Դանիել Սվարովսկի

Վիքիպեդիայից՝ ազատ հանրագիտարանից
Jump to navigation Jump to search
Դանիել Սվարովսկի
գերմ.՝ Daniel Swarovski
Daniel Swarovski portrait.jpg
Ծնվել էհոկտեմբերի 24, 1862(1862-10-24)
ԾննդավայրJiřetín pod Bukovou, Յաբլոնեց-նադ-Նիսոուի շրջան, Չեխիա
Մահացել էհունվարի 23, 1956(1956-01-23) (93 տարեկանում)
Մահվան վայրWattens, Innsbruck-Land District, Տիրոլ, Ավստրիա
ՔաղաքացիությունFlag of Austria.svg Ավստրիա
Մասնագիտությունգյուտարար, ճարտարագետ և ֆիզիկոս
Քաղաքական կուսակցությունՆացիոնալ-սոցիալիստական ​​գերմանական բանվորական կուսակցություն
Պարգևներ և
մրցանակներ
Սուրբ Գրեգորիի շքանշանի ասպետ
Daniel Swarovski Վիքիպահեստում

Դանիել Սվարովսկի (գերմ.՝ Daniel Swarovski, հոկտեմբերի 24, 1862(1862-10-24), Jiřetín pod Bukovou, Յաբլոնեց-նադ-Նիսոուի շրջան, Չեխիա - հունվարի 23, 1956(1956-01-23), Wattens, Innsbruck-Land District, Տիրոլ, Ավստրիա), ավստրիական Սվարովսկի ընկերության հիմնադիրն է։

Կենսագրություն[խմբագրել | խմբագրել կոդը]

Դանիել Սվարովսկին ծնվել է Ավստրո-Հունգարական կայսրության տարածքում՝ Գեորգիենտալ (գերմ.՝ Georgenthal, չեխ․՝ Jiřetín pod Bukovou) բարձրադիր գյուղում` լեռնային Բոհեմիայի հյուսիսում, նշանավոր բոհեմիական ապակու հայրենիքում։ Նա անհաջող ջութակահար էր, սակայն ունենալով բարձրագույն կրթություն՝ հետաքրքրվում էր էլեկտրատեխնիկայով և էլեկտրական սարքավորումների նախագծմամբ։

1883 թվականին Սվարովսկին այցելեց Վիեննայում կայացած «Միջազգային էլեկտրական ցուցահանդես» (գերմ.՝ Internationale Elektrische Ausstellung), որտեղ ծանոթացավ Թոմաս Էդիսոնի հայտնագործած մեքենաներին և տեսավ ապակու արտադրության նոր տեխնոլոգիաների հնարավորություններ։

Դանիել Սվարովսկու մեքենան, 1891

1890-ական թվականների սկզբին Սվարովսկին զբաղվում էր բյուրեղների ավտոմատ երեսակման մեքենայի նախագծմամբ։ 1892 թվականին արտոնագիր ստացավ իր առաջին հայտնագործության համար։ Դա բյուրեղյա քարերը աննախադեպ ճշգրտությամբ մշակող մեքենա էր։

Ընկերության հիմնում[խմբագրել | խմբագրել կոդը]

Բյուրեղապակու մասսայական հատուկ մշակման մեքենայի ստեղծումից հետո` 1895 թվականին, Սվարովսկին Բոհեմիայից տեղափոխվեց Տիրոլ և Վատտենս գյուղում հիմնադրեց բյուրեղապակյա իրերի արտադրության գործարան։ Սկզբում Սվարովսկու` Փարիզից իր գործընկերոջ հետ հիմնած ընկերությունը կոչվում էր «A. Kosmann, Daniel Swarovski & Co»: Ավելի ուշ գործարանը ընդլայնվեց և վերանվանվեց «Swarovski»:

Աշխատանքի առաջին տարիներին ընկերությունը զբաղվում էր բյուրեղների երեսակման և հղկման տեխնոլոգիայի բարելավմամբ` հասցնելով այն կատարելության։ 1911 թվականին Դանիել Սվարովսկին իր որդիների` Վիլհելմի, Ֆրիդրիխի և Ալֆրեդի հետ կարողացավ գտնել թափանցիկություն և փայլ ունեցող բարձրորակ բյուրեղապակու պատրաստման համար անհրաժեշտ ելակետային խառնուրդի լավագույն բաղադրությունը։ Տեխնոլոգիական այդ բաղադրությունը մինչ օրս համարվում է ընկերության գաղտնիքը և խստորեն պահպանվում է։

Ստացված բյուրեղապակյա արտադրանքի որակը թույլ տվեց այն դիտարկել որպես թանկարժեք քարերի և ադամանդի այլընտրանք։ Արտադրության բացումից ի վեր հիմնադրի կողմից հայտարարվել է, որ

Aquote1.png Բյուրեղապակյա «բյուրեղները» նմանակում են թանկարժեք քարերին:
- Դանիել Սվարովսկի
Aquote2.png

Սվարովսկի ընկերության կողմից պատրաստված առաջին զարդերի նմուշները ուղարկվել են Փարիզ և Սանկտ Պետերբուրգ` առաջացնելով հանրության հիացմունքը:

Տես նաև[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]