Դարկո Մալետիչն իր ծննդավայր Բանյա Լուկայի«Բորաց» ակումբի սան է, մեծահասակների թիմում իր կարիերան սկսել է նույն ակումբում։ «Բորացի» մեծահասակների թիմում անցկացնելով մեկ մրցաշրջան՝ Դարկոն մեկնել է խաղալու արտերկրում։ 2001 թվականին նա խաղացել է Վիեննայի«Ռապիդում», ապա շուրջ երկու տարի անցկացրել է սլովենական«Պուբլիկում» ակումբում[4]։
2004 թվականին Մալետիչը խաղացել է Սանկտ Պետերբուրգի «Զենիթում», առաջնությունում 2 խաղ է անցկացրել հիմնական թիմի կազմում և 14 խաղ՝ փոխարինողների կազմում։ 2005 թվականին վարձավճարով տրվել է Յարոսլավլի«Շիննիկում», որտեղ նույնպես չի կարողացել ամրապնդվել առաջին թիմում (8 խաղ հիմնական կազմում, 11՝ փոխարինողների)։ Դրանից հետո նա կարճ ժամանակ խաղացել է Ռումինիայում՝ «Վասլույ» թիմի կազմում[4]։
2006-2009 թվականներին Դարկոն խաղացել է Բելգրադի«Պարտիզանում», որում պարբերաբար դուրս է եկել խաղադաշտ և որոշակի հաջողությունների հասնել (44 խաղ, 2 գոլ, 2007 թվականին՝ Սերբիայի չեմպիոն և գավաթակիր)։ 2009-2010 թվականներին 10 խաղ է անցկացրել գերմանական«Կոբլենց» ակումբում՝ դառնալով մեկ գոլի հեղինակ։ Կարճ ժամանակով վերադարձել է «Բորաց», որտեղ անցկացրել է 21 խաղ և դարձել 6 գոլի հեղինակ։ 2011 թվականի հուլիսին նա միացել է ղազախական «Ակտոբեին»։ 2012 թվականի ամռանը Դարկոն դարձել է Պավլոդարի«Իրտիշի» խաղացող[5]։ Իսկ ձմռանը նա վերադարձել է հարազատ «Բորաց» ակումբ[6]։
2013 թվականի օգոստոսին ազատ գործակալի կարգավիճակով տեղափոխվել է բոսնիական «Վելեժ» ակումբ, որտեղ անցկացրել է երկու մրցաշրջան։ 2016 թվականին կրկին վերադարձել է «Բորաց», որտեղ էլ 2017 հունվարի 1-ին ավարտել է ֆուտբոկիստի կարիերան[4]։