Jump to content

Դոնալդ Թրամփի դիմահարդարանք

Վիքիպեդիայից՝ ազատ հանրագիտարանից
Դոնալդ Թրամփ 1985,2020 թվականներին

Դոնալդ Թրամփի դիմահարդարանք, Միացյալ Նահանգների 45-րդ և 47-րդ նախագահ Դոնալդ Թրամփի շպարի և կոսմետիկ միջոցների օգտագործում, որը լրատվամիջոցների ուշադրության կենտրոնում է եղել մինչև նրա՝ նախընտրական քաղաքականություն մուտք գործելը: Հաղորդվել է, որ նա ինքնուրույն է շպարվում։ Այն ենթադրությունները, թե նրա դեմքի երանգը պայմանավորված է բրոնզերների, ինքնաարևայրուքի միջոցների կամ սոլյարիի կիրառմամբ, վիճարկվել են Սպիտակ տան օգնականների և մերձավորների կողմից։ Թրամփը հրապարակայնորեն դժգոհել է հեռուստատեսությամբ «դեղին կամ նարնջագույն» երևալուց:

Նախապատմություն

[խմբագրել | խմբագրել կոդը]

Դոնալդ Թրամփի առաջին նախագահությունից առաջ արդեն իսկ քննարկումներն ու լրատվամիջոցների ուշադրությունը կենտրոնացած էին նրա խնամքի և հիգիենայի սովորույթների վրա: Fast Company-ն նշել է, որ Թրամփին ծանոթ մաշկի երանգն առկա է եղել դեռևս «The Apprentice» («Աշակերտը») հեռուստասերիալում, որը հեռարձակվել է 2004-ից 2017 թվականներին[1]: Հաղորդվել է, որ մինչև 2012 թվականը հեռարձակումներից դուրս նա ավելի բնական տեսք է ունեցել, ինչն ավելի մոտ է եղել նրա շոտլանդական և գերմանական ծագմանը բնորոշ բաց գույնի մաշկին[1]:

2019 թվականին The New York Times-ը Թրամփի մաշկի երանգը բնութագրել է որպես «ականառու արևահարված փայլ» և հավելել, որ «նախագահի մաշկի վառ երանգն այնքան հետևողականորեն է առկա և մանրակրկիտ պահպանվում, որ այն նրա՝ քաղաքականություն մտնելուց շատ առաջ նրա մշակութային առումով արմատացած խորհրդանիշն էր»[2]: Սպիտակ տան որոշ աշխատակիցներ հայտարարել են, որ նրա մաշկի երանգը «լավ գեների» արդյունք է[3][2]։

Թրամփը դժգոհել է, որ էկրաններին «դեղին կամ նարնջագույն» տեսք ունի[2]։ Սպիտակ տանը Թրամփի պաշտոնավարման ընթացքում լուսավորության մակարդակը նվազեցվել էր, քանի որ նա իր ներկայացման համար նախընտրում է բնական լույսը[2]։ Թրամփը Սպիտակ տան միջոցառումների ժամանակ փոխել է լուսավորությունը՝ ավելի քիչ նարնջագույն երևալու համար[3]։

Թրամփի «գեղեցկության առօրյան» բնութագրվել է որպես «գաղտնի»[4]։ Որոշ տեղեկությունների համաձայն՝ Թրամփն անձամբ է հետևում իր մազերին և շպարին[4]։

Դիմահարդարման պահանջներ

[խմբագրել | խմբագրել կոդը]

Հաղորդվել է, որ Թրամփն առաջին անգամ սկսել է «նարնջագույն» շպարի միջոցներ օգտագործել դեռևս 2012 թվականին[5]: Սպիտակ տան նախկին հաղորդակցության տնօրեն, Սպիտակ տան մամուլի քարտուղար, առաջին տիկնոջ մամուլի քարտուղար և ԱՄՆ առաջին տիկնոջ աշխատակազմի ղեկավար Ստեֆանի Գրիշեմը հաստատել է, որ Թրամփն ամեն օր անձամբ է շպարվել[6]: Հեռուստատեսային հայտնությունների ժամանակ Թրամփն օգտագործում է իր սեփական «թափանցիկ դիմահարդարման փոշին»[2][3]:

2018 թվականին Թրամփի մոտ աշխատող փաստաթուղթ չունեցող ներգաղթյալների մասին զեկույցում The New York Times-ը նշել է միջադեպի մասին, համաձայն որի՝ նրա շպարի «համառ հետքերը» դժվար է եղել հեռացնել գոլֆի վերնաշապիկից[7]: 2019 թվականին The Times-ը կրկին անդրադարձել էր գոլֆի վերնաշապիկի հետ կապված դիմահարդարման միջադեպին՝ նշելով, որ այն զայրացրել էր Թրամփին[5]:

Կրիս Բլևենսը՝ դիմահարդար, ով Ջիմի Քարտերից ի վեր աշխատել է ԱՄՆ բոլոր նախագահների, այդ թվում՝ 2023 թվականին նաև Թրամփի հետ, նկատել է, որ Թրամփի դեմքն ավելի շատ «բրոնզագույն» էր, քան մարմնի այլ հատվածները: Նա ենթադրել է, որ Թրամփն օգտագործում է ինքնաարևայրուքի միջոցներ՝ իր ֆլորիդյան ապրելակերպն արտացոլելու համար[1]: Նախագահական քաղաքականության մեջ դիմահարդարման մասին խոսվել է դեռևս 1960 թվականի Նիքսոն-Քենեդի բանավեճերի հեռարձակումից ի վեր: Դիմահարդարման սեանսներից մեկի ժամանակ Թրամփը հարցրել է նրան, թե արդյոք իրեն «ավելի շատ գույն» է պետք, բայց Բլևենսը հետ է պահել նրան այդ մտքից՝ այս միջադեպը հետագայում համեմատելով Հիլարի Քլինթոնի հետ 2017 թվականի դիմահարդարման սեանսի հետ, որտեղ նա համոզել էր Քլինթոնին խուսափել շրթներկի որոշակի գույնից[1]:

Մայրաքաղաքային տարածաշրջանի հայտնի մաշկաբան Թինա Ալսթերը ենթադրել է, որ Թրամփն օգտագործում է արևայրուքի հետ կապված կոսմետիկ միջոցներ, և նշել է «մատնիչ» նշանը այն մասին, որ նա ավելի շատ «նարնջագույն է երևում, քան արևայրուք ստացած»[2]: The New York Times-ը հաղորդել էր, որ Թրամփի մերձավորներից ոմանք դիմել էին Ալսթերին՝ նրա մաշկի երանգը բարելավելու հարցով: Նա նշել էր, որ Թրամփն ուներ արևային վնասվածքի նշաններ, բայց գովել էր նրան՝ արևայրուք ընդունելու սովորությունները հնարավոր կոսմետիկ միջոցներով փոխարինելու համար[2]:

Բրոնքսի գույներ

[խմբագրել | խմբագրել կոդը]

2019 թվականին The Washington Post-ը հրապարակել էր մի հոդված, որը նկարագրում էր Դոնալդ Թրամփի և Trump Organization-ի համար աշխատած փաստաթուղթ չունեցող ներգաղթյալների փորձառությունները[5]։ Vox-ի կողմից առանձնացված և ընդգծված հատվածը զեկույցում հետևյալն էր[5]․

Նույն կանոնը վերաբերում էր Շվեյցարիայից Bronx Colors ապրանքանիշի դիմահարդարմանը, որն օգտագործում էր Թրամփը ՝ երկու ամբողջական փաթեթ, մեկը կիսով չափ լի, նույնիսկ եթե դա նշանակում էր, որ տնային տնտեսուհիները ստիպված էին պարբերաբար նոր վերնաշապիկներ բերել pro shop - ից ՝ օձիքների ժանգի գույնի բծերի պատճառով:

Bronx Colors-ը շվեյցարական դիմահարդարման կոսմետիկ ապրանքանիշ է[5]: Ընկերությունը՝ Թրամփի կողմից այն օգտագործելու մասին լրատվամիջոցների հաղորդագրություններից հետո, հաստատել է, որ լուրերում խոսվում է իրենց «Boosting Hydrating Concealer in orange» արտադրանքի մասին, և դրանից հետո գնորդներին զեղչ է առաջարկել այդ ապրանքի համար[5]: Այնուամենայնիվ, Bronx Colors-ը հրաժարվել է ուղղակիորեն հաստատել, թե արդյոք Թրամփն իրենց հաճախորդն է եղել[5]:

Արևայրուք պահանջներ

[խմբագրել | խմբագրել կոդը]

The Washington Post-ը հաղորդել էր, որ Նյու Յորքի զինվորական ակադեմիայում իր պատանեկության տարիներին Թրամփը հայտնի էր իր սենյակում ուլտրամանուշակագույն լամպեր օգտագործելով և ասելով. «Մենք գնում ենք լողափ»[8]:

