Դերասանների տուն (Նովոսիբիրսկ)

Վիքիպեդիայից՝ ազատ հանրագիտարանից
Jump to navigation Jump to search
Museum Silhouette.svg
Դերասանների տուն
Дом артистов, Новосибирск 01.jpg
Տեսակ շենք
Երկիր Flag of Russia.svg Ռուսաստան
Տեղագրություն Նովոսիբիրսկ
Ճարտարապետ Բորիս Գորդեև և Սերգեյ Տուրգենև
Դերասանների տուն (Նովոսիբիրսկ)ը գտնվում է Ռուսաստանում
Դերասանների տուն (Նովոսիբիրսկ)
Կոորդինատներ: 55°2′2.0000001004092″ հս․ լ. 82°55′16.00000009961″ ավ. ե. / 55.033888888916777660° հս․. լ. 82.9211111111387851° ավ. ե. / 55.033888888916777660; 82.9211111111387851

Դերասանների տուն (ռուս.՝ Дом артистов), բնակելի բազմաբնակարանային շենք Ռուսաստանի Նովոսիբիրսկ քաղաքի Կենտրոնական թաղամասում։ Հասցեն՝ Ռոմանովի փողոց, տուն 35։ Կառուցվել է 1930-ական թվականներին։ Շենքի ճարտարապետական ոճը միջանկյալ փուլ է 1920-ական թվականների կոնստրուկտիվիզմի և 1940-1950 թվականների նեոդասականության միջև։ Ճարտարապետներն են Բորիս Գորդեևը, Սերգեյ Տուրգենևը։ Տարածաշրջանային նշանակության ճարտարապետական հուշարձան է[1]։

Պատմություն[խմբագրել | խմբագրել կոդը]

Տունը կառուցվել է 1930-ական թվականներին և սկզբնական շրջանում նախատեսված էր առավելապես թատերական գործիչների համար[1]։

Նկարագրություն[խմբագրել | խմբագրել կոդը]

Տունը ճարտարապետական առումով կապված չէ հարակից շենքերի հետ և որևէ համակառույցի մաս չէ։ Այն զբաղեցնում է անջատ դիրք Ռոմանովի, Ֆրունզեի, Միչուրինի փողոցներով և Կարմիր պողոտայով կազմված թաղամասում[1]։

Հինգհատվածանոց շենքի հատակագիծը մոտ է Լ-աձևին։ Հարավային ճակատը նայում է Ռոմանովի փողոցին, արևելյանը՝ 16-հարկանի շենքին (Ռոմանովի փողոց, 39), արևմտյան ճակատը գտնվում է Ռոմանովի փողոց, 33 շենքի և Կենցաղի տան (Կարմիր պողոտա, 50) դիմաց, հյուսիսային կողային հատվածը նայում է Ազգային գվարդիայի զորքերի Սիբիրյան օկրուգի վարչության շենքին (Ֆրունզեի փողոց, 10)[1]։

Շինության հիմնական ճարտարապետական առանձնահատկությունն է ճակատների զարդափոսավորումը։ Պատերին գտնվում են դեպի ներս խորացող և աստիճանաբար փոքրացող ուղղանկյունաձև խորշեր, որոնք եզրակալում են պատուհանները և ձևավորում են լայն հորիզոնական գոտիներ, որոնք հակադրվում են աստիճանավանդակների վիտրաժային պատուհանների ուղղահայաց ժապավեններին։ Աստիճանավանդակները էրկերների տեսքով դուրս են ցցվում պատի հարթությունից և ճակատներին հաղորդում պլաստիկ արտահայտչականություն և հագեցածություն, ինչը հատկապես նկատելի է արևոտ եղանակին, երբ պատերի մակերեսին հայտնվում են խոր ստվերներ[1]։

Առաջին հարկը կոպտատաշության և գույնի պատճառով հակադրվում է մյուս հարկերին, բացի այդ, այն մյուսներից բաժանվում է գոտի-քիվով[1]։

Տանիքի խոշոր ելուստով քիվը պահում են կրկնակի կալունակները[1]։

Շենքի երկարությունը 56 մետր է, լայնությունը՝ 11 մետր[1]։

Հայտնի բնակիչներ[խմբագրել | խմբագրել կոդը]

  • Իվան Իվանովիչ Սոլերտինսկի, թատրոնի և երաժշտության խորհրդային հայտնի քննադատ։ Նա 1941-1944 թվականներին ապրել է այս տանը։ Ի հիշատակ նրա՝ շենքի ճակատին փակցված է հուշատախտակ[1]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]