Դիրեկտորիա

Վիքիպեդիայից՝ ազատ հանրագիտարանից

Դիրեկտորիա, Ֆրանսիական Հանրապետության 1795 թ. նոյեմբերի 4-ից 1799 թվականի նոյեմբերի 10-ի կառավարությունը։ Բաղկացած էր 5 անդամներից՝ դիրեկտորներից, որոնք ընտրվում էին հինգհարյուրի խորհրդի և ավագների խորհրդի կողմից։ Ամեն տարի Դիրեկտորիայի անդամներից մեկը վիճակահանությամբ դուրս էր գալիս, և նրա տեղը ընտրվում էր մեկ ուրիշը։ Դիրեկտորիան մեծ իշխանություն ուներ. նշանակում էր մինիստրների, կոմիսարների, դեսպանների և այլն։ Դիրեկտորիան արտահայտում էր խոշոր բուրժուազիայի շահերը։ Նրա ներքին քաղաքականությունը ուղղված էր հեղափոխական շարժման դեմ, իսկ արտաքինը ուներ զավթողական բնույթ։ Դիրեկտորիայի գոյությանը վերջ տրվեց Նապոլեոն Բոնապարտի Բրյումերի 18-ի պետական հեղաշրջմամբ[1]։

Ծանոթագրություններ[խմբագրել | խմբագրել կոդը]

  1. Հ. Ավ. Գրիգորյան, Պատմական տերմինների դպրոցական համառոտ բառարան, Երևան, 1982, էջ 34։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png