Դմիտրի Աստրախան

Դմիտրի Աստրախան
Ծնվել է	մարտի 17, 1957(1957-03-17) (66 տարեկան)
Ծննդավայր	Լենինգրադ, ՌԽՖՍՀ, ԽՍՀՄ
Կրթություն	Սանկտ Պետերբուրգի պետական թատերական արվեստի ակադեմիա
Քաղաքացիություն	ԽՍՀՄ և  Ռուսաստան
Մասնագիտացում	դերասան, կինոռեժիսոր, թատերական ռեժիսոր, հաղորդավար, հեռուստահաղորդավար և հեռուստատեսային դերասան
Պարգևներ	և Նիկա
IMDb	ID ID 0040125

Դմիտրի Խանանովիչ Աստրախան (ռուս.՝ Дмитрий Хананович Астрахан, մարտի 17, 1957(1957-03-17), Լենինգրադ, ՌԽՖՍՀ, ԽՍՀՄ), խորհրդային և ռուսական թատրոնի և կինոյի ռեժիսոր, պրոդյուսեր, հեռուստահաղորդավար, կինոդերասան, ՌԴ արվեստի վաստակավոր գործիչ (2009)։ Բելառուսի Հանրապետության հատուկ մրցանակի դափնեկիր (2014), Ռուսաստանի հրեական կոնգրեսի հանրային խորհրդի անդամ։

Կենսագրություն

Դմիտրի Աստրախանը ծնվել է 1957 թվականի մարտի 17-ին լենինգրադցի պատմաբաններ Խանան Մարկովիչ Աստրախանի և Սուսաննա Մարկովնա Մանևիչի (ծագումով Բելառուսից) ընտանիքում։ Եղել է ընտանիքի ամենափոքր՝ հինգերորդ երեխան։ Դպրոցում սիրել է ընթերցանությունը, մաթեմատիկան և սպորտը։ Ութերորդ դասարանն ավարտելուց հետո ընդունվել է Վասիլևսկի կղզու թիվ 30 ֆիզիկամաթեմատիկական դպրոց և միաժամանակ շարունակել զբաղվել դասական ըմբշամարտով։ Դպրոցն ավարտելուց հետո ընդունվել Է Լենինգրադի Ուլյանովի (Լենինի) անվան էլեկտրատեխնիկական ինստիտուտ։ Մի քանի տարվա ընթացքում Դմիտրին փոխել է մի քանի ինստիտուտներ, մինչև ընդունվել է Լենինգրադի թատրոնի, երաժշտության և կինեմատոգրաֆիայի պետական ինստիտուտ (Ա. Մուզիլի դասարան, ավարտել է 1982 թվականին)։ Որպես դիպլոմային աշխատանք Աստրախանը պետք է ներկայացում բեմադրեր Պուշկինի թատրոնում, սակայն, հենց Աստրախանի պնդմամբ, այն բանից հետո, երբ թատրոնի գեղարվեստական ղեկավարն իմացել է, որ Աստրախանը հրեա է, ներկայացումը բեմադրել թույլ չեն տվել։

1981-1987 թվականներին եղել է Սվերդլովսկի պատանի հանդիսատեսի թատրոնի ռեժիսոր։ Այնուհետև ծառայել է ԽՍՀՄ զինված ուժերում (ծովային ավիացիա)։ Բեմադրել է ներկայացումներ Ռուսաստանի տարբեր թատրոններում և արտերկրում, վերապատրաստվել է Լենինգրադում Գեորգի Տովստոնոգովի մոտ։

1991-1995 թվականներին ղեկավարել է Սանկտ Պետերբուրգի Ն. Պ. Ակիմովի անվան կոմեդիայի թատրոնը։

1993 թվականից ղեկավարել է Սանկտ Պետերբուրգի թատերական արվեստի պետական ակադեմիայի դերասանական արվեստանոց։ Նրա աշակերտների թվում են եղել Աննա Բանշչիկովան, Ալեքսեյ Շևչենկովը, Դենիս Կիրիլովը, Գենադի Սվիրը, Մարկ Գորոնոկը, Իվան Պարշինը, Անդրեյ Ֆեդորցովը և այլք։

Ակտիվ աշխատանք է ծավալել թատրոնում և կինոյում, մասնագիտացել հոգեբանական դրամայի բնագավառում։ Դասավանդում է «Օստանկինո» հեռուստատեսության բարձրագույն դպրոցում և TheOneFilm կինոդպրոցում։

Դմիտրի Աստրախանը պահանջված դերասան է դարձել «Վիսոցկի։ Շնորհակալություն, որ ողջ եմ» ֆիլմում ադմինիստրատոր Լեոնիդ Ֆրիդմանի դերից հետո։

2022 թվականի հունիսի 30-ին նշանակվել է Մոսկվայի «Ժամանակակից պիեսի դպրոց» թատրոնի գեղարվեստական ղեկավար Իոսիֆ Ռայխելհաուսի փոխարեն։

Անձնական կյանք

• Առաջին կինը՝ Օլգա Բելյաևա (1964-2000), դերասանուհի։ 2000 թվականին Բելյաևան մահացել է բնակարանում հրդեհի ժամանակ,
  • Որդին՝ Պավել,
• Երկրորդ կինը՝ Ելենա Վալերևնա Աստրախան, Մարիինյան թատրոնի բալետի պարուհի,
• Երեխաներ՝ Մարիա, Նատալյա, Աննա, Վիկտոր և Ելիզավետա.

Արվեստ

Թատրոն

«Լեդի մեկ օրով» ներկայացումը ՌԲԿԱԹ, 2020 թվական

1981 թվականից ի վեր բեմադրել է 40-ից ավելի ներկայացում տարբեր թատրոններում.

• Մոսկվայի Ա. Ս. Պուշկինի անվան դրամատիկական թատրոն
  • «Լեդի մեկ օրով» (ռուս.՝ «Леди на день»)
  • «Ճանապարհորդները գիշերը» (ռուս.՝ «Путники в ночи»)
• Սվերդլովսկի պատանի հանդիսատեսի թատրոն
  • «Բադի որս» (ռուս.՝ «Утиная охота»), Ալեքսանդր Վամպիլով
  • «Եկամտաբեր պաշտոն» (ռուս.՝ «Доходное место»), Ալեքսանդր Օստրովսկի
  • «Տհասը» (ռուս.՝ «Недоросль»), Դենիս Ֆոնվիզին
  • «Կարմիր գլխարկը» (ռուս.՝ «Красная шапочка»), Եվգենի Շվարց
  • «Ո՞վ, եթե ոչ դու...» (ռուս.՝ «Кто, если не ты?..»), Վ. Սուգլոբով
• Գ․ Տովստոնոգովի անվան դրամատիկական մեծ թատրոն
  • «Բալզամինովի ամուսնությունը» (ռուս.՝ «Женитьба Бальзаминова»), Ալեքսանդր Օստրովսկի
• Վ․ Կոմիսարժևսկայայի անվան ակադեմիական դրամատիկական թատրոն
  • «Այս ազատ թիթեռները» (ռուս.՝ «Эти свободные бабочки»)
• Ալեքսանդր Աբդուլովի անտրեպրիզա
  • «Ամեն ինչ անցնում է» (ռուս.՝ «Всё проходит»)
  • «Ընտանեկան հովվերգություն» (ռուս.՝ «Семейная идиллия»)
• Անհայտ
  • «Չորսը Պետերբուրգում» (ռուս.՝ «Четверо в Петербурге»)
• Ռիգայի Միխայիլ Չեխովի անվան ռուսական թատրոն
  • «Լեդի մեկ օրով»  (ռուս.՝ «Леди на день») – 2006
  • «Տոմս մեկ ուղղությամբ»  (ռուս.՝ «Билет в один конец») – 2009
• Խաբարովսկի դրամայի երկրամասային թատրոն
  • «Լեդի մեկ օրով» – 2015
  • «Ընտանեկան հովվերգություն» – 2015
• Չելյաբինսկի Նաում Օռլովի անվան դրամայի թատրոն
  • «Լեդի մեկ օրով» – 2017
• Ռուսական բանակի թատրոն
  • «Լեդի մեկ օրով» – 2020

Ռեժիսորը բազմիցս բեմադրել է իռլանդացի դրամատուրգ Ջոն Սինգի «Անվեհեր կտրիճը՝ Արևմուտքի պարծանքը» (ռուս.՝ «Удалой молодец — гордость Запада») պիեսը տարբեր թատրոններում.

• 1989 – Ռուսաստանի բեմական արվեստների պետական ինստիտուտ
• 1990 – Օմսկի պատանի հանդիսատեսի թատրոն
• 1991 – Տովստոնոգովի անվան մեծ դրամատիկական թատրոն
• 2004 – Եկատերինբուրգի դրամայի պետական ակադեմիական թատրոն
• Մոսկվայի Լենկոմ պետական թատրոն
  • «Եկամտաբեր պաշտոն» – 2021

Ֆիլմագրություն

Տարի	Ֆիլմ	Բնօրինակ անվանում
			Ռեժիսոր	Պրոդյուսեր	Դերասան	Դեր
1991		Изыди!	Y		Y
1993	Դու իմ միակն ես	Ты у меня одна	Y		Y	մրցավար բռնցքամարտի ռինգում
1995	Ամեն ինչ լավ կլինի	Всё будет хорошо	Y		Y	մաթեմատիկայի պրոֆեսոր ինստիտուտում
1995	Չորրորդ մոլորակը	Четвёртая планета	Y	Y	Y	երաժիշտ ռեստորանում
1996	Դժոխքից դժոխք	Из ада в ад	Y		Y	«Ջոյնթի» աշխատակից Նյու Յորքում
1998	Սպասասրահ	Зал ожидания	Y
1998	Պայմանագիր մահվան հետ	Контракт со смертью	Y
1998	Խաչմերուկ	Перекресток	Y
2000	Ալքիմիկոսները	Алхимики	Y		Y	շերիֆ
2000	Լեդի Ղազախստան	Леди Казахстан	Y
2001	Դեղին թզուկը	Жёлтый карлик	Y
2001	Փախուստ Գուլագից	Побег из Гулага	Y
2001	Նվիրիր ինձ լուսնի լույս	Подари мне лунный свет	Y
2001	Ճանապարհորդները գիշերը	Путники в ночи	Y
2002	Սատանան, որ իրեն կոչում էր աստված	Дьявол, называющий себя богом	Y
2002	Լեդի մեկ օրով	Леди на день	Y		Y	օդաչու
2003	Տարտարենը Տարասկոնից	Тартарен из Тараскона	Y
2003	Չորրորդ ցանկությունը	Четвёртое желание			Y	ռեժիսոր
2004	Մութ գիշեր	Тёмная ночь	Y	Y
2004	Երազանքների ֆաբրիկա	Фабрика грез	Y	Y
2005	Կիրակին կանաց բաղնիքում	Воскресенье в женской бане	Y	Y
2005	Կարապների դրախտ	Лебединый рай		Y
2007	Ամեն ինչ ազնվորեն է	Всё по-честному	Y	Y
2007	Դեպքը եղել է Գավրիլովկայում	Дело было в Гавриловке		Y
2008	Աշխարհում ապրում են բարի ու լավ մարդիկ	На свете живут добрые и хорошие люди	Y	Y
2009	Ոսկի երկիր	Золотая страна	Y
2009	Դրախտային անկյուն	Райский уголок		Y
2010	Գիշերային պանդոկի լույսը	Ночной таверны огонёк	Y	Y
2011	Վիսոցկի։ Շնորհակալություն, որ ողջ եմ	Высоцкий. Спасибо, что живой			Y	Լեոնիդ Ֆրիդման, Ուզբեկական ԽՍՀ-ում Վիսոցկու համերգի կազմակերպիչը
2012	Ամուսնալուծություն	Развод			Y	Իգոր Իվանովիչ Միխեև, հայտնի ամսագրի գլխավոր խմբագիր
2012	Աստված իր պլաններն ունի	У Бога свои планы			Y	Օլեգ Ռոմանովիչ Նազարով, արհեստական բեղմնավորման հիվանդանոցի սեփականատոր, բժիշկ, մանկաբարձ-գինեկոլոգ
2013		Деточки	Y	Y
2013	Ավագ քույրը	Старшая сестра		Y
2013	Անտեսանելիները	Невидимки			Y
2013	Մի անգամ	Однажды			Y
2013	Ճակատագրական ժառանգություն	Роковое наследство			Y
2013	Սոտուդիա 17	Студия 17			Y
2014	Ֆորտ Ռոս։ Արկածներ որոնելով	Форт Росс: В поисках приключений			Y
2014	Շագալ - Մալևիչ	Шагал — Малевич			Y	ռեբեր Այզիկ, ռաբբի
2014	Անքնություն	Бессонница			Y
2014	Մոսկվայում միշտ արև է	В Москве всегда солнечно			Y
2014	Հավատաքննիչը	Инквизитор			Y	Իսաակ Ռոյզման, մասնավոր խուզարկուական գործալակության սեփականատեր Սանկտ Պետերբուրգում
2014	Երկնաքար	Метеорит			Y
2015	Կանաչ կառքը	Зелёная карета			Y
2015	Գեղեցիկ դարաշրջանի ավարտը	Конец прекрасной эпохи			Y
2015	Սարդ	Паук			Y	Ռոդնիկով («ՄԱեստրո»)
2015	Թարգմանիչը	Переводчик			Y
2016	Սեր առանց կանոնների	Любовь без правил	Y	Y
2016	Ավտոդպրոց	Автошкола			Y
2016	Հավերժական արձակուրդ	Вечный отпуск			Y
2017	Խեղջ աղջիկ	Бедная девочка			Y
2017	Քաղաքացիական ամուսնություն	Гражданский брак			Y
2017	Ձկնկիթ	Икра			Y
2017	Գլխատել չի կարելի ներել	Казнить нельзя помиловать			Y
2017	Էլեոն հյուրանոց	Отель Элеон			Y
2017		Серебряный бор			Y
2018	Տնային կալանք	Домашний арест			Y
2018	Ինչի մասին են խոսում տղամարդիկ։ Շարունակություն	О чём говорят мужчины. Продолжение			Y
2018	Կորուսյալ կղզի	Потерянный остров			Y
2018	Հավանականության տեսություն	Теория вероятности			Y	Դմիտրի Խանանովիչ, մաթեմատիկայի պրոֆեսոր
2018	Խաղ	Игра	Y	Y
2019	Հարսնացուների քաղաքը	Город невест		Y
2019	Միլիարդ	Миллиард			Y
2019	Վրեժ բանաձևը	Формула мести			Y	Ռուդնիկով («Մաեստրո»)
2019	Սիրավեպ անցյալի հետ	Роман с прошлым		Y
2020	Անդրեևյան դրոշ	Андреевский флаг			Y
2020	Սեր առանց չափի	Любовь без размера			Y	պլաստիկ վիրաբույժ
2020	Հին կադրեր	Старые кадры			Y	Բորիս Լեյն
2020		Комета Галлея			Y
2021	Կյանքը կյանքից հետո	Жизнь после жизни	Y
2021	Դիվերսանտի ճակատագիրը	Судьба диверсанта	Y
2021		Каспий 24			Y
2021	Գաղտնի դրդապատճառներ	Скрытые мотивы			Y
2021	Երգչախումբ	Хор			Y
2021	Սքանչելագործ	Чудотворная			Y
2022	Սիրիական սոնատ	Сирийская соната			Y	Հենրիխ Մանևիչ

Հեռուստատեսություն

1. 2011-2014 թվականներ – ՕՆՏ ալիքի «Я пою» հեռուստանախագծի վարող (Բելառուս)
2. 2016 թվական – «Դերասանական վարպետության դպրոցի» ղեկավար Дом-2 հաղորդումում

Այլ

2017 թվականին դարձել Է Մոսկվայի 3-րդ հրեական կինոփառատոնի ժյուրիի անդամ։

Արտաքին հղումներ

• Դմիտրի Աստրախանը Պուշկինի անվան թատրոնի կայքում (ռուս.)
• Դմիտրի Աստրախանը Եկատերինբուրգի դրամայի թատրոնի կայքում (ռուս.)
• Степуро С. Дмитрий Астрахан: Самое привлекательное в сегодняшнем Голливуде — зарплата // TUT.BY. 2009.09.12Archived 2009-09-15 at the Wayback Machine.
• Дмитрий Астрахан. Еврей Интервью Jewish.ru
• Դմիտրի Աստրախանը «100 вопросов ко взрослому» հաղորդումում ՅուԹյուբում // ТВ Центр