Դափնյակ անդրկովկասյան
| Դափնյակ անդրկովկասյան | ||||||||||
|---|---|---|---|---|---|---|---|---|---|---|
| Գիտական դասակարգում | ||||||||||
|
||||||||||
| Լատիներեն անվանում | ||||||||||
| Daphne transcaucasica
|
Դափնյակ անդրկովկասյան (լատին․՝ Daphne transcaucasica), գոճմակազգիների ընտանիքի դափնյակ ցեղի բույս։
Նկարագրություն[խմբագրել | խմբագրել կոդը]
Մշտադալար թուփ է բաց գորշավուն կեղևով և թափված տերևների հետքերով ծածկված ճյուղերով։ Տերևները հավաքված են խիտ աղվամազով ծածկված ընձյուղների գագաթին, մանր են, երկարավուն էլիպսաձև, 1,5-3 սմ երկարությամբ և 0,5-0,7 սմ լայնությամբ, կաշվեկերպ են, նստադիր, ներքևի կողմից ծածկված ցրված սպիտակ մազմզուկներով։ Ծաղիկները 3-5-ական, գտնվում են ճյուղերի գագաթներին, սպիտակ են։ Ծաղկում է մայիս-հուլիս ամիսներին, պտուղները կարմիր են, հասունանում են օգոստոսին։
Տարածվածություն[խմբագրել | խմբագրել կոդը]
Բնական պայմաններում տարածված է Կովկասում, Փոքր Ասիայում, Իրանում։ Հանդիպում է Հայաստանի Հանրապետության կենտրոնական շրջաններում, Արագածոտնում, Սևանի ավազանում, մերձալպյան գոտու չոր, քարքարոտ լանջերում, գետահունային ավազուտներում։
Կիրառություն[խմբագրել | խմբագրել կոդը]
Անդրկովկասյան դափնյակը խիստ թունավոր, բայց միաժամանակ նաև բարձր դեկորատիվ բույս է։ Աճում է միայն պարարտ, չեզոք կամ թույլ թթվային հողերում, խիստ տուժում է օդի չորությունից, վատ է աճում վերատնկման դեպքում։ Բազմանում է սերմերով և արմատային մացառներով։ Անդրկովկասյան դափնյակը արժեքավոր դեղաբույս է, նրանից ստանում են մի շարք կարևոր դեղամիջոցներ։ Ունի նաև մանրէասպան հատկություն[1]
Ծանոթագրություններ[խմբագրել | խմբագրել կոդը]
- ↑ Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 1, Երևան, «Լույս հրատարակչություն», 1985, էջ 305։
|
Սա բույսերի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |