Դանիել Էվանս
Դանիել Էվանս (1792[1][2][2][…], Llanfihangel Ystrad, Ceredigion, Ուելս, Մեծ Բրիտանիայի թագավորություն[3] - մարտի 28, 1846), ավելի հայտնի Դանիել Դդու օ Գերեդիգիոն կեղծանունով, ուելսերեն լեզվով բանաստեղծ։
Կյանք
[խմբագրել | խմբագրել կոդը]Էվանսը ծնվել է Քարդիգանշիր նահանգի Լլանֆիհանգել Իստրադ թաղամասի Մայսմինաչ ֆերմայում: Նա ֆերմեր Դեյվիդ Էվանսի երեք որդիներից երկրորդն էր: Նախքան Օքսֆորդի Հիսուսի քոլեջ տեղափոխվելը Դանիել Էվանսը սովորել է Լամպեթերի գիմնազիայում: Քոլեջն ավարտել է 1810 թվականին և ստացել ազատ արվեստների բակալավրի (1814) և մագիստրոսի (1817) կոչումներ։ 1824 թվականին ստացել է կրոնագիտության բակալավրի աստիճան[4]։ 1817 թվականին նա քոլեջի կողմից արժանացել է կրթաթոշակի, որը նա շաուրնակում էր ստանալ մինչև իր մահը 1846 թվականին[5][4]։
Չնայած որ Էվանսը ձեռնադրվել է որպես քահանա, նա հանրության ուշադրության կենտրոնում է հայտնվել որպես բանաստեղծ, այլ ոչ թե որպես հոգևորական: Նա կարճ ժամանակ աշխատում էր որպես Նորթհեմփթոնի Թագավորական Զինվորական ապաստանի քահանա, բայց վատ առողջության պատճառով հրաժարվեց իր աշխատանքից և վերադարձավ Ուելս՝ իր ծնողների մոտ: Այդքանով ավարտվել է իր եկեղեցական կյանքը։ Նա հատուկ հմտություն ուներ սիրո և բնության պոեզիայի նկատմամբ[4]։ Գրել է և՛ դասական, և՛ ժամանակակից ոճերով[4]։ Էվանսը գրել է մի քանի բանաստեղծություններ անգլերենով, սակայն դրանք ավելի քիչ ուշադրության են արժանացել՝ ի համեմատ ուելսերենով գրած բանաստեղծությունների:
Էվանսը, ով դեպրեսիայով էր տառապում, 1846 թվականի մարտի 28-ին վերջ է տվել իր կյանքին և թաղվել է 1846 թվականի ապրիլի 1-ին։
Աշխատություններ
[խմբագրել | խմբագրել կոդը]Էվանսի հայտնի աշխատություններից են
- Awdlau: gan … Daniel Evans, bardd i Anrhydeddus Gym-deithas y Gwyneddigion, Llundain (1810)
- Gwlad fy Ngenedigaeth and Attebiad 'Ioan Tegid' (1819?)
- Awdl Marwnad Eliezer Williams (1820)
- Englynion er cofiant Ifor Hael, Arglwydd Maesaleg (1822)
- Golwg ar Gyflwr yr Iddewon, Cerdd (1826)
- Ar ddylanwadau yr Yspryd Glan: ymadrodd ar y pwnc … wedi ei gyfieithu a'i dalfyrru gan … Daniel Evans (1826)
- Palesteina: neu, Hanes yr Iddewon a Gwlad Canaan (1841)
- Galar-Cerdd ar farwolaeth William Bruce Knight, Deon Llandaf (1845)
- Cerdd Arwraidd ar y Gauaf
Ծանոթագրություններ
[խմբագրել | խմբագրել կոդը]- ↑ Swartz A. Open Library — 2007.
- ↑ 2,0 2,1 Ուելսի ազգային գրադարանի արխիվների և ձեռագրերի կատալոգ
- ↑ 3,0 3,1 Dictionary of Welsh Biography, Y Bywgraffiadur Cymreig — 1997. — 319 p. — ISBN 978-0-900439-86-5
- ↑ 4,0 4,1 4,2 4,3 Oxford Dictionary of National Biography (online ed.). Oxford University Press. doi:10.1093/ref:odnb/8949 http://www.oxforddnb.com/view/article/8949.
{{cite encyclopedia}}
: Missing or empty|title=
(օգնություն) (Subscription or UK public library membership required.) - ↑ Jones, David Gwenallt. «Evans, Daniel (Daniel Ddu o Geredigion; 1792–1846)». s-EVAN-DAN-1792.
{{cite web}}
:|access-date=
requires|url=
(օգնություն); Missing or empty|url=
(օգնություն)