Դավիթ Բաբախանյան

Վիքիպեդիայից՝ ազատ հանրագիտարանից
Jump to navigation Jump to search
Դավիթ Բաբախանյան
David-Babakhanyan.jpg
Ծննդյան թիվ՝հուլիսի 2, 1975(1975-07-02) (47 տարեկան)
Ծննդավայր՝Երևան, Հայկական ԽՍՀ, ԽՍՀՄ
Երկիր՝Հայաստան հայաստան
Ազգություն՝հայ
Մասնագիտություն՝պրոդյուսեր, ռեժիսոր, սցենարիստ և կինոռեժիսոր
IMDb։ID 4272657

Դավիթ Բաբախանյան (հուլիսի 2, 1975(1975-07-02), Երևան, Հայկական ԽՍՀ, ԽՍՀՄ), հայ ռեժիսոր, պրոդյուսեր, սցենարիստ։ Աշխատանքային գործունեությունն սկսել է 1995 թվականին՝ որպես սցենարիստ համագործակցելով «Շարմ Հոլդինգի» հետ։ 2003 թվականին սկսել է համագործակցել Արմենիա, 2009 թվականին՝ Հայաստանի հանրային հեռուստաընկերությունների հետ[1]։

Կենսագրություն[խմբագրել | խմբագրել կոդը]

Դավիթ Բաբախանյանը ծնվել է Երևանում։ Սովորել է Երևանի թիվ 149 միջնակարգ դպրոցում, 1992-2000 թվականներին՝ Երևանի պետական բժշկական համալսարանում։ Համալսարանն ավարտելուց հետո, որպես ռազմական սպա, ծառայել է բանակում։ Աշխատանքային գործունեությունն սկսել է 1995 թվականին՝ համագործակցելով «Շարմ Հոլդինգի», 2003 թվականից՝ Արմենիա հեռուստաընկերության հետ[2]։

2003-2008 թվականներին եղել է «Կարգին հաղորդում» հումորային նախագծի պրոդյուսերը[1]։ 2009 թվականից համագործակցել է Հայաստանի հանրային հեռուստաընկերության հետ՝ մեկ տարի հետո նկարահանելով «Հրեշտակների դպրոց» հեռուստասերիալը[1]։

«Շարմ Հոլդինգի» հետ նկարահանել են «Պահանջվում է միլիոնատեր», «Փեսացուն կրկեսից» և «Poker.am» կինոնկարները[3]։

2011 թվականին հանդես է եկել որպես «Փեսացուն կրկեսից» կինոնկարի ռեժիսոր[4], 2012 թվականին նկարահանել է կատակերգական ժանրի «Poker.AM» կինոնկարը[5]։ Ֆիլմի բյուջեն կազմել է 300-400 հազար դոլար[6]։ 2012 թվականից Արմենիա հեռուստաընկերության գլխավոր տնօրենն է[7]։

2013 թվականին եղել է «Տնփեսա» սիթքոմի պրոդյուսերը[8] և 2014 թվականին «Ֆուլ Հաուս» սիթքոմի համահեղինակը[9], 2015 թվականին՝ «Դոմինո» սիթքոմի համապրոդյուսերը[10]։

2015 թվականին Բաբախանյանը նկարահանել է Հյուսիս-Հարավ կինոկատակերգությունը, որն առաջին հայաստանյան ֆիլմն է, որտեղ կիրառվել են 3D-անիմացիոն և վիզուալ մեծածավալ էֆեկտներ[11][12]։

Ֆիլմեր[խմբագրել | խմբագրել կոդը]

Նախագիծ Դեր Տեսակ Տարի
Մեր բակը[13] սցենարիստ երաժշտական կատակերգություն 1996
Կարգին հաղորդում ռեժիսոր հումորային նախագիծ 2002-2009
Կարգին մուլտեր պրոդյուսեր 2007-2009
Դժբախտ երջանկություն[14] պրոդյուսեր հեռուստանովել 2007
«11»[15] պրոդյուսեր սարսափ հեռուստասերիալ 2008
Կյանքի կարուսել պրոդյուսեր բազմասերիանոց հեռուստանախագիծ 2009
Հրեշտակների դպրոցը[1] պրոդյուսեր հեռուստասերիալ 2010
Զգուշացեք փողից պրոդյուսեր հեռուստասերիալ 2010
Պահանջվում է միլիոնատեր ռեժիսոր, սցենարիստ կատակերգություն 2010
Էքստրասենսներ հեղինակ, պրոդյուսեր հեռուստանախագիծ 2011
Փեսացուն կրկեսից ռեժիսոր, սցենարիստ կատակերգություն 2011
Poker.Am ռեժիսոր, սցենարիստ կատակերգություն 2012
Խաղից դուրս պրոդյուսեր բազմասերիանոց, արկածային ֆիլմ 2013
Տնփեսա պրոդյուսեր սիթքոմ 2013-2015
Ֆուլ հաուս համահեղինակ սիթքոմ 2014-2019
Դոմինո պրոդյուսեր սիթքոմ 2015-2017
Հյուսիս-հարավ ռեժիսոր, սցենարիստ գեղարվեստական ֆիլմ, կատակերգություն 2015
Քավարան հեղինակ հեռուստասերիալ 2017
Մահվան ջոկատ հեղինակ հեռուստասերիալ 2019

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 AV Production: Դավիթ Բաբախանյանի մասին avproduction.am կայքում
  2. «Դավիթ Բաբախանյան - Pamg.am»։ pamg.am։ Արխիվացված է օրիգինալից 2017-03-13-ին։ Վերցված է 2016-12-27 
  3. IMDB: A Millionaire Wanted (2010)
  4. IMDB: Pesacun Krkesic (2011)
  5. IMDB: Poker AM (2012)
  6. «Exclusive interview with the film producer Ruben Jaghinyan»։ Արխիվացված է օրիգինալից 2016-03-08-ին։ Վերցված է 2016-12-27 
  7. MediaMax: TV project for ArmeniaTV
  8. «ArmeniaTV: Տնփեսա,Սերիա 1»։ Արխիվացված է օրիգինալից 2015-11-15-ին։ Վերցված է 2016-12-27 
  9. «ArmeniaTV: Ֆուլ Հաուս Սերիա 1»։ Արխիվացված է օրիգինալից 2015-11-15-ին։ Վերցված է 2016-12-27 
  10. «ArmeniaTV: Domino, Episode 1»։ Արխիվացված է օրիգինալից 2016-03-04-ին։ Վերցված է 2016-12-27 
  11. IMDB: Four Buddies and the Bride (2015)
  12. «Sharm: Հյուսիս-Հարավ»։ Արխիվացված է օրիգինալից 2016-03-04-ին։ Վերցված է 2016-12-27 
  13. «Sharm: Our Yard»։ Արխիվացված է օրիգինալից 2013-09-20-ին։ Վերցված է 2016-12-27 
  14. «Unikino: Դժբախտ երջանկություն (2007)»։ Արխիվացված է օրիգինալից 2016-09-15-ին։ Վերցված է 2016-12-27 
  15. «Unikino: Տասնմեկ»։ Արխիվացված է օրիգինալից 2016-09-15-ին։ Վերցված է 2016-12-27