Դենիզ Բլոխ

Վիքիպեդիայից՝ ազատ հանրագիտարանից
Jump to navigation Jump to search
Դենիզ Բլոխ
ֆր.՝ Denise Bloch
Դիմանկար
Ծնվել էհունվարի 21, 1916(1916-01-21)[1]
ԾննդավայրՓարիզ, Ֆրանսիա
Մահացել էփետրվարի 5, 1945(1945-02-05)[1] (29 տարեկան)
Մահվան վայրՌավենսբրյուկ համակենտրոնացման ճամբար, Գերմանիա
ՔաղաքացիությունFlag of France (1794–1815, 1830–1974, 2020–present).svg Ֆրանսիա
Մասնագիտությունհետախույզ, Ֆրանսիական դիմադրության մարտիկ և Հատուկ գործողությունների գործակալ
Պարգևներ և
մրցանակներ
Commons-logo.svg Denise Bloch Վիքիպահեստում

Դենիզ Մադլեյն Բլոխ (ֆր.՝ Denise Madeleine Bloch, հունվարի 21, 1916(1916-01-21)[1], Փարիզ, Ֆրանսիա - փետրվարի 5, 1945(1945-02-05)[1], Ռավենսբրյուկ համակենտրոնացման ճամբար, Գերմանիա), հրեական ծագումով ֆրանսիացի հետախույզ, Երկրորդ համաշխարհային պատերազմի տարիներին աշխատել է բրիտանական Հատուկ գործողությունների վարչությունում (SOE):

Կենսագրություն[խմբագրել | խմբագրել կոդը]

Դենիզ Բլոխը ծնվել է Փարիզի Բարրո թաղամասում, հրեաներ Ժակ Անրի Բլոխի և Սյուզան Լեվի-Շտրաուսի ընտանիքում։ Բլոխն ուներ երեք եղբայր։ Մինչ պատերազմը աշխատել է Citroën-ում՝ որպես քարտուղարուհի։ 1942 թվականին նրանց ընտանիքը հայտնվեց Գեստապոյի թիրախում և Դենիզը ստիպված էր անցնել ընդհատակ։ Citroën-ում նա ծանոթանում է ֆրանսիական բանակի լեյտենանտ, Դիմադրության շարժման առաջնորդ Ժան-Մաքսիմ Արոնի հետ։ Լիոնում նա հավաքագրվում է բրիտանական հետախուզության կողմից և սկսում է աշխատել ռադիստ Բրայան Սթոունհաուզի հետ մինչև 1942 թվականի հոկտեմբեր, մինչև նրա բացահայտվելն ու ձերբակալվելը[2]։

1943 թվականի սկզբին Բլոխը անցավ ընդհատակ և շուտով կապ հաստատեց բրիտանացի հետախույզներ Ջորջ Ստարրոմի և Ֆիլիպ դե Վոմկուրի հետ։ Նա սկսեց աշխատել նրանց հետ Լո և Գարոնի տարածաշրջաններում, Աժեն քաղաքում, այնուհետև Պիրենեյներով հասավ Ջիբրալթար, որտեղից էլ Լոնդոն, այստեղ էլ Հատուկ գործողությունների վարչության ճամբարում անցավ վերապատրաստում։ 1944 թվականի մարտի 2-ին Ռոբեր Բենուայի հետ միասին պարաշյուտով իջան Կենտրոնական Ֆրանսիայի Նանտի շրջան։ Այնտեղ Դենիզը և Ռոբերը կապի դուրս եկան վարորդ Ժան-Պիեռ Վիմիլի հետ, սակայն հունիսին Բենուան և Բլոխը բացահայտվեցին և ձերբակալվեցին։

Դենիզը բանտում պարբերաբար ծեծի էր ենթարկվում։ Հետագայում նա տեղափոխվում է Գերմանիա, սկզբում՝ սաքսոնական Տորգաուի բանտ, այնուհետև՝ Քյոնիգսբերգ և Բրանդենբուրգ, որտեղ նա տուժում է ցրտահարությունից և սովից։ 1945 թվականի հունվարի 25-ին Դենիզին տեղափոխում են Ռավենսբրյուկ, որտեղ փետրվարի 5-ին մահապատժի է ենթարկվում Լիլիան Ռոլֆի, Վիոլետա Շաբոյի և Սեսիլի Լեֆորտի հետ միասին։ Ըստ չհաստատված տվյալների՝ մահապատիժն ի կատար է ածվել ՍՍ-ի շտուրմբանֆյուրեր Հորստ Կոպկովի կողմից։

FANY (SOE) հուշահամալիր, Բրուքվուդ ռազմական գերեզմանատուն, հուլիսի 5, 2017

Հիշատակ և ճանաչում[խմբագրել | խմբագրել կոդը]

Դենիզ Բլոխի աճյունը վերաթաղվել է Փարիզի Մոնմարտրի գերեզմանատանը։ Հետմահու Բլոխը պարգևատրվել է Պատվո Լեգիոնի շքանշանով, Դիմադրության մեդալով և Արմավենու տերևներով Զինվորական խաչով, ինչպես նաև քաջության համար Մեծ Բրիտանիայի Թագավորի շնորհակալական պատվոգրով։ Նրա անունը անմահացվել է բրիտանական Սուրրեյ կոմսության Բրուկվուդի հուշահամալիրում, ինչպես նաև ֆրանսիական Վալենսայի Պատվո պատին։

Հուշարձաններ[խմբագրել | խմբագրել կոդը]

Միացյալ Թագավորություն

  • Բրուքվուդ հուշահամալիր՝ որպես 3500-ից մեկը, «ով պատերազմի պատճառով չունի հայտնի և հիշարժան գերեզման»[3]
  • FANY հիշատակ (Yeomanry բուժքույրերի առաջին օգնություն) Ուիլթոն Ռոուդում, Քենսինգթոն Kensington.

Ֆրանսիա

  • Վալանսե Հատուկ գործողությունների վարչության հուշահամալիր, Էնդր, Ֆրանսիայի ազատության համար իրենց կյանքը տված 91 տղամարդ և 13 կին անդամների անունների հուշաքար։

Հետմահու պարգևներ[խմբագրել | խմբագրել կոդը]

Կաղապար:Ribbon devices/alt Կաղապար:Ribbon devices/alt War Medal 39-45 BAR MID.png

Կաղապար:Ribbon devices/alt Կաղապար:Ribbon devices/alt Կաղապար:Ribbon devices/alt

1939–1945 աստղ Ֆրանսիա և Գերմանիա աստղ Պատերազմական մեդալ դրսևորած Խիզախ վարքի համար թագավորի պարգևով
Պատվավոր Լեգեոնի շքանշան
(Chevalier)
Պատերազմի խաչ 1939-1945 Դիմադրության մեդալ

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 TracesOfWar
  2. Biography of Denise Bloch at Nigel Perrin’s site
  3. Register from record of the Commonwealth War Graves Commission [Brookwood Memorial], May 2012

Արտաքին հղումներ[խմբագրել | խմբագրել կոդը]