Դաֆեր եղբայրներ

Վիքիպեդիայից՝ ազատ հանրագիտարանից
Jump to navigation Jump to search
Դաֆեր եղբայրներ
Matt & Ross Duffer (36214184705).jpg
ԾննդավայրԱՄՆ, Հյուսիսային Կարոլինա, Դարհեմ
ՄասնագիտությունՌեժիսորներ, սցենարիստներ, կինոպրոդյուսերներ
Matt & Ross Duffer Վիքիպահեստում

Մեթ Դաֆեր (անգլ.՝ Matt Duffer) և Ռոս Դաֆեր (անգլ.՝ Ross Duffer), հայտնի են որպես Դաֆեր եղբայրներ (անգլ.՝ The Duffer Brothers), գիտաֆանտաստիկ ֆիլմերի և սերիալների ամերիկացի կինոռեժիսորներ, սցենարիստներ և պրոդյուսերներ։ Երկվորյակներ են։

Նրանց ռեժիսորական և սցենարիստական դեբյուտը 2015 թվականի «Թաքնվածները» լիամետրաժ ֆիլմն է[1]։ Նույն թվականին նրանք մասնակցել են «Սոճիներ» հեռուստասերիալի սցենարի աշխատանքներին[2]։ Նրանց ամենահայտնի աշխատանքը «Տարօրինակ դեպքեր» հեռուստասերիալն է, որը ունի մեծ թվով մրցանակներ, այդ թվում MTV Movie & TV Awards 2017՝ «Լավագույն ԹիՎի շոու» անվանակարգում[3]։

Կյանք և կարիերա[խմբագրել | խմբագրել կոդը]

Վաղ տարիներ[խմբագրել | խմբագրել կոդը]

Դաֆեր եղբայրները մեծացել են ԱՄՆ-ի Հյուսիսային Կարոլինա նահանգի Դարհեմ քաղաքում։ Երրորդ դասարանում ծնողների նվիրած Hi8 ձևաչափի տեսախցիկով նրանք սկսել են ֆիլմեր նկարել[4]։ Նրանք տեղափոխվել են Կալիֆոռնիա նահանգի Օրինջ շրջան, որպեսզի Չապմենական համալսարանում կինոարվեստ ուսումնասիրեն, որը ավարտել են 2007 թվականին[5]։

Կարիերայի սկիզբ։ «Թաքնվածները» և Wayward Pines»[խմբագրել | խմբագրել կոդը]

Մի քանի կարճամետրաժ ֆիլմեր ստեղծելուց հետո նրանք գրել են «Թաքնվածները» հետապոկալիպսական ֆիլմի սցենարը, որը 2011 թվականին գնել է Warner Bros. Pictures ընկերությունը[6]։ Ֆիլմի վրա եղբայրները աշխատել են 2012 թվականին, վերջինս թողարկվել է 2015 թվականին։ Պրոդյուսեր Մ․ Շիլյամալան, կարդալով այս ֆիլմի սցենարը, Դաֆեր եղբայրներին վարձեց Fox-ի նոր՝ «Wayward Pines» սերիալի աշխատանքների համար[7]։

«Տարօրինակ դեպքեր» և Նեթֆլիքսի համագործակցություն[խմբագրել | խմբագրել կոդը]

