Դեֆորմացիայի աշխատանք

Դեֆորմացիայի աշխատանք, մարմնի ներքին ուժերի կատարած աշխատանքը դեֆորմացիայի ընթացքում։ Առաձգական դեֆորմացիայի դեպքում դեֆորմացիայի տեսակարար աշխատանքը (առաձգական պոտենցիալ) որոշվում է $a={\frac {1}{2}}(\sigma _{1}\varepsilon _{1}+\sigma _{2}\varepsilon _{2}+\sigma _{3}\varepsilon _{3})$ բանաձևով, ուր $\sigma _{1},\sigma _{2},\sigma _{3}$ ուղղանկյուն զուգահեռանիստի նիստերի վրա գործող գլխավոր լարումներն են, իսկ $\varepsilon _{1},\varepsilon _{2},\varepsilon _{3}$-ը՝ զուգահեռանիստի կողերի համապատասխան հարաբերական երկարացումները։ Առաձգականության սահմաններից դուրս կամ $\sigma$-ի և $\varepsilon$-ի միջև ոչ-գծային կապերի դեպքում բանաձևն այլևս ճիշտ չէ և կախված է դեֆորմացիայի ընթացքից։

Դեֆորմացիայի լրիվ աշխատանքը $(A)$ սահմանվում է որպես մարմնի ամբողջ ծավալով դեֆորմացիայի տեսակարար աշխատանքի գումար՝ $A=\int adxdydz$։ Դեֆորմացիայի լրիվ աշխատանքը, համաձայն էներգիայի պահպանման օրենքի, կարելի է որոշել նաև որպես արտաքին ուժերի աշխատանք, որը մեծությամբ հավասար է դեֆորմացիայի աշխատանքին և ունի հակառակ նշան։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 367)։