Թրամփի նախկին օգնական Օմարոսա Մանիգոլթ Նյումանը պնդել է, որ Թրամփը նարնջագույն էր արևայրուքի մահճակալի պատճառով: Սպիտակ տունը հերքել է սա[5]: Մանիգոլթի «Unhinged: An Insider's Account of the Trump White House» գրքում նա պնդել է, որ Թրամփը հեռացրել է Սպիտակ տան գլխավոր կարգադրիչ (Chief Usher) Անջելա Ռիդին՝ 2017 թվականի մայիսին Սպիտակ տուն արևայրուքի մահճակալի առաքումը սխալ կազմակերպելու համար[9][2]: Թրամփը քննադատել է Մանիգոլթին նրա կողմից արված բացահայտումների համար[10]:

Vanity Fair-ին տված 2017 թվականի հարցազրույցում դիմահարդար Վիկտորյա Սթայլսը ենթադրություն էր հայտնել, որ Թրամփի մաշկի երանգը կարող է պայմանավորված լինել արևայրուքի մահճակալով՝ համեմատելով նրա աչքերի շուրջ չներկված հատվածները նման սարքերում աչքերը պաշտպանելու համար օգտագործվող ակնոցների հետ[11]: Հետաքննությունների դաշնային բյուրոյի (FBI) նախկին տնօրեն Ջեյմս Քոմին Թրամփին բնութագրել է որպես «թեթևակի նարնջագույն» և ենթադրել, որ «նրա աչքերի տակ գտնվող վառ սպիտակ կիսալուսնաձև հատվածները» առաջացել են արևայրուքի մահճակալի օգտագործման հետևանքով[2]։

The New York Times-ը հաղորդել էր, որ Թրամփի վարչակազմի մի քանի պաշտոնյաներ հերքել էին, որ Արևելյան թևում կամ «Air Force One» ինքնաթիռում որևէ արևայրուքի մահճակալ է եղել[2]։ Գրիշամը հայտարարել է, որ Սպիտակ տունն իր պաշտոնավարման ընթացքում արևայրուքի մահճակալ չի ունեցել[6]։

Մաշկի առողջություն և ձեռքի դիմահարդարում

[խմբագրել | խմբագրել կոդը]
Դոնալդ Թրամփը 2025 թվականի հուլիսի 27-ին (ձախում) և 2025 թվականի օգոստոսի 25-ին (աջում)

Թրամփը ռոզացեա (դեմքի քրոնիկական կարմրություն և բորբոքում առաջացնող մաշկային հիվանդություն) ունի[3]: Ռոզացեայի պատճառով, որը նա վերահսկում է հակաբիոտիկների միջոցով, նա «ուշադիր» է իր հանրային տեսքի նկատմամբ[2]:

2025 թվականի հուլիսի 17-ին Սպիտակ տունը հայտարարել էր, որ Թրամփն ունի այն, ինչ նրանք անվանել են քրոնիկ երակային անբավարարություն[12]: 2025 թվականի օգոստոսի 22-ին The Daily Beast-ը բնութագրել է Թրամփին որպես «հաստ շերտով դիմահարդարված» և նշել, որ նա 2025 թվականի հունվարից ի վեր բազմիցս օգտագործել է այն իր ձեռքի վրա[13]: Սպիտակ տունը հայտարարել էր, որ Թրամփի ձեռքի կապտուկները պայմանավորված են նրա ամենօրյա ասպիրինի բարձր չափաբաժնով և «հաճախակի ձեռքսեղմումներով»՝ ընդգծելով, որ որևէ հիմքում ընկած առողջական խնդիր չկա[14]:

Եվրոպական հանձնաժողովի նախագահ Ուրսուլա ֆոն դեր Լեյենի հետ հանդիպման ժամանակ՝ հուլիսի 27-ին, Թրամփի ձեռքին հստակ երևացել են դիմահարդարման հետքեր[14]: USA Today-ը քննարկել է Թրամփի դիմահարդարումը 2025 թվականի օգոստոսին՝ նշելով, որ նա օգոստոսի 22-ին իր աջ ձեռքի թիկունքին «թեթև տոնային հիմք» է կիրառել[14]: Նրանք հայտնել են, որ օգոստոսի 25-ին՝ Հարավային Կորեայի նախագահ Լի Մի Մյոնգի հետ հանդիպման ժամանակ, նրա ձեռքը նույն տեղում տեսանելիորեն կապտած է եղել[14]։

2026 թվականի հունվարին The Wall Street Journal-ին տված առողջական վիճակի մասին հարցազրույցում Թրամփն անդրադարձել էր կապտուկներին և ձեռքի դիմահարդարմանը: Նա հայտարարել էր, որ ամեն օր ասպիրինի բարձր չափաբաժին է ընդունում, ինչի հետևանքով հեշտությամբ կապտուկներ են առաջանում, և որ ինքը դիմահարդարում է քսում այն բանից հետո, երբ «մեկնումեկի կողմից նորից հարված է ստանում»՝ նկատի ունենալով այնպիսի միջադեպեր, ինչպիսին է, օրինակ, բարևելիս (high five) ստացված հարվածը, որը հանգեցրել էր կապտուկի[15]։ Նա դիմահարդարումը բնութագրել է որպես «հեշտ քսվող, որը տևում է մոտ 10 վայրկյան»[15]։

Վերլուծություն

[խմբագրել | խմբագրել կոդը]

Թրամփի նախընտրած դիմահարդարման կոսմետիկայի երանգը հաճախ բնութագրվել է որպես «նարնջագույն երանգ»[3]։ Նրա արտաքին տեսքն ու գույնը բազմիցս դարձել են մեդիայում ծաղրի և քննարկման առարկա[3]։

Los Angeles Review of Books-ում Ալիսոն Քոֆելթը Թրամփի մաշկի գույնը բնութագրել է որպես «երիտասարդության և առողջության ցուցիչների խեղաթյուրում»[4]։ Ալիս Մբոլինը (Alice Bolin), գրելով Racked-ի համար 2016 թվականին, նշել է, որ «գենդերային նորմերից շեղումը «նախագահական չէ»», սակայն Թրամփին հաջողվել է խուսափել գենդերային նորմալության սպասումներից[4]։

Երբ Ալեք Բոլդուինը նմանակում էր Թրամփին Saturday Night Live հաղորդման ժամանակ, նա խնդրել էր մեղմել նարնջագույն երանգը։ Սա պայմանավորված էր Լորն Մայքլզի խնդրանքով՝ «չչարաշահել նարնջագույնը չարամտությունից դրդված»[3]։ Բոլդուինը Թրամփի դիմահարդարման գույնը համեմատել է թե՛ «Մարկ Ռոթկոյի նարնջագույնի» (Mark Rothko orange) և թե՛ «փոքր-ինչ ավելի բաց (Orange Crush)» ըմպելիքի գույնի հետ[3][2]։

2016 թվականին Հանրապետական ազգային համագումարում որպես դիմահարդար աշխատած Ջեյսոն Քելին Թրամփի մաշկի գույնը վերագրել էր «արևայրուքի մահճակալին ու ցողացիրով արևայրուքին (spray tan). նա հատուկ ակնոցներ է կրում, և նրա աչքերի շուրջ նկատելի է հիպերպիգմենտացիա»[16]: Beach Bum Tanning-ի աերոգրաֆիկ դիմահարդարման տնօրենը կարծում է, որ Թրամփը, հավանաբար, իր մաշկի համար սխալ երանգի կոսմետիկ միջոց է ընտրել, ընդ որում՝ այն սխալ էլ քսում է[16]:

2016 թվականին Fast Company ամսագիրն անդրադարձել էր այն հարցին, թե որոնք են Թրամփի արժեքները՝ դրանք դիտարկելով Pantone-ի գույների համադրման համակարգի տեսանկյունից[17]: Fast Company-ն հետագայում հայտնել էր, որ քաղաքական իմիջի խորհրդատվության և կոսմետիկայի ոլորտի մի շարք փորձագետներ նշել էին, որ Թրամփի արտաքինի «հագեցվածությունը» (saturation) իր գագաթնակետին է հասել 2020 թվականին, և որ նրա մաշկն ավելի բնական տեսք է ունեցել սկսած 2023 թվականի մայիսին CNN-ի կազմակերպած հանրապետականների քաղաքային հավաքից (Town Hall) ընդհուպ մինչև 2024 թվականի հուլիսին նրա դեմ իրականացված մահափորձը[1]: Որոշ փորձագետների կարծիքով՝ Թրամփի արտաքինի ժամանակակից երանգն ավելի մոտ է Ջո Բայդենի երանգին, և այս նոր տեսքն ավելի շահեկան ու բարեհաճ տպավորություն է թողնում[1]:

Կինոարդյունաբերության դիմահարդար Բրանդի Բուլեն (Brandi Boulet) The Hollywood Reporter-ի հետ զրույցում խոսել է 2024 թվականի «Աշակերտը» (The Apprentice) ֆիլմում դերասան Սեբաստիան Սթենին Թրամփի դիմահարդարման նախասիրություններին նմանեցնելու դժվարությունների և Թրամփի վաղ տարիների արխիվային նյութերի վրա հիմնվելու մասին[18]։

Հղումներ

[խմբագրել | խմբագրել կոդը]
  1. 1 2 3 4 5 6 Wilson, Mark (2024-09-09). «It's not your imagination. Donald Trump is less orange». Fast Company. Արխիվացված օրիգինալից 2024-09-09-ին.
  2. 1 2 3 4 5 6 7 8 9 10 11 12 Rogers, Katie (2019-02-02). «In the Pale of Winter, Trump's Tan Remains a State Secret». New York Times. Արխիվացված օրիգինալից 2019-02-04-ին.
  3. 1 2 3 4 5 6 7 8 Fitzpatrick, Kevin (2019-02-09). «Trump Reportedly Does All His Own Make-Up». Vanity Fair. Արխիվացված օրիգինալից 2019-02-10-ին.
  4. 1 2 3 4 Bolin, Alice (2016-10-20). «A Closer Look at Debate Makeup». Racked. Արխիվացված է օրիգինալից 2016-10-26-ին.
  5. 1 2 3 4 5 6 7 8 Wischhover, Cheryl (2019-12-06). «Could this be Trump's orange makeup?». Vox. Արխիվացված օրիգինալից 2020-01-16-ին.
  6. 1 2 Colvin, Jill (2021-09-29). «Takeaways from Trump aide's account of chaotic White House». Associated Press. Արխիվացված օրիգինալից 2021-09-30-ին.
  7. ↑ Fasanella, Kaleigh (2018-12-06). «Making President Trump's Bed: A Housekeeper Without Papers». New York Times. Արխիվացված օրիգինալից 2019-02-19-ին.
  8. ↑ Schwartzman, Paul; Miller, Michael E. (2016-06-22). «Confident. Incorrigible. Bully: Little Donny was a lot like candidate Donald Trump». Washington Post. Արխիվացված օրիգինալից 2019-02-03-ին.
  9. ↑ Zauzmer, Emily; Kimble, Lindsay (2018-08-14). «Omarosa Manigault Newman Says Trump Uses a Tanning Bed in the White House Every Morning». People. Արխիվացված օրիգինալից 2018-08-14-ին.
  10. ↑ Weiner, Zoe (August 16, 2018). «Donald Trump Reportedly Uses a Tanning Bed Every Single Day». Allure. Արխիվացված օրիգինալից 2018-08-16-ին.
  11. ↑ «A Beauty Routine That Could De-orange Donald Trump». Vanity Fair. 2017-01-13. Արխիվացված օրիգինալից 2017-01-16-ին.
  12. ↑ Rodriguez, Adrianna (2025-07-18). «President Trump's health and chronic venous insufficiency, explained». USA Today. Արխիվացված օրիգինալից 2025-07-18-ին.
  13. ↑ Ewall-Rice, Sarah (2025-08-22). «Trump, 79, Smears Right Hand in Makeup Amid Cankles Cover-Up». Daily Beast. Արխիվացված օրիգինալից 2025-08-22-ին.
  14. 1 2 3 4 Palmer, Kathryn (2025-08-26). «Trump's hand makeup, bruise go viral again. Here's what the White House has said about it». USA Today. Արխիվացված օրիգինալից 2025-08-26-ին.
  15. 1 2 Linskey, Annie; Dawsey, Josh; McGraw, Meridith (January 1, 2026). «As Signs of Aging Emerge, Trump Responds With Defiance». The Wall Street Journal. Վերցված է January 3, 2026-ին.
  16. 1 2 Green, Dennis (2016-10-21). «Here's why Donald Trump's skin is so orange». Business Insider. Արխիվացված օրիգինալից 2016-10-21-ին.
  17. ↑ Budds, Diana (2016-09-07). «What Pantone Color Is Donald Trump». Fast Company. Արխիվացված օրիգինալից 2024-09-24-ին.
  18. ↑ Verhoeven, Beatrice (2024-12-03). «How Do You Make Donald Trump's Skin Orange? Very Carefully». Hollywood Reporter. Արխիվացված օրիգինալից 2025-01-24-ին.
Ստացված է «https://hy.wikipedia.org/w/index.php?title=Դոնալդ_Թրամփի_դիմահարդարանք&oldid=10866314» էջից