Դավիթ Համբարձումյան

Վիքիպեդիայից՝ ազատ հանրագիտարանից
Jump to navigation Jump to search
Դավիթ Համբարձումյան
Ծնվել էհունիսի 24, 1956(1956-06-24)
ԾննդավայրԿապան, Սյունիքի մարզ, Հայաստան
Մահացել էհունվարի 11, 1992(1992-01-11) (35 տարեկանում)
Մահվան վայրԵրևան, Հայաստան
ՔաղաքացիությունFlag of the Soviet Union.svg ԽՍՀՄ
Flag of Armenia.svg Հայաստան
Ազգությունհայ
Մասնագիտությունսուզորդ
Պարգևներ և
մրցանակներ
ԽՍՀՄ սպորտի վաստակավոր վարպետ

Դավիթ Գրիգորի Համբարձումյան (հունիսի 24, 1956(1956-06-24), Կապան, Սյունիքի մարզ, Հայաստան - հունվարի 11, 1992(1992-01-11), Երևան, Հայաստան), հայ ջրացատկորդ։ Սպորտի վաստակավոր վարպետ (1984)։ Ավարտել է Ֆիզիկական կուլտուրայի հայկական պետական ինստիտուտը (1978)։ ՀԽՍՀ ջրացատկի հավաքականի մարզիչ (1985-1987), ՀԽՍՀ սպորտպետկոմի նախագահի տեղակալ (1987-1992) ։ Մոսկովյան օլիմպիական խաղերի (1980) և աշխարհի գավաթի խաղարկության (1983) բրոնզե մեդալակիր, Եվրոպայի չեմպիոն (1981, 1983) և գավաթի գավաթակիր (1984), ԽՍՀՄ բազմակի չեմպիոն (1972-84) և գավաթակիր (1975, 1977, 1984), ԽՍՀՄ ժողովուրդների սպարտակիադաների հաղթող (1975, 1983)։ 1993 թվականից Համբարձումյանի անունով է կոչվում ՀՀ օլիմպիական հերթափոխի ջրացատկի մանկապատանեկան դպրոցը։

Կենսագրություն[խմբագրել | խմբագրել կոդը]

Ծնվել է 1956 թվականին Կապան քաղաքում։ Հայրը՝ Գրիգորի Համբարձումյանը (առավել հայտի էր Գիլոն անուով) եղել է ֆուտբոլիստ[1][2], երկար տարիներ խաղացել է Կապանի «Լեռնագործ» ակումբում, նա առաջին հայ ֆուտբոլիստն է, որը հրավիրվել է ԽՍՀՄ հավաքական, 1961 թվականին ընդգրկվել է ԽՍՀՄ լավագույն 33 ֆուտբոլիստների ցանկում: Մայրը Ալիսան զբաղվել է մարմնամարզությամբ։


Մարզական կարիերա[խմբագրել | խմբագրել կոդը]

1963 թվականին Դավիթի ընտանիքը տեղափոխվում է Երևան, որտեղ էլ Դավիթը 1965 թվականից սկսում է զբաղվել լողով։ Նրա մարզիչը եղել է Լավրենտի Թառոյանը։ Նրա առաջին լուրջ հաջողությունը 1972 թվականին էր, երբ նա դարձավ ԽՍՀՄ չեմպիոն։ Հետագայում նա այդ կոչումը նվաճել է ևս 15 անգամ։

1971-1984 թվականներին Դավիթն ընդգրկված է եղել ԽՍՀՄ հավաքականի կազմում։ 1972 թվականին մասնակցել է Մյունխենի օլիմպիական, 1976 թվականին՝ Մոնրեալի օլիմպիական խաղերին։ 1980 թվականին, Մոսկվայի օլիմպիական խաղերին նվաճել է բրոնզե մեդալ։

1981 և 1983 թվականներին դարձել է Եվրոպայի չեմպիոն։

1984 թվականի Լոս Անջելեսի օլիմպիական խաղերին ԽՍՀՄ հավաքականը բոյկոտեց օլիմպիադան և չմասնակցեց մրցումներին: Օլիմպիական խաղերից դուրս մնաց նաև Դավիթ Համբարձումյան, ինչից հետո էլ ավարտեց իր մարզական կարիերան։

Կարիերայի ավարտից հետո Դավիթ Համբարձումյանը նշանակվում է «Դինամո» ուսումնամարզական բաժնի պետ, որոշ ժամանակ անց՝ սպորտկոմիտեի նախագահի տեղակալ։

Դավիթ Համբարձումյանը մահացել է 1992 թվականի հունվարի 8-ին։ Նրա մոտ արձանագրվել է սրտի կանգ։

Դավիթ Համբարձումյանի անունով է կոչվում ՀՀ օլիմպիական հերթափոխի ջրացատկի մանկապատանեկան դպրոցը[3] և Կապանի «Դավիթ Համբարձումյանի անվան մանկապատանեկան մարզադպրոց»[4]։

Ծանոթագրություններ[խմբագրել | խմբագրել կոդը]

  1. Գրիգորի Համբարձումյանի էջը FootballFacts.ru կայքում
  2. Григорян А. Г. Король воздуха — Газета «Урарту», № 14 2001 г
  3. «Կայացավ ջրացատկի ՀՀ առաջնությունը»։ msy.am։ Վերցված է 2018-08-22 
  4. «Կապանի 2014թ. մարզական ձեռքբերումները | Syunacerkir.am»։ www.syuniacyerkir.am (hy-AM)։ Վերցված է 2018-08-22 

Արտաքին հղումներ[խմբագրել | խմբագրել կոդը]

  • Соколов Г. П. Олимпийская команда СССР/Игры XXII Олимпиады. Москва, 1980.
  • Профиль на сайте
Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png