Դենիզե Բիլման

Վիքիպեդիայից՝ ազատ հանրագիտարանից
Jump to navigation Jump to search
Դենիզե Բիլման
European 2011 Denise Biellmann.jpg
Անձնական տեղեկություն
Սեռ՝իգական
Բնօրինակ անուն՝Denise Biellmann
Մասնագիտացում՝գեղասահորդ
Երկիր՝Flag of Switzerland.svg Շվեյցարիա
Ծննդյան ամսաթիվ՝դեկտեմբերի 11, 1962(1962-12-11)[1] (59 տարեկան)
Ծննդավայր՝Ցյուրիխ
Դենիզե Բիլմանը 2011 թվականի Եվրոպայի առաջնության ցուցադրական ելույթների ժամանակ

Դենիզե Բիլման (գերմ.՝ Denise Biellmann, դեկտեմբերի 11, 1962(1962-12-11)[1], Ցյուրիխ), շվեյցարացի գեղասահորդ, աշխարհի և Եվրոպայի չեմպիոն (1981), Շվեյցարիայի եռակի չեմպիոն։

Մարզական կարիերա[խմբագրել | խմբագրել կոդը]

Մարզվել է մոր՝ Հայդի Բիլմանի (Heidi Bielmann) և Օտտո Հյուգինի (Otto Hügin) մոտ[2]։ 11 տարեկանում դարձել է Շվեյցարիայի պատանեկան առաջնության չեմպիոն[3]։ Միջազգային մրցույթներում նորամուտը կատարել է 1976 թվականին։ 1977 թվականին Հելսինկիի Եվրոպայի առաջնությանը, որը նրա կարիերայի ընթացքում առաջին Եվրոպայի առաջնությունն էր, կատարել է եռակի սալխով և իրանը հետ թեքելով ու ազատ ոտքը բռնելով պտույտ (ֆիրմային պտույտ)։ Մրցավարական կազմը տեխնիկայի համար նրան նշանակել է 2 հատ 5,9, իսկ ազատ ծրագրում նա միանգամից զբաղեցրել է երկրորդ տեղը։

Գեղասահքի պատմության մեջ է մտել պտույտների բացառիկ տեխնիկայի և հատկապես ոտքը բռնած վիճակով պտույտների շնորհիվ, որը նրա պատվին կոչվում է «բիլման» (bielmann spin), չնայած նա դրանց առաջին կատարողը չէ (օրինակ՝ 1974 թվականին այդպիսի պտույտներ կատարել է շվեյցարացի Կարին Իտենը (Karin Iten)): Բիլմանն այդ պտույտները կատարել է առավելագույնս ձգված և ընդհանրապես մեծ արագությամբ, ճշգրիտ կենտրոնադրումով և մեծ քանակությամբ դարձաշրջաններով։ 1981 թվականին ազատ ծրագրում բոլոր պտույտները միասին նա կատարել է 105 դարձաշրջան՝ վայրկյանում 1,8 պտույտ արագությամբ, ինչը կազմել է ծրագրի ամբողջ ժամանակի 24 % -ը։ Դրանից հետո բացառիկ պտույտները վերջնականապես սկսեցին համարել գեղասահքի շվեյցարական դպրոցի այցեքարտը։

Աշխարհում առաջին գեղասահորդուհին է, որ Եվրոպայի առաջնության ժամանակ կատարել է եռակի լուտց (1978 թվական), ինչի համար գեղասահորդուհիների մեջ առաջին անգամ ստացել է 6,0 միավոր (և 5 հատ 5,9 միավոր) տեխնիկայի համար։ Առաջիններից մեկն է, որ աշխարհի առաջնության ժամանակ կատարել է եռակի հանգույցով ցատկ (1978 թվական, Ելենա Վոդորեզովայի հետ միասին)։ Ընդհանուր առմամբ Դենիզե Բիլմանի կարճ և ազատ ծրագրերը տարբերվում էին բարդ և որակյալ տեխնիկայի ներդաշնակ համադրությամբ, միևնույն ժամանակ՝ բարձր ոճով, վարպետությամբ և երաժշտականությամբ։

Սակայն Բիլմանը շատ անհաջող է կատարել պարտադիր ֆիգուրաները, ինչի պատճառով նույնիսկ մրցանակակիր չի դարձել։ Եվ միայն 1981 թվականին, բարելավելով ֆիգուրաների որակը, կարողացել է դառնալ Եվրոպայի և աշխարհի չեմպիոն (այդ թվում նաև աշխարհի առաջնության պատմության մեջ առաջին անգամ կատարել է եռակի լուտց։

Սպորտից հետո[խմբագրել | խմբագրել կոդը]

1982 թվականից մասնակցում է պրոֆեսիոնալ շոուների՝ տարիներ անց կատարելով բիլման պտույտներ և եռակի բարդ ցատկեր։ Ապրում է Ցյուրիխում։

2007 թվականին պրոֆեսիոնալ պարող Սվեն Նինեմանի հետ մասնակցել է պարային Եվրատեսիլին, որտեղ զբաղեցրել են վերջին՝ 16-րդ տեղը։

Մարզական ձեռքբերումներ[խմբագրել | խմբագրել կոդը]

Միջազգային
Մրցում / Մրցաշրջան 1972-1973 1973-1974 1974-1975 1975-1976 1976-1977 1977-1978 1978-1979 1979-1980 1980-1981
Ձմեռային օլիմպիական խաղեր 4
Աշխարհի առաջնություն 15 10 5 5 6 1
Եվրոպայի առաջնություն 6 4 3 WD 1
NHK Trophy 1
Richmond Trophy 3
Ազգային
Շվեյցարիայի առաջնություն 5 J 1 J 11 3 2 2 1 1 1
J = պատանեկան, WD = հեռացում

Ծանոթագրություններ[խմբագրել | խմբագրել կոդը]

  1. 1,0 1,1 filmportal.de — 2005.
  2. «Информация о тренере Бильманн»։ Արխիվացված է օրիգինալից 2016-04-03-ին։ Վերցված է 2020-09-13 
  3. http://www.denisebiellmann.com/dbi.html Denise Biellmann website

Արտաքին հղումներ[խմբագրել | խմբագրել կոդը]