Դեմիտաս

Վիքիպեդիայից՝ ազատ հանրագիտարանից
Jump to navigation Jump to search
Դեմիտասի հավաքածու մետաղյա շրջանակի մեջ և սուրճի գդալների հետ

Դեմիտաս, դմիտաս կամ դեմիտասե (ֆր.՝ demi-tasse՝ բաժակի կեսը), փոքր բաժակ, որը նախատեսված է թուրքական սուրճի, էսպրեսոյի կամ ռիստրետոյի համար: Համարվում է թուրքական սուրճի պատրաստման ծավալի չափանիշը[1][2]:

Նման բաժակները հաճախ մատուցվում են փոքր սուրճի գդալի և ափսեի հետ: Նախքան պատրաստի խմիչքը մատուցելը, բաժակը սովորաբար տաքացնում են[3]:

Նկարագրություն[խմբագրել | խմբագրել կոդը]

Դեմիտասը հաստ պատերով բաժակ է, որի ծավալը 60-90 միլիլիտր է: Այն ավանդական սուրճի բաժակի գրեթե կես չափն է: Շատ դեպքերում գավաթի ձևը նման է կտրած ու շուռ տված կոնի, բայց ներսում այն ունի ձվաձև տեսք: Հաստ պատերի առկայությունը և բաժակի ներքևի տրամագծի փոքրացումը թույլ են տալիս պահպանել խմիչքի ջերմաստիճանը ավելի երկար ժամանակ[3][4][5]:

Որպես կանոն, այս տեսակի բաժակները պատրաստված են ճենապակյա պատրաստուկներից: Այնուամենայնիվ, դրանց արտադրության մեջ կարող են օգտագործել նաև ապակի, կերամիկա կամ չժանգոտվող պողպատ[3][5]:

Դեմիտասի երկրորդ տեսակը մետաղյա շրջանակում ապակուց պատրաստված բաժակ է[3]:

Կապուչինո մատուցելու համար գոյություն ունի դեմիտասի առանձին տեսակ, որն ունի ավելի մեծ ծավալ` շուրջ 150 միլիլիտր[6]:

Հավաքածու[խմբագրել | խմբագրել կոդը]

Դեմիտասը կարող է ծառայել որպես հավաքածու: Գինեսի ռեկորդների գրքում ընդգրկված այս գավաթների ամենախոշոր հավաքածուն, որը թվագրվում է 650 օրինակով, գտնվում է Ավստրալիայի Իպսվիչ քաղաքում: Հավաքածուն հավաքվել է Իպսվիչի քաղաքապետ Պոլ Պիսասալի (անգլ.՝ Paul Pisasale) կողմից և 1993 թվականից ի վեր գտնվում է Իպսվիչի քաղաքային խորհրդում[7]:

Ծանոթագրություններ[խմբագրել | խմբագրել կոդը]

  1. С. Е. Першина, 2013, էջ 55
  2. «Что нужно знать о кофейном сервизе?» (ռուսերեն)։ coffeeburg.ru։ Վերցված է 2016-12-13 
  3. 3,0 3,1 3,2 3,3 «Демитассе (демитас)» (ռուսերեն)։ coffeeburg.ru։ Վերցված է 2016-12-13 
  4. «Чашки демитассе» (ռուսերեն)։ kofella.net։ Վերցված է 2016-12-13 
  5. 5,0 5,1 «Демитассе (demi-tasse) – чашка для эспрессо» (ռուսերեն)։ coffeemap.com.ua։ Վերցված է 2016-12-13 
  6. «Что такое демитассе?» (ռուսերեն)։ findfood.ru։ Վերցված է 2016-12-13 
  7. «Largest collection of demitasse cups» (անգլերեն)։ Guinness World Records։ Վերցված է 2016-12-13 

Գրականություն[խմբագրել | խմբագրել կոդը]

  • Першина С. Е. Кофе. — М.: «АСТ», 2013. — 158 с. — ISBN 987-5-17-080767-3