Դանիել Բենսաիդ

Վիքիպեդիայից՝ ազատ հանրագիտարանից
Jump to navigation Jump to search
Դանիել Բենսաիդ
ֆր.՝ Daniel Bensaïd
Դիմանկար
Ծնվել էմարտի 25, 1946(1946-03-25)[1]
ԾննդավայրԹուլուզ[2]
Մահացել էհունվարի 12, 2010(2010-01-12)[3][1] (63 տարեկան)
Մահվան վայրՓարիզ, Իլ-դը-Ֆրանս
ԳերեզմանՊեր Լաշեզի աճյունասափորանոցային դիակիզարան
ՔաղաքացիությունFlag of France.svg Ֆրանսիա
ԿրթությունÉcole normale supérieure de Saint-Cloud? և Փարիզ-Նանթեր համալսարան
Մասնագիտությունփիլիսոփա, դպրոցի ուսուցիչ, գրող և համալսարանի դասախոս
ԱշխատավայրՓարիզի համալսարան
ԿուսակցությունՀեղափոխական կոմունիստական լիգա և Նոր հակակապիտալիստական կուսակցություն
Daniel Bensaïd Վիքիպահեստում

Դանիել Բենսաիդ (ֆր.՝ Daniel Bensaïd, մարտի 25, 1946(1946-03-25)[1], Թուլուզ[2] - հունվարի 12, 2010(2010-01-12)[3][1], Փարիզ, Իլ-դը-Ֆրանս), ֆրանսիացի փիլիսոփա մարքսիստ, ուսուցիչ, գրող, Հեղափոխական կոմունիստական լիգայի և Նոր հակակապիտալիստական կուսակցության առաջնորդներից մեկը։

Հակիրճ կենսագրություն[խմբագրել | խմբագրել կոդը]

Ծնվել է Թուլուզում 1946 թվականին։ Նրա հայրը սեֆարդցի հրեա էր Ալժիրից, Հյուսիսային Աֆրիկայի բռնցքամարտի չեմպիոն, մայրը եռանդուն և վճռական ֆրանսիացի էր։

1962 թվականին ցնցված Փարիզի ջարդերից՝ Բենսաիդը մտնում է կոմունիստ ուսանողների միություն և համաձայն չլինելով կուսակցական օրթոդոքսիայի հետ` շարժման ներսում անցնում է ձախ ընդդիմության շարքերը։ 1968 թվականին նա դառնում է ուսանողական շարժման առաջնորդներից մեկը։ Այդ ժամանակ նա Նանտերում Փարիզ X համալսարանի ուսանող էր։ Մասնակցել է «Մարտի 22-ի շարժմանը»։ Եղել է «Հեղափոխական կոմունիստական երիտասարդություն» տրոցկիստական կազմակերպության հիմնադիրներից մեկը։ Կոմունիստական լիգայի ստեղծումից հետո մտել է նոր կազմակերպության Քաղբյուրոյի կազմի մեջ։ 1971 թվականի հոկտեմբերին ԱՄՆ դեսպանատան մոտ ցույցի կապակցությամբ ձերբակալվել են Քաղբյուրոյի 17 անդամներ, այդ թվում՝ Դանիել Բենսաիդը։

Նա՝ որպես փիլիսոփայության պրոֆեսոր, դասավանդել է Փարիզ VIII համալսարանում։ Հայտնի է դարձել որպես Վալտեր Բենիամինի և Կարլ Մարքսի աշխատությունների հետազոտող, ինչպես նաև ֆրանսիական պոստմոդեռնիզմի ժամանակակից վերլուծությամբ։ Նա եղել է Հեղափոխական կոմունիստական լիգայի և Չորրորդ ինտերնացիոնալի առաջատար տեսաբան, տպագրվել է նրանց տեսական մարմիններում, մասնավորապես Հեղափոխական կոմունիստական լիգայի Critique communiste ամսագրում։

Համագործակցել է Հետազոտությունների և կրթության միջազգային ինստիտուտի հետ։ Բենսաիդը հակակապիտալիստական պայքարի ռազմավարության և դրա հեռանկարների վերաբերյալ միջազգային կանոնավոր քննարկումների նախաձեռնողն էր։ Գրել է հարցերի լայն շրջանակ ընդգրկող գրքեր և հոդվածներ՝ սկսած հեղափոխական ռազմավարությունից և մարքսիստական փիլիսոփայությունից մինչև Ժաննա դ'Արկի կենսագրությունը։ Նրա աշխատանքների հիմնական մասը հրատարակվել է ֆրանսերենով, սակայն նրա աշխատանքները հասանելի են նաև իսպաներեն, իտալերեն, անգլերեն, պորտուգալերեն, գերմաներեն, թուրքերեն, վիետնամերեն, ճապոներեն և ռուսերեն։

2010 թվականի հունվարի 12-ի առավոտյան Դանիել Բենսաիդը մահացել է քաղցկեղից, որը պայմանավորված է ՁԻԱՀ-ի բուժման համար դեղամիջոցների կողմնակի ազդեցությամբ, որոնք նա ընդունել էր 16 տարվա ընթացքում[4]։

Մատենագիտություն[խմբագրել | խմբագրել կոդը]

Դանիել Բենսաիդ (Եվրոպական սոցիալական ֆորում, Աթենք, 2006 թվականի մայիս)
  • Walter Benjamin sentinelle messianique (Plon, 1990)
  • La discordance des temps : essais sur les crises, les classes, l’histoire (Editions de la Passion 1995)
  • Marx l’intempestif : Grandeurs et misres d’une aventure critique (Fayard 1995)
  • Le pari melancolique (Fayard 1997)
  • Le sourire du spectre (Michalon 2000)
  • Qui est le juge? (Fayard 1999)
  • Contes et le gendes de la guerre ethique (Textuel 1999)
  • Eloge de la resistance e l’air du temps (Textuel 1999)
  • Une lente impatience. Stock — Un ordre d’idées 2004. ISBN 2-234-05659-4
  • Les irreductibles. (Textuel 2001)
  • Fragments Mécréants. Mythes Identitaires et République Imaginaire (2005)

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. 2,0 2,1 2,2 German National Library, Berlin State Library, Bavarian State Library, Austrian National Library Record #113248350 // Gemeinsame Normdatei — 2012—2016.
  3. 3,0 3,1 3,2 http://www.guardian.co.uk/world/2010/jan/14/daniel-bensaid-obituary
  4. Тарик Али (2010-01-14)։ «Daniel Bensaïd obituary»։ News (անգլերեն)։ The Guardian։ Վերցված է 2014-01-13 

Արտաքին հղումներ[խմբագրել | խմբագրել կոդը]