Հեռուստատեսության ոլորտում փորձ ձեռք բերելով, եղբայրները իրականացրեցին իրենց վաղեմի գաղափարը՝ «Տարօրինակ դեպքեր» հեռուստասերիալը[8]։ Սցենարին աջակցել է Շոն Լևիի 21 Laps ընկրությունը և որոշ ժամանակ անց գնվել է Նեթֆլիքս ընկերության կողմից[9]։ Պրեմիերան տեղի է ունեցել 2016 թվականի ամռանը և ուղեկցվել է կինոքննադատների դրական կարծիքներով, ովքեր նշել են սյուժեի ռիթմիկ զարգացումը, մթնոլորտը, դերասանական վարպետությունը, սաունդթրեքը, ռեժիսուրան, ինչպես նաև 80-ականների ֆիլմերին անդրադառնալը։ Նեթֆլիքսի ամենաբարձր վարկանիշ ունեցող հեռուստասերիալների շարքում այն զբաղեցրել է երրորդ տեղը[10] և 2016 թվականի օգոստոսի 31-ին երկարաձգվել է երկրորդ եթերաշրջանով[11]։ 2017 թվականի դեկտեմբերին երկարաձգվել է երրորդ եթերաշրջանով[12], որը թողարկվել է 2019 թվականի ամռանը։

Ֆիլմագրություն[խմբագրել | խմբագրել կոդը]

Հեռուստասերիալներ[խմբագրել | խմբագրել կոդը]

Տարեթիվ Հայերեն անվանում Բնօրինակ անվանում Դեր
Ռեժիսոր Սցենարիստ
2015 Թաքնվածները Hidden Այո Այո
2015 Սոճիներ Wayward Pines Ոչ Այո
2016 Տարօրինակ դեպքեր Stranger Things Այո Այո

Կարճամետրաժ ֆիլմեր[խմբագրել | խմբագրել կոդը]

  • We All Fall Down (2005)
  • The Big Toe (2006)
  • Eater (2007)
  • Saturday Night at Norm’s (2008)
  • The Milkman (2008)
  • Abraham’s Boys (2009)
  • Road to Moloch (2009)
  • Vessel (2012)

Ծանոթագրություններ[խմբագրել | խմբագրել կոդը]

  1. «Рецензия на фильм «Затаившись»»։ www.film.ru։ Վերցված է 2019-08-04 
  2. «Создатели «Очень странных дел»: «Мы настоящие гики»»։ THR Russia (ru-RU)։ Վերցված է 2019-08-04 
  3. Knapp J. D., Knapp J. D. (2017-05-08)։ «2017 MTV Movie and TV Awards: Complete Winners List»։ Variety (անգլերեն)։ Վերցված է 2019-08-04 
  4. «Durham’s Duffer Brothers land on Netflix» 
  5. «The wild and strange summer of the Duffer brothers '07 and 'Stranger Things'»։ Chapman Newsroom (անգլերեն)։ 2016-08-19։ Վերցված է 2019-08-05 
  6. Sneider Jeff, Sneider Jeff (2011-12-02)։ «Warners buys spec from recent grads»։ Variety (անգլերեն)։ Վերցված է 2019-08-05 
  7. Grater2017-06-30T13:20:00+01:00 Tom։ «Emmys 2017: the Duffer Brothers talk 'Stranger Things'»։ Screen (անգլերեն)։ Վերցված է 2019-08-05 
  8. «Вайнона Райдер: «Сериалы Netflix и HBO ничем не уступают полному метру»»։ THR Russia (ru-RU)։ Վերցված է 2019-08-05 
  9. Berkshire Geoff, Berkshire Geoff (2016-07-22)։ «‘Stranger Things’: Shawn Levy on Directing Winona Ryder, Netflix’s Viral Model»։ Variety (անգլերեն)։ Վերցված է 2019-08-05 
  10. ««Очень странные дела» вошли в тройку самых рейтинговых шоу Netflix»։ Афиша։ Վերցված է 2019-08-05 
  11. Мищенко Тарас Мищенко Тарас (2016-08-31)։ «Сериал «Очень странные дела»/Stranger Things официально продлён на второй сезон»։ ITC.ua (ru-RU)։ Վերցված է 2019-08-05 
  12. Cooper Gael Fashingbauer։ «Details about 'Stranger Things' season 3 are starting to trickle out»։ CNET (անգլերեն)։ Վերցված է 2019-08-05 

Արտաքին հղումներ[խմբագրել | խմբագրել կոդը]