Դմիտրի Խվորոստովսկի
Դմիտրի Խվորոստովսկի | |
---|---|
![]() | |
Բնօրինակ անուն | ռուս.՝ Дмитрий Хворостовский |
Ծնվել է | հոկտեմբերի 16, 1962 Կրասնոյարսկ, ՌԽՖՍՀ, ԽՍՀՄ |
Երկիր | ![]() ![]() ![]() |
Մահացել է | նոյեմբերի 22, 2017[2][3] (55 տարեկան) Լոնդոն, Անգլիա, Միացյալ Թագավորություն |
Գերեզման | Նովոդեվիչյան գերեզմանոց |
Ժանրեր | օպերա և ռոմանս |
Մասնագիտություն | երգիչ և օպերային երգիչ |
Երգչաձայն | բարիտոն |
Գործիքներ | դաշնամուր և վոկալ |
Լեյբլ | Philips Records և Delos Productions? |
Կրթություն | Dmitri Hvorostovsky Siberian State Institute of Arts? |
Պարգևներ | |
Կայք | hvorostovsky.com |
![]() |
Դմիտրի Ալեքսանդրի Խվորոստովսկի (հոկտեմբերի 16, 1962, Կրասնոյարսկ, ՌԽՖՍՀ, ԽՍՀՄ - նոյեմբերի 22, 2017[2][3], Լոնդոն, Անգլիա, Միացյալ Թագավորություն), խորհրդային, ռուսաստանցի և բրիտանացի օպերային երգիչ (բարիտոն)։
Կենսագրություն[խմբագրել | խմբագրել կոդը]
Ծնվել և ուսանել է Կրասնոյարսկում (Սիբիր)։ 1989 թվականին ճանաչվել է հեղինակավոր Կարդիֆ երգիչ միջազգային մրցույթում։ Հենց սկզբից էլ հանդիսատեսը հմայվել է նրա մշակված ձայնով, երաժշտական գծի բնածին զգացումով և բնական լեգատոյով։ Արևմուտքում իր օպերային դեբյուտից հետո (Չայկովսկու «Ագռավի աղջիկը»՝ Նիսի օպերայի թատրոնում) նրա կարիերան ընթացել է կանոնավոր ելույթներով աշխարհի խոշոր օպերային թատրոններում և ճանաչված միջազգային փառատոներում, այդ թվում՝ Լոնդոնի Թագավորական Օպերա, Քովենթ Գարդեն, Նյու Յորքի Մետրոպոլիտեն օպերա, Փարիզի օպերա, Բավարիայի պետական օպերա, Զալցբուրգի փառատոն, Միլանի Լա Սկալա, Վիեննայի պետական օպերա և Չիկագոյի Լիրիկական օպերա։ Հռչակավոր երգիչը պահանջարկ է վայելում մոլորակի յուրաքանչյուր անկյունում, սկսած Հեռավոր Արևելքից մինչև Միջին Արևելք, Ավստրալիայից մինչև Հարավային Ամերիկա։ Խվորոստովսկին ելույթներ է ունեցել Լոնդոնի Վիգմոր համերգասրահում, Էդինբուրգի Թագուհու սրահում, Նոր Յորքի Քարնեգի Հոլ սրահում, Միլանի Լա Սկալայում, Մոսկվայի Չայկովսկու անվան կոնսերվատորիայում, Բարսելոնայի Լիսեուում, Տոկիոյի Սունտորի և Վիեննայի Մյուզիքվերեյն համերգասրահներում, պարբերաբար համերգներ է ունենում աշխարհի լավագույն նվագախմբերի՝ Նյու Յորքի և Ռոտերդամի ֆիլհարմոնիկ նվագախմբերի, ինչպես նաև մեծանուն դիրիժորների, այդ թվում՝ Ջեյմս Լևինի, Բեռնար Հայթինքի, Կլաուդիո Աբբադոյի, Լորին Մաազելի, Զյուբին Մեհթայի, Յուրի Տեմիրկանովի և Վալերի Գերգիևի ղեկավարությամբ։ Դմիտրին երաժշտական և անհատական սերտ շփումներ ունի Ռուսաստանի հետ։ Նա առաջին օպերային երգիչն է, որ մենահամերգ է ունեցել նվագախմբի և երգչախմբի հետ Մոսկվայի Կարմիր