Դմիտրո Բելոուս

Դմիտրո Բելոուս
Ծնվել է	ապրիլի 24, 1920(1920-04-24)
Ծննդավայր	Կուրմանի, Ռոմնիի գավառ, Պոլտավայի նահանգ
Վախճանվել է	հոկտեմբերի 13, 2004(2004-10-13) (84 տարեկան)
Վախճանի վայր	Կիև, Ուկրաինա
Գերեզման	Բայկովո գերեզմանատուն
Մասնագիտություն	գրական քննադատ, բանաստեղծ, թարգմանիչ և մանկագիր
Լեզու	ուկրաիներեն
Քաղաքացիություն	ԽՍՀՄ և  Ուկրաինա
Կրթություն	Կիևի համալսարանի բանասիրական ֆակուլտետ
Անդամակցություն	Ուկրաինայի գրողների ազգային միություն
Պարգևներ	և

Դմիտրո Բելոուս (ուկրաիներեն՝ Дмитро́ Григо́рович Білоу́с, ապրիլի 24, 1920(1920-04-24), Կուրմանի, Ռոմնիի գավառ, Պոլտավայի նահանգ - հոկտեմբերի 13, 2004(2004-10-13), Կիև, Ուկրաինա), ուկրաինացի բանաստեղծ, թարգմանիչ, գրական քննադատ, մանկագիր։ ԽՄԿԿ անդամ՝ 1948 թվականից։

Կենսագրություն

Ավարտել է տեղի յոթնամյա դպրոցը։ 1934 թվականին աշխատել է էլեկտրագործարանում և միաժամանակ կրթությունը շարունակել Խարկովի մանկական աշխատանքային կոմունայում, որտեղ ուսումնական գործը ղեկավարում էր Անտոն Մակարենկոն։

1938 թվականին ընդունվել է Խարկովի պետական համալսարան։ Պատերազմի սկզբից մեկնել է ռազմաճակատ և ուսանողական գումարտակի կազմում մասնակցել մարտերին։ Ծանր վիրավորվելուց և ապաքինվելուց 1943 թվականի գարնանից սկսել է աշխատել «Խորհրդային Ուկրաինա» և «Պարտիզանկա» ռադիոկայաններում, որոնք հաղորդումներ էին կազմակերպում ուկրաինական պարտիզանների մասին։

1945 թվականին ավարտել է Կիևի պետական համալսարանը, իսկ ավելի ուշ՝ ասպիրանտուրան։ 1948 թվականին Պավլո Տիչինայի հետ միասին եղել է Հայաստանում և մասնակցել Խաչատուր Աբովյանին նվիրված հոբելյանական հանդեսներին։

Հրատարակել է բանաստեղծությունների և պոեմների ավելի քան 30 ժողովածու, որոնցից մի քանիսը թարգմանվել են ռուսերեն, բելոռուսերեն, բուլղարերեն։ Ուկրաիներեն է թարգմանել Ալեքսանդր Պուշկինի, Նիկոլայ Նեկրասովի, Ավետիք Իսահակյանի, Յակուբ Կոլասի, Յանկա Կուպալայի, Մաքսիմ Տանկի և այլ գրողների ստեղծագործություններ։

Պարգևատրվել է բազմաթիվ շքանշաններով ու մեդալներով։