Դավիթ Սանասարյան

Դավիթ Սանասարյան;
	; Դավիթ Սանասարյանը հանրահավաքի ժամանակ, Երևան, Հանրապետության հրապարակ, 2018 թվականի ապրիլի 26
Ծնվել է	հուլիսի 23, 1984 (39 տարեկան)
Քաղաքացիություն	Հայաստան
Կուսակցություն	1. Ժառանգություն ; 2. Քաղաքացիական պայմանագիր ; 3. Ինքնիշխան Հայաստան

Դավիթ Տարոնի Սանասարյան (հուլիսի 23, 1984(1984-07-23)), կուսակցական, քաղաքական և հասարակական գործիչ, զբաղեցրել է մի շարք պետական և քաղաքական պաշտոններ Հայաստանում։ Հայաստանի Պետական վերահսկողական ծառայության նախկին պետ (2018 թվականի մայիսից 2019 թվականի ապրիլ)^[1]^[2]։ Եղել է Ժառանգություն կուսակցության վարչության անդամ, Երևանի ավագանու անդամ։ 2018 թվականի մայիսի 21-ին Հայաստանի վարչապետ Նիկոլ Փաշինյանի հրամանագրով նշանակվել է Հայաստանի պետական վերահսկողության ծառայության պետի պաշտոնում^[3]։ 2021 թվականի ապրիլի 9-ին հիմնել է Ինքնիշխան Հայաստան կուսակցությունը։

2019 թվականի ապրիլի 18-ին Դավիթ Սանասարյանին մեղադրանք է առաջադրվել պաշտոնեական լիազորությունները չարաշահելու հոդվածով^[4]։ Նրա պաշտոնավարությունը ժամանակավոր դադարեցվել է Հայաստանի վարչապետի որոշմամբ^[5]։

Կրթություն[խմբագրել | խմբագրել կոդը]

Մասնագիտությամբ իրավագետ է։ Ավարտել է Եվրախորհրդարանի քաղաքական, ինչպես նաև Եվրոպայի դիվանագիտության ակադեմիայի դասընթացները։ Ուսանել է նաև ԱՄՆ Թաֆթսի համալսարանի և Ֆլետչերի իրավունքի և դիվանագիտության դպրոցում։

Քաղաքական-հասարակական գործունեություն[խմբագրել | խմբագրել կոդը]

Հասարակական ակտիվություն[խմբագրել | խմբագրել կոդը]

2018 թվականի մարտին մի խումբ քաղաքացիական ակտիվիստների հետ ստեղծել է «Մերժիր Սերժին» նախաձեռնությունը^[6]։

Կուսակցական գործունեություն[խմբագրել | խմբագրել կոդը]

Ժառանգություն կուսակցություն[խմբագրել | խմբագրել կոդը]

2010 թվականին Ժառանգություն կուսակցության համագումարում Դավիթ Սանասարյանը ընտրվել է կուսակցության վարչության անդամ։ 2018 թվականի նոյեմբերի 1-ին հայտարարել է, որ դուրս է գալիս Ժառանգություն կուսակցությունից ու միանում Քաղաքացիական պայմանագիր կուսակցությանը։

Գործունեությունը պետական ապարատում[խմբագրել | խմբագրել կոդը]

Երևանի ավագանու անդամ[խմբագրել | խմբագրել կոդը]

2013 թվականի մայիսին «Բարև Երևան» կուսակցությունների դաշինքի ցուցակով ընտրվել է Երևանի ավագանու անդամ^[7]։

Պետական վերահսկողության ծառայության պետ[խմբագրել | խմբագրել կոդը]

2018 թվականի մայիսի 22-ին վարչապետ Նիկոլ Փաշինյանի որոշմամբ նշանակվել է պետական վերահսկողական ծառայության պետ^[8]։

2019 թվականի ապրիլի 16-ին Դավիթ Սանասարյանը ներգրավվել է քրեական գործի մեջ որպես կասկածյալ^[9]։ Նրա նկատմամբ խափանման միջոց է ընտրվել՝ ստորագրությամբ երկրից չհեռանալու մասին։

Հետաքրքիր դրվագներ[խմբագրել | խմբագրել կոդը]

Դավիթ Սանասարյանը 2018 թվականից սկսած իր գրավոր հրապարակումներից ու տեսաուղերձներից շատերն ավարտում է «սիրում եմ բոլորիդ» արտահայտությամբ^[10]^[11]^[12], ինչը, ըստ նրա, անկախ ամեն ինչից պետք է ասել^[13]։

Ծանոթագրություններ[խմբագրել | խմբագրել կոդը]

[1] «Վարչապետին ենթակա մարմիններ»

[2] «Դավիթ Սանասարյանը նշանակվել է ՀՀ պետական վերահսկողական ծառայության պետ»։ www.tert.am։ 09:48 • 21.05.18։ Արխիվացված է օրիգինալից 2022-02-11-ին։ Վերցված է 2018-06-26

[3] Դավիթ Սանասարյանը նշանակվել է ՀՀ պետական վերահսկողության ծառայության պետ

[panorama-4] «ԱԱԾ. Դավիթ Սանասարյանին մեղադրանք է առաջադրվել»

[5] «Դավիթ Սանասարյանի պաշտոնավարումը ժամանակավոր դադարեցվել է»

[6] «Դավիթ Սանասարյան. «Մենք դեմ ենք, որ ինչ որ անձ մեր երկիրն իր դուքանը համարի» (ֆոտոշարք և տեսանյութ)»

[7] «Հայտնի է Երեւանի ավագանու կազմը»

[8] «Դավիթ Սանասարյանը նշանակվել է պետական վերահսկողական ծառայության պետ»

[9] «Դավիթ Սանասարյանի նկատմամբ խափանման միջոց է կիրառվել»։ 16/04/2019։ Վերցված է 16/04/2019

[գոլդ_համար_1-10] «Ձեռնարկվում են միջոցներ մի շարք պաշտոնաթող գեներալներից հետ հավաքելու նրանց տրված գոլդ համարանիշերը. Սանասարյան» Archived 2018-11-02 at the Wayback Machine., (արխիվացված)

[kar_chem_stel-11] «Ես խոստումս չեմ դրժել, ես կառավարությունում չեմ. Դավիթ Սանասարյան», (արխիվացված)

[աղբ_զբաղվել_սա_դա-12] «Պետական վերահսկողական ծառայության աշխատակիցները զբաղվել են աղբահանության խնդրով. Դավիթ Սանասարյան», (արխիվացված։

[սիրում_եմ_պետք_է_ասեմ_1-13] Անկախ ամենից՝ «Սիրում եմ բոլորիդ»-ը պետք է հնչեցվի, չասեմ՝ կմեռնեմ

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]