Դանիել Սուելո

Վիքիպեդիայից՝ ազատ հանրագիտարանից
Դանիել Սուելո
Ծնվել է 1961
Ծննդավայր Դենվեր
Քաղաքացիություն Flag of the United States.svg ԱՄՆ

Դանիել Ջեյմս Շելաբառգերը անգլ.՝ Daniel James Shellabarger (հայտնի՝ որպես Դանիել Սուելո. մարդ, ով հրաժարվեց փողից) ծնվել է 1961 թ-ին Արվանդայում, Կոլորադո (Դենվեր քաղաքի արվարձան)[1]: Ամերիկացի, ով 2000 թ-ին որոշում է ամբողջովին հրաժարվել փողից: Նա ներկայումս ապրում է Մոաբ քաղաքի (Ուտահի նահանգ) հարևանությամբ գտնվող քարանձավներից մեկում[1]:

2000 թ-ին 39 տարեկան հասակում Սուելոն, թողնելով իր ողջ խնայողությունները (30 դոլար) հեռախոսի խցիկում, որոշում է ապրել առանց փողի: Սուելոն չունի բանկային հաշիվ և չի վճարում հարկեր: Նա սնվում է վայրի մրգերով, բույսերով, ճանապարհներին մեքենաների կողմից սպանված կենդանիներով՝ օգտագործելով նաև ժամկետ անց սնունդ[2]: Սուելոն օգտագործում է այն, ինչ տրվում է անվճար: Նա հաճախ աշխատում է առանց վարձատրության: Չնայած նրան, որ նա ապրում է քարաձավում, նա վարում է հասարակական ակտիվ կյանք: Սուելոն հաճախ ճանապարհորդում է հեծանիվով, բեռնատար գնացքներով և ճանապարհին հանդիպող պատահական մեքենաներով:

Սուելոն հայտնի դարձավ 2009 թվականի հոկտեմբերին, երբ նրա մասին գրեց «Details» ամսագիրը[3]: Այս հոդվածը տարածվեց մի շարք կայքերի կողմից, ինչպես օրինակ «The Guardian» Մեծ Բրիտանիա[4], «The Huffington Post»[5] և «Matador Change»[6]: Սուելոն 2009 թվականի սեպտեմբերին հարցազրույց տվեց BBC-ին[7], 2009 թվականի նոյեմբերին «The Denver Post»-ին[8] և «Brazilian INFO»-ին[9]:

Հետագայում նրա պատմությունը տարածվում է ամբողջ աշխարհով բազմաթիվ կայքերի և լրատվական գործակալությունների միջոցով: Սուելոն 2006 թ-ին դարձավ Գորդոն Սթիվենսոնի «Մոաբի չքավորը»[10], 2009 թ-ին Բրադ Բարբերի «զրոյական արժույթ»[11], իսկ 2010 թ-ին «KBYU’s Beehive Stories»[12] խորագրերով ինքնակենսագրական ֆիլմերի գլխավոր հերոսը:

2012 թ-ին «Riverhead/Penguin» հրատարակությունում լույս է տեսնում «Մարդ, ով հրաժարվեց փողից» (անգլ.՝ The Man Who Quit Money) ինքնակեսնագրական գիրքը, որը պատմում է Սուելոի վարած կյանքի մասին: Այն գրվել է Մարկ Սանդենի կողմից: Սուելոն մերժեց ընդունել գրքից ստացված գումարը և խնդրեց հրատարակողներին գիրքը անվճար տալ մարդկանց. ինչը կատարվեց գրքի գովազդային շրջագայությունների ժամանակ[13]: Մարկ Սանդենը նկարահանեց նաև կարճամետրաժ ֆիլմ Սուելոի մասին, որը հեռարձակվեց «BBC News Online»-ով[14]:

Սուելոն համարվում է այն քիչ մարդկանցից, ովքեր կամավոր ապրում են առանց գումարի: Այդ թվին են պատկանում նաև Հեիդեմարի Սչվերմերը, Մարկ Բոյլը և Թոմի Աստիկայնեն[15][16][17]:

Ծանոթագրություններ[խմբագրել | խմբագրել կոդը]

  1. 1,0 1,1 Mark Sundeen (2012). The Man Who Quit Money. p. 39.
  2. Американец живет без денег 12 лет (рус.). Novo News. TVNET (20 апреля 2012). Проверено 21 апреля 2012. Архивировано из первоисточника 19 сентября 2012
  3. Ketcham, Christopher. "Meet the Man Who Lives on Zero Dollars: Career + Money". Details. Retrieved 20 October 2011.
  4. Osborne, Hilary (23 July 2009). "Daniel Suelo: Free spirit or freeloader? | Money | guardian.co.uk". The Guardian. UK. Retrieved 20 October 2011.
  5. Sabloff, Nick (22 July 2009). "Daniel Suelo: The Man Who Survives Without Money". Huffington Post. Retrieved 20 October 2011.
  6. "Man Has Lived 9 Years Without Money—Social Rebel or Simply a Mooch?". Matador Network. 18 September 2009. Retrieved 20 October 2011
  7. "Daniel Suelo: The Modern Caveman". BBC. 29 September 2009. Retrieved 20 October 2011.
  8. Blevins, Jason (22 November 2009). "Moab man embraces simple life living in cave". The Denver Post. Retrieved 20 October 2011.
  9. Paula Rothman, de INFO Online. "´Abri mão do dinheiro há 9 anos´ – INFO Online – (25/11/2009)". Info.abril.com.br. Retrieved 20 October 2011.
  10. "About MONEYLESS IN MOAB Documentary by GORDON STEVENSON". Everythingahead.com. Retrieved 20 October 2011.
  11. "Zero Currency". Bradbarber.net. Retrieved 20 October 2011.
  12. "Beehive Stories | Explore Utah". Kbyutv.org. Retrieved 20 October 2011.
  13. "UG#647 - Making The Universe Your Employer". Retrieved 12 April 2013.
  14. "The American who quit money to live in a cave". BBC. Retrieved 19 April 2012.
  15. Stefanie Marsh, “Living without money”, The Times, 24 November 2009
  16. Christopher Ketcham, “Meet the man who lives on zero dollars”, Details, July 2009
  17. "Biography". Tomi Astikainen. Retrieved 20 October 2011.

Արտաքին հղումներ[խմբագրել | խմբագրել կոդը]