Խաղալ սկսել է հայրենի քաղաքի «Սլոգա» թիմում։ Այնուհետև տեղափոխվել է սերբիական հայտնի «Ցրվենա Զվեզդա» ակումբ։ 2001 թվականին տեղափոխվել է «Սպարտակ» (Սուբոտիցա), որտեղ անցկացրել է երկու տարի և մեկնել է «Բանատ»։ 2005 թվականին տեղափոխվել է ուկրաինական «Կրիվբասս» ակումբ։ 2007 թվականին տեղափոխվել է Լուգանսկի «Զարյա» ակումբ, որտեղ դարձել է թիմի առաջնորդներից մեկը, բայց մրցաշրջանի ավարտից հետո հանվել է տրանսֆերի[2]։ Նրա ծառայություններով հետաքրքրված էին «Լիվերնո»-ն և «ՆԱԿ Բրեդա»-ն, բայց նրան 150 հազար եվրոյի դիմաց գնեց «Բաստիա» ակումբը, որի հետ էլ Դարկոն կնքեց երեք տարվա պայմանագիր։
Դունիչը ամուսնացել է 2007 թվականի հուլիսի 1-ին Սերբիայում[3]։ Իր ապագա կնոջ հետ ծանոթացել է ամուսնանալուց հինգ տարի առաջ իր լավագույն ընկերոջ միջոցով։ Այդ ժամանակ նա դեռ հանդես էր գալիս «Ցրվենա Զվեզդա» ակումբում, իսկ նրա կինը սովորում էր Բելգրադի մանկավարժական համալսարանում։ 2,5 տարի անց հեռացել է Ուկրաինա, բայց այդ ընդհանրապես չի ազդել նրանց հարաբերությունների վրա։ Նա միշտ մոտ է գտնվել Կրիվոյ Ռոգին, հաճախ մեկնել է Սերբիա։ Նրանց հարսանիքին ներկա է գտնվել Միրկո Բունևչևիչը և այդ ժամանակների «Զարյա»-յի գլխավոր մարզիչ Ալեքսանդր Կոսևիչը։