հրապարակում. այն հեռարձակվել է աշխարհի ավելի քան 25 երկրներում։ Դմիտրին Մոսկվայում հանդես է եկել սեփական հատուկ համերգաշարով՝ «Դմիտրի Խվորոստովսկի և ընկերներ» վերնագրով։ Նա հրավիրել է այնպիսի հայտնի արվեստագետների, ինչպիսիք են Ռենե Ֆլեմինգը, Սումի Յոն և Սանդրա Ռադվոնովսկին։ 2005 թվականին նախագահ Պուտինի հրավերով պատմական շրջայց է կատարել Ռուսաստանի քաղաքներում, երգելով բազմահազար մարդկանց ներկայությամբ՝ ի հիշատակ Երկրորդ համաշխարհային պատերազմի ժամանակ զոհված զինվորների։ Ամեն տարի շրջագայում է Ռուսաստանի և Արևելյան Եվրոպայի քաղաքներում։
Խվորոստովսկիի ընդարձակ դիսկոգրաֆիան ընդգրկում է մենահամերգներ և ամբողջական օպերաներ։ Նա նաև նկարահանվել է Մոցարտի օպերայի վրա հիմնված «Դոն Ժուանը բացահայտված» մրցանակակիր ֆիլմում (արտադրությունը՝ «Ռոմբուս Մեդիայի»), կատարելով Դոն Ժուանի և Լեպորելլոյի երկակի դերերը։ Առաջիկայում նախատեսվում են ելույթներ Քովենթ Գարդենում և Վիեննայի օպերային թատրոնում։ Առաջիկա տեսագրությունները ներառում են խտապնակ, որ ներկայացնում է Դմիտրիի և Ռենե Ֆլեմինգի երգեցողությունը Պետերբուրգի տարբեր վայրերում և երկու նոր սոլո ձայնասկավառակ՝ Չայկովսկու վոկալ ստեղծագործությունները և Պուշկինի տեքստերի հիման վրա գրված երգեր։ Վերջերս Դմիտրին սկսել է համագործակցել ռուս հայտնի կոմպոզիտոր Իգոր Կրուտոյի հետ՝ տալով մի շարք հաջող համերգներ Մոսկվայում, Սանկտ Պետերբուրգում և Կիևում։
2017 թվականի նոյեմբերի 22-ին Խվորոստովսկու ընտանիքը հրատարակել է հայտարարություն, որ գանգուղեղի քաղցկեղի դեմ 2,5 տարի պայքարից հետո, Դմիտրի Ալեքսանդրի Խվորոստովսկին մահացել է Լոնդոնում։
Հղումներ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ http://www.nytimes.com/movies/movie/319463/Dmitri-Hvorostovsky-Russian-Songs-From-the-War-Years/overview
- ↑ 2,0 2,1 2,2 Store norske leksikon(նորվ.) — 1978. — ISSN 2464-1480
- ↑ 3,0 3,1 3,2 Ռուսական մեծ հանրագիտարան (ռուս.) — М.: Большая российская энциклопедия, 2004.
|
- Հոկտեմբերի 16 ծնունդներ
- 1962 ծնունդներ
- Կրասնոյարսկ քաղաքում ծնվածներ
- Նոյեմբերի 22 մահեր
- 2017 մահեր
- Լոնդոն քաղաքում մահացածներ
- Նովոդևիչյան գերեզմանատանը թաղվածներ
- Բարիտոններ
- «Հայրենիքին մատուցած ծառայությունների համար» 4-րդ աստիճանի շքանշանի ասպետներ
- ՌԽՖՍՀ վաստակավոր արտիստներ
- Ռուսաստանի Դաշնության ժողովրդական արտիստներ
- Անձինք այբբենական կարգով
- Երաժիշտներ այբբենական կարգով
- Ռուս օպերային երգիչներ
- Քաղցկեղից մահացածներ
- ԽՍՀՄ Պետական մրցանակի դափնեկիրներ
- 21-րդ դարի երգիչներ
- 20-րդ դարի օպերային երգիչներ
- Խորհրդային օպերային երգիչներ և երգչուհիներ