 1945(1945-07-31)[1][2] (81 տարեկան)
ԾննդավայրGreencastle, Ինդիանա, ԱՄՆ
Քաղաքացիություն ԱՄՆ
Մայրենի լեզուանգլերեն
ԿրթությունՋոհ Հոփքինզի բժշկական դպրոց (1970)[3][4]
Գիտական աստիճանբժշկության դոկտոր
Մասնագիտությունբժիշկ, ուռուցքաբան և ղեկավար
ԱշխատատուInova Health System?[3], Roswell Park Comprehensive Cancer Center?, Naval Hospital Philadelphia?, Դյուքի համալսարան և Փիթսբուրգի համալսարան

Դոնալդ Լինն «Սկիպ» Թրամփ (անգլ.՝ Donald Lynn "Skip" Trump, հուլիսի 31, 1945(1945-07-31)[1][2], Greencastle, Ինդիանա, ԱՄՆ)[5], ամերիկացի ուռուցքաբան, որը 2015 թվականի հունվարից ի վեր Վիրջինիա նահանգի Ֆոլլս Չըրչ քաղաքում գտնվող Ինովա Շառ քաղցկեղի ինստիտուտի գլխավոր գործադիր տնօրենն է[6][7][8]։ Նա ԱՄՆ ներկայիս նախագահ Դոնալդ Ջ. Թրամփի ազգականը չէ և նրա հետ ոչ մի ազգակցական կապ չունի[9]։

Վաղ կյանք և կրթություն

[խմբագրել | խմբագրել կոդը]

Թրամփը ծնվել և մեծացել է Նյու Յորքում[8]։ Նա ստացել է բակալավրի բժշկական աստիճան Ջոնս Հոփքինսի համալսարանում, որտեղ նա նաև ավարտել է կլինիկական օրդինատուրան։

Կարիերա

[խմբագրել | խմբագրել կոդը]

Թրամփի առաջին աշխատանքը եղել է Ֆիլադելֆիայի ռազմածովային հիվանդանոցում: Հետագայում նա աշխատել է Ջոնս Հոփքինսի համալսարանում, Դյուկի համալսարանում և Փիթսբուրգի համալսարանում: 2002 թվականին նա աշխատանքի է անցել Ռոսվել Պարկի համալիր քաղցկեղի կենտրոնում որպես ինստիտուտի տնօրենի տեղակալ և կլինիկական հետազոտությունների գծով փոխնախագահ[10]։ 2007 թվականին նա դարձել է կենտրոնի նախագահ և մնացել է պաշտոնում մինչև 2014 թվականի դեկտեմբերին թոշակի անցնելը: Ռոսվել Պարկի տնօրենների խորհրդի նախագահն ասել է, որ «Ռոսվել Պարկի կլինիկական եկամուտները և հիվանդների խնամքի ծրագրերը շարունակում են աճել, քանի որ դոկտոր Թրամփը եղել է ինստիտուտի «վերափոխման գործընթացի» առաջատարը: Նա ղեկավարել է մի շարք կարևոր նախաձեռնություններ, որոնք մեծ ներուժ ունեն բարելավելու տեղական և տարածաշրջանային առողջապահական գործընկերների հետ համագործակցությունները, դրանով օգուտ բերելով քաղցկեղով հիվանդներին ոչ միայն Ռոսվել Պարկում, այլև Նյու Յորքի հյուսիսում»[11]։

Հարաբերությունները նախագահ Դոնալդ Թրամփի հետ

[խմբագրել | խմբագրել կոդը]

Ուռուցքաբանության ոլորտում իր աշխատանքից բացի, Թրամփը հայտնի է ԱՄՆ նախագահ Դոնալդ Ջ. Թրամփի հետ ընդհանուր անուն ու ազգանուն ունենալու համար։ Նրանք ազգակցական կապ չունեն։ Նա համաձայն չէ Դոնալդ Ջ. Թրամփի քաղաքական տեսակետների հետ և քաղաքական գործչի հռետորաբանությունը համարում է «թշնամական»։ Նա չի քվեարկել Թրամփի օգտին 2016 թվականի ընտրությունների ժամանակ[12]։ Ուռուցքաբանին հաճախ անվանում են «մյուս Դոնալդ Թրամփ», և նա տասնամյակներ շարունակ բազմիցս բախվել է շփոթությունների և տարբեր խնդիրների՝ կապված գործարարի հետ, ով իրենից մեկ տարի մեծ է։ Թրամփի քաղաքական վերելքի ֆոնին ուռուցքաբանը սկսել է ավելի հաճախ օգտագործել իր «Սկիպ» մականունը։

Դոնալդ Լ. Թրամփը 1980-ականներին նամակի միջոցով կապ է հաստատել Թրամփի ընտանիքի հետ։ 2007 թվականին բժիշկ Թրամփի հիվանդներից մեկը կապ է հաստատել գործարարի հետ, և գործարարը պատասխանել է նամակով, և մերժել է ուռուցքաբանի ղեկավարած քաղցկեղի կենտրոնին նվիրատվություն կատարելու առաջարկը։ 2010 թվականին Դոնալդ Թրամփը հեռախոսոազրույց է ունեցել, որի ընթացքում Դոնալդ Ջ. Թրամփը խնդրել է իր ընկերոջ որդուն ավելացնել կլինիկական փորձարկումների թիմին։ Չնայած որ փորձարկմանը նոր հիվանդ ավելացնելու համար արդեն շատ ուշ էր, բժիշկ Թրամփը խնդրել է գործարարին սափրել գլուխը։ Գործարարը հրաժարվել է, և փոխարենը Դոնալդ Ջ. Թրամփի հիմնադրամի միջոցով 30,000 դոլար ուղարկել[13]։ Նույն թվականին մի տեսանյութում գործարար Թրամփն ասել է. «Դոնալդ Լ. Թրամփը, որը դու ես, հավանաբար ավելի կարևոր է, քան Դոնալդ Ջ. Թրամփը, որը ես եմ։»։

Պատիվներ և մրցանակներ

[խմբագրել | խմբագրել կոդը]

Թրամփը Մեդեիլլ քոլեջի կողմից ստացել է բժշկության և բիզնեսի ոլորտում Ողջ Կյանքի Նվաճումների մրցանակ, և Ջոնս Հոփքինսի համալսարանի շրջանավարտների ասոցիացիայի կողմից շնորհվել է «Ակնառու շրջանավարտների» մրցանակի[14]:

Ծանոթագրություններ

[խմբագրել | խմբագրել կոդը]
  1. 1 2 https://web.archive.org/web/20180219042813/http://www.tsn.org.tw/tsnFile/pointapp/apply/J8CC0B3A0922E504/CV
  2. 1 2 https://fr.famousbirthdays.com/people/donald-trump.html
  3. 1 2 https://www.inova.org/Physician_Directory/Donald-L-Trump-MD/824845
  4. ↑ http://www.vahealthprovider.com/results_generalinfo.asp?License_No=0101258401
  5. ↑ «Donald L. Trump CV» (PDF). Արխիվացված է օրիգինալից (PDF) 2016 թ․ դեկտեմբերի 20-ին. Վերցված է 2016 թ․ դեկտեմբերի 16-ին.
  6. ↑ «Donald Trump». Inova. Արխիվացված է օրիգինալից 2018 թ․ հուլիսի 10-ին. Վերցված է 2016 թ․ դեկտեմբերի 16-ին.
  7. ↑ Itkowitz, Colby (2016 թ․ հոկտեմբերի 17). «Meet the other Donald Trump, whom candidate Trump once called 'the more important' one». The Washington Post.
  8. 1 2 Freed, Benjamin (2016 թ․ հունիսի 2). «Donald L. Trump Is a Doctor in Virginia, and Yes, He Knows Why We Called Him». The Washingtonian.
  9. ↑ Grossman, Samantha (2015 թ․ նոյեմբերի 13). «From Taylor Swift to Donald Trump: What It's Like to Share Your Name With a Celebrity». Time. Վերցված է 2020 թ․ հունվարի 4-ին.
  10. ↑ Priest, Lisa (2005 թ․ հուլիսի 22). «Ontario makes Herceptin widely available». The Globe and Mail.
  11. ↑ «Roswell Park's Trump to retire in December». The Buffalo News. 2014 թ․ հուլիսի 14.
  12. ↑ Massie, Chris (2016 թ․ հոկտեմբերի 25). «'The other Donald Trump' is voting for Hillary Clinton». CNN.
  13. ↑ Fahrenthold, David A. (2016 թ․ հուլիսի 12). «I thought I had found proof that Donald Trump gives to charity. But it wasn't that Donald Trump». The Washington Post. Վերցված է 2024 թ․ նոյեմբերի 6-ին.
  14. ↑ «Roswell Park CEO Receives Award From Johns Hopkins Alumni Association». Roswell Park Comprehensive Cancer Center. 2011 թ․ հուլիսի 6. Արխիվացված է օրիգինալից 2021-05-14-ին. Վերցված է 2021 թ․ մայիսի 14-ին.
Ստացված է «https://hy.wikipedia.org/w/index.php?title=Դոնալդ_Լ._Թրամփ&oldid=10891806» էջից