Դե, սպասիր (թողարկում 19)

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Դե, սպասիր
Տեսակմուլտֆիլմ
Ժանրմանկական ֆիլմ
Շարքի մասն էԴե, սպասիր
ՌեժիսորԱլեքսեյ Կոտյոնոչկին
ՍցենարիստՖելիքս Կանդել և Ալեքսանդր Կուրլյանդսկի
ՀնչյունավորումԻգոր Խրիստենկո[1]
ԵրաժշտությունԱնդրեյ Դերժավին և Մաշինա Վրեմենի
ԵրկիրFlag of Russia.svg Ռուսաստան
Լեզուռուսերեն
ԸնկերությունՔրիսթմաս Ֆիլմզ
ՇարքԴե, սպասիր
Թվական2005

«Դե, սպասիր» (թողարկում 19) (ռուս.՝ «Ну, погоди!»), 19-րդ մուլտֆիլմը «Դե, սպասիր» շարքից։ Թողարկվել է 2005 թվականին։ Ֆիլմի գործողությունները տեղի են ունենում առողջավայրում։

Սյուժե[խմբագրել | խմբագրել կոդը]

Նախապատմություն[խմբագրել | խմբագրել կոդը]

Առողջարանային քաղաքներից մեկի օդանավակայանում վայրէջք է կատարում ինքնաթիռը, որից իջնում են Գետաձին, Խոզն ու Նապաստակը։ Ցանկապատի տախտակը տեղաշարժելով՝ օդանավակայան է մտնում նաև Գայլը։

Օդանավակայանում Նապաստակի մոտ իր բեռան փոխարեն դուրս է գալիս Գայլը։ Նա նապաստակին գցում է ստվարաթղթե տուփի մեջ ու դնում ռենտգեն-ստուգման ժապավենի վրա։ Մաքսավոր գետաձին էկրանին տեսնում է շարժվող երկարականջ կմախք, և Գայլին ցույց տալիս էկրանին երևացող պատկերը։ Նապաստակը վախեցնում է Գայլին, որ ուշաթափվում է։ Գայլին թվում է, թե կմախքը դուրս է գալիս շենքից, բայց պարզվում է, որ դա ոչ թե կմաքխն է, այլ նապաստակը։ Գայլը նրա հետևից սպառնում է բռունցքով և գոռում․ «Դե, նապաստա՛կ, սպասիր»։

Սյուժե[խմբագրել | խմբագրել կոդը]

Մուլտֆիլմի հետագա սյուժեն ծավալվում է առողջավայրում։ Ծովի աձին Գայլը նկատում է նապաստակին, որը պատրաստվում է իջնել ջրային սահուղով։ Նա սպասում է խողովակի վերջում, բայց Նապաստակն, նկատելով Գայլին, իր տեղը զիջում է Գետաձիուն, որն ընկնում է գայլի վրա։ Գայլն սպառնում է Նապաստակին խողովակի միջով։

Ծովաձին Գայլը, թաքնվելով մատրասի տակ, մոտենում է Նապաստակին, բայց նորից նրան խանգարում է Գետաձին, որը որոշում է լողանալուց հետո պառկել մատրասի վրա։ Գայլն արագ մոտենում է հագուստները փոխելու համար նախատեսված խցիկին, որտեղ Խոզից գողանում է կրծկալը, սրբիչն ու գլխարկը։ Մոտենալով զարմազած Նապաստակին՝ Գայլը փորձում է բռնել նրան, բայց վերջինս, կրծկալը քաշելով Գայլի աչքերին, փախչում է։ Երբ Գայլն ազատվում է, տեսնում է, որ Նապաստակն արդեն լողում է ծովում։ Զայրացած Գայլը ոտքով խփում է երկու գլխարկներին, բայց պարզվում է, որ դրացից մեկն ավազի տակ պառկած Գետաձիու գլխին էր։ Վերջինս ոտքով հարվածում է Գայլին՝ նրան շպրտելով ծովը՝ ուղիղ Նապաստակի մոտ։ Երբ Գայլը մոտենում է Նապաստակին և նորից փորձում բռնել նրան, հայտնվում է շնաձուկը, որի գրավում է Խոզից գողացված սրբիչի վրա նկարված ձուկը։ Մոռանալով թշնամության մասին՝ Գայլն ու Նապաստակը օգնում են միմյանց փրկվել՝ օդը դուրս թողնելով մատրասից։ Շնաձուկը հետ է մնում՝ բախվելով լողանին, իսկ Նապաստակը Գայլի հետ հասնում են ափ։ Նապաստակը կառչում է վոլեյբոլի ցանցից, իսկ Գայլը սլանում է ափով՝ իր ճանապարհին ավերելով ամեն ինչ, մինչև բախվում է միասապատ ուղտին, նրա հետ բախվում լուսանկարվելու համար դիրք ընդունած արջուկին և ընկնում մատրասի վրա։ Ուղտի մեջքին առաջանում է կապտուկ, որը հիշեցնում է երկրորդ սապատ։ Լուսանկարիչ շունը լուսանկարում է աղետի հետևանքները։

Նապաստակը որոշում է զբաղվել պարասեյլինգով, երբ նորից վրա է հասնում Գայլը, որն սկսում է վարել կատերը։ Այն ուղղելով դեպի բաց ծով՝ Գայլը ճոպանի վրայով բարձրանում է Նապաստակի մոտ, բայց վերջին պահին Նապաստակն արձակում է պարաշյուտը։ Գայլը կառչում է ճոպանից ու ընկնում ծով։ Իջնելով ծովափին՝ Նապաստակը դիտում է, թե ինչպես է Գայլը վախեցնում կատերի հետևից ընկած շնաձկանն ու հեռանում հորիզոնից այն կողմ՝ գոռալով․ «Դե, Նապաստակ, դե, սպասիր»։

Դերերը հնչյունավորել են[խմբագրել | խմբագրել կոդը]

Դերասան Դեր
Իգոր Խրիստենկո Գայլ Գայլ
Օլգա Զվերևա Նապաստակ Նապաստակ

Ստեղծման պատմություն[խմբագրել | խմբագրել կոդը]

Մուլտֆիլմի պրեմիերան կայացել է 2005 թվականի դեկտեմբերի 2-ին Մոսկվայում։ Այն նկարահանել է ռոժիսոր Ալեքսեյ Կոտյոնոչկինը՝ Վյաչեսլավ Կոտյոնոչկինի որդին։ Այս թողարկման մեջ կան բազմաթիվ հղումներ նախորդ թողարկումներին․

  • Թողարկում 1, խոզը ծովափին, կուղբերը կատերում, եզրափակիչ տեսարան,
  • Թողարկում 2, գայլը փորձում է մարզված մկաններ, ինչպես նաև կրկնում է կարճ երկխոսությունը ապաստակի հետ նույն թողարկումից,
  • Թողարկում 3, փախչելով գետաձիուց՝ գայլը գետնուղի է փորում ավազի տակ,
  • Թողարկում 5, օդանավակայանում գայլը նապաստակին թաքցնում է տուփի մեջ,
  • Թողարկում 17, շնաձկան հարձակում։

Երաժշտություն[խմբագրել | խմբագրել կոդը]

  • «Старый корабль» («Машина времени»), ինքնաթիռի վայրէջք,
  • «Миленький ты мой» (ռուսակա ժողովրդական երգ, հչում է միայն երաժշտությունը, որ կատարում է «Մաշինա վրեմենի» խումբը), գայլը մոտենում է ջրային սահուղուն,
  • «Новый поворот» («Машина времени»), եզրափակիչ տեսարան,
  • «Марионетки» («Машина времени»), եզրափակիչ տիտրեր։

Հետաքրքիր փաստեր[խմբագրել | խմբագրել կոդը]

Մուլտֆիլմն ստեղծվել է այն բանի շնորհիվ, որ 2005 թվականի փետրվարին մուլտֆիլմի իրավունքները ձեռք է բերել «Пятёрочка» առևտրային ցանցը։ Ֆիլմի վերնագիրն ու նրանում հնչող արտահայտություններին օգտագործելու իրավունքը «Пятёрочка»-ն գնել է խորհրդային «Դե, սպասիր» ֆիլմի սցենարիստներից ու նրանց ժառանգներից, կերպարների օգտագործման իրավունքները՝ ռեժիսորից ու նկարչից[2]։

Ծանոթագրություններ[խմբագրել | խմբագրել կոդը]

  1. Аниматор.ру (ռուս.) — 2000.
  2. «"Пятерочка" снимет продолжение "Ну, погоди!"»։ Lenta.Ru (ООО «Лента.Ру»)։ 2005-02-25։ Վերցված է 2018-06-23 

Արտաքին հղումներ[խմբագրել | խմբագրել կոդը]