Դեյան Սավիչևիչ

Դեյան Սավիչևիչ
Անձնական տեղեկություն
Սեռ՝	արական
Մասնագիտացում՝	ֆուտբոլիստ և ֆուտբոլային մարզիչ
Երկիր՝	Չեռնոգորիա
Ծննդյան ամսաթիվ՝	սեպտեմբերի 15, 1966 (56 տարեկան)
Ծննդավայր՝	Պոդգորիցա, Չեռնոգորիա

Դեյան Սավիչևիչ (չեռնոգորերեն՝ Dejan Savićević, սերբական կիրիլիցա՝ Дејан Савићевић, dějan saʋǐːtɕeʋitɕ. սեպտեմբերի 15, 1966(1966-09-15)^[1], Պոդգորիցա, Չեռնոգորիա), չեռնոգորիացի նախկին ֆուտբոլիստ, հարձակողական ոճի կիսապաշտպան, 2004 թվականից Չեռնոգորիայի ֆուտբոլի ընկերակցության (ասոցիացիայի) նախագահ^[2]։

Սավիչևիչը 1990-ական թվականներին համարվել է աշխարհի լավագույն ֆուտբոլիստներից մեկը և շարունակում է համարվել Չեռնոգորիայի և Հարավսլավիայի բոլոր ժամանակների լավագույն ֆուտբոլիստներից մեկը^[3]։ Աշխարհի ուժեղագույն թիմերից մեկում՝ իտալական «Միլան»-ում հանդես գալու տարիներին իտալացի մարզական լրագրողները նրան տվել են Il Genio (Հանճար) մականունը։

Մարզական կարիերան Սավիչևիչն սկսել է հայրենի քաղաքի՝ Տիտոգրադի (ներկայիս Պոդգորիցայի) «Բուդուչնոստ» թիմում։ 1988 թվականին տեղափոխվել է Հարավսլավիայի բարձրագույն խմբի առաջնությանը մասնակցող Բելգրադի «Ցրվենա Զվեզդա» («Կարմիր աստղ») ակումբ, դարձել աչքի ընկնող խաղացողներից մեկը մի թիմի, որը 1990–91 մրցաշրջանում Եվրոպայի գավաթն է նվաճել, իսկ Սավիչևիչն անհատապես «Ոսկե գնդակ» հեղինակավոր մրցանակի համար 1991 թվականին իրականացված քվեարկության արդյունքներով երկրորդ տեղն է զբաղեցրել։ Հաջորդ տարի նա մեծագումար գործարքի արդյունքում տեղափոխվել է իտալական «Միլան», որի կազմում երեք անգամ հռչակվել է A սերիայի չեմպիոն, 1993–94 մրցաշրջանում էլ՝ ՈՒԵՖԱ-ի չեմպիոնների լիգայի գավաթակիր, ինչպես նաև՝ նվաճել է այլ մրցանակներ։ Այնուհետև 1999 թվականին կես մրցաշրջան հանդես է եկել Բելգրադի «Ցրվենա Զվեզդա»-ում, ապա տեղափոխվել Վիեննայի «Ռապիդ», որտեղ էլ 2001 թվականին ավարտել է պրոֆեսիոնալ ֆուտբոլիստի իր կարիերան։ Դրանից հետո երկու տարի՝ 2001-2003 թվականներին գլխավոր մարզչի պաշտոնում աշխատել է Սերբիայի և Չեռնոգորիայի ֆուտբոլի ազգային հավաքականի հետ։ 2004 թվականին ընտրվել է Չեռնոգորիայի ֆուտբոլի ասոցիացիայի նախագահ և այնուհետև հինգ անգամ վերընտրվել այդ պաշտոնում։

Որպես ֆուտբոլիստ՝ միջազգային մրցումներում Սավիչևիչը ներկայացրել է Հարավսլավիան, որի հավաքական թիմի կազմում մասնակցել է 1990 և 1998 թվականների աշխահի առաջնություններին։ Մասնագետների կարծիքով՝ լավագույն մրցախաղերում նրա խաղաոճը կարելի է նմանեցնել ներկայումս իր կարիերան փայլուն կերպով շարունակող Մեսսիի խաղաոճին։

Ակումբային վիճակագրություն[խմբագրել | խմբագրել կոդը]

Մրցաշրջանը	Ակումբը	Առաջնությունը	Խաղեր	Գոլեր
1982/83	Բուդուչնոստ (Տիտոգրադ)	Հարավսլավիա	2	0
1983/84			7	1
1984/85			29	6
1985/86			32	10
1986/87			31	9
1987/88			29	10
1988/89	Ցրվենա Զվեզդա		25	10
1989/90			0	0
1990/91			25	8
1991/92			22	5
1992/93	Միլան	Իտալիա	10	4
1993/94			20	0
1994/95			19	9
1995/96			23	6
1996/97			17	1
1997/98			8	0
1999	Ցրվենա Զվեզդա	Հարավսլավիա	3	0
1999/00	Ռապիդ	Ավստրիա	22	14
2000/01	Ռապիդ	Ավստրիա	22	4

Մարզական նվաճումներ[խմբագրել | խմբագրել կոդը]

Աշխարհի երիտասարդական առաջնության հաղոթող - 1987
Հարավսլավիայի գավաթակիր - 1990
Հարավսլավիայի չեմպիոն - 1989/1990, 1990/1991, 1992
Իտալիայի չեմպիոն - 1992/1993, 1993/1994, 1995/1996
Իտալիայի սուպերգավաթակիր - 1992, 1993, 1994
ՈՒԵՖԱ-ի չեմպիոնների լիգայի հաղթող - 1990/1991, 1993/1994
Միջմայրցամաքային գավաթի խաղարկության հաղթող - 1991
ՈՒԵՖԱ-ի սուպերգավաթակիր - 1994

Ծանոթագրություններ[խմբագրել | խմբագրել կոդը]

↑ ^1,0 ^1,1 Argentine Soccer Database (իսպ.)
↑ UEFA Magazine – Montenegro's new dawn by Aleksandar Bošković
↑ «10 of the best playmakers of the 90s: Zizou, Laudrup, Baggio, Bergkamp...»։ Planet Football (en-US)։ 2020-09-15։ Վերցված է 2020-12-10

Արտաքին հղումներ[խմբագրել | խմբագրել կոդը]

Պարգևներ
Նախորդող՝ Դրագուտին Տոպիչ	Հարավսլավիայի լավագույն մարզիկ 1991	Հաջորդող՝ Սլոբոդան Բրանկովիչ (Կաղապար:FR-YUG)

[_dd654003ba2c307a-1] 1,0 ^1,1 Argentine Soccer Database (իսպ.)

[2] UEFA Magazine – Montenegro's new dawn by Aleksandar Bošković

[3] «10 of the best playmakers of the 90s: Zizou, Laudrup, Baggio, Bergkamp...»։ Planet Football (en-US)։ 2020-09-15։ Վերցված է 2020-12-10

[1]

[2]

